ന്യൂഡൽഹി: ജമ്മു കശ്മീർ മുഖ്യമന്ത്രി ഒമർ അബ്ദുല്ലയും മാധ്യമപ്രവർത്തക നിധി റസ്ദാനും തമ്മിലുള്ള വിവാഹം ഇസ്ലാമിക വിശ്വാസതത്വങ്ങൾക്ക് വിരുദ്ധമാണെന്ന് ഓൾ ഇന്ത്യ മുസ്‌ലിം ജമാഅത്ത് പ്രസിഡന്റ് മൗലാന മുഫ്തി ഷഹാബുദ്ദീൻ റസ്‌വി ബറേൽവി. ശരീഅത്ത് നിയമപ്രകാരം വിവാഹം സാധുവാകണമെങ്കിൽ വധൂവരന്മാർ ഇരുവരും ഇസ്ലാം മതവിശ്വാസികളായിരിക്കണമെന്നാണ് അദ്ദേഹത്തിന്റെ വാദം.
ഒമർ അബ്ദുല്ല മുസ്‌ലിം ആണെങ്കിലും നിധി റസ്ദാൻ മുസ്‌ലിം അല്ലെന്നാണ് റസ്‌വി പറയുന്നത്. അതിനാൽ ഇസ്ലാമിക കാഴ്ചപ്പാടിൽ ഈ വിവാഹത്തിന് സാധുതയില്ലെന്നും അദ്ദേഹം വ്യക്തമാക്കി. നിക്കാഹിന് മുൻപ് നിധി ഇസ്ലാം മതം സ്വീകരിച്ചിട്ടുണ്ടെന്ന് ഒമർ അബ്ദുല്ല ഉറപ്പുവരുത്തേണ്ടതായിരുന്നുവെന്നും അദ്ദേഹം കൂട്ടിച്ചേർത്തു.
ഇരുവരും ഇസ്ലാം മതവിശ്വാസികളായിരിക്കണമെന്ന നിബന്ധന പാലിക്കാത്തതിനാൽ വിവാഹം ഇസ്ലാമിക തത്വങ്ങൾ പ്രകാരം ‘നജായിസ്’ (അസാധു) ആണെന്നാണ് റസ്‌വിയുടെ പരാമർശം.
കഴിഞ്ഞ ദിവസമാണ് ഒമർ അബ്ദുല്ലയും മാധ്യമപ്രവർത്തക നിധി റസ്ദാനുമായുള്ള വിവാഹം നടന്നത്. ‘ഒരു പുതിയ യാത്ര ആരംഭിച്ചു’ എന്ന കുറിപ്പോടെ ഇവർ ചിത്രങ്ങൾ സമൂഹ മാധ്യമങ്ങളിൽ പങ്കുവച്ചിരുന്നു.
