“പിരിക്കുക, കക്കുക, മുക്കുക” എന്നത് ക്യാൻസർ പോലെ ലീഗിനെ കാർന്നുതിന്നു, ബിജെപി പ്രവർത്തകനെ ഉപയോഗിച്ച് 8 കോടി കൊള്ള ചെയ്തവർ സമുദായത്തിന്റെ നെഞ്ച് പിളർത്താൻ ആർഎസ്എസിനെ ഉപയോഗിക്കില്ലെന്ന് എന്താണ് ഉറപ്പ്??

മലപ്പുറം: മുസ്ലിം ലീഗിനെയും പോഷക സംഘടനയായ കെഎംസിസിയെയും രൂക്ഷമായി വിമർശിച്ച് മുൻ മന്ത്രിയും എംഎൽഎയുമായ കെ.ടി. ജലീൽ. ബിജെപി പ്രവർത്തകനെ ഉപയോഗിച്ച് 8 കോടി കൊള്ള ചെയ്തവർ സമുദായത്തിന്റെ നെഞ്ച് പിളർത്താൻ ആർഎസ്എസിനെ ഉപയോഗിക്കില്ലെന്ന് എന്താണ് ഉറപ്പെന്ന് ജലീൽ ചോദിച്ചു.

‘പിരിക്കുക, കക്കുക, മുക്കുക’ എന്നത് അടിമുതൽ മുടിവരെ ക്യാൻസർ പോലെ ലീഗിനെ കാർന്നുതിന്നുകയാണെന്നും കെഎംസിസിയുമായി ബന്ധപ്പെട്ട് ഇപ്പോൾ ഉയർന്ന സാമ്പത്തിക കുറ്റത്തിന്റെ ഒരു ചെറിയ അറ്റം മാത്രമാണ് പുറത്തുവന്നിരിക്കുന്നതെന്നും അദ്ദേഹം ആരോപിച്ചു.

കള്ളപ്പണത്തിൽ മുങ്ങിക്കുളിച്ചുനിൽക്കുന്ന ലീഗിനെയും യൂത്ത് ലീഗിനെയും കെഎംസിസിയെയും ഇനിയും തുറന്നുകാട്ടിയില്ലെങ്കിൽ ആ കൊള്ളയുടെ പേരിൽ മുസ്ലിം സമുദായം ഒന്നടങ്കം പ്രതിക്കൂട്ടിൽ നിൽക്കേണ്ടി വരുമെന്നും ജലീൽ മുന്നറിയിപ്പ് നൽകി.