BREAKING NEWS

പോകേണ്ടത് തലശ്ശേരിക്ക്, അമ്മ മിഠായിക്കടലാസ് വേസ്റ്റ് ബിന്നിലിടാൻ തിരിഞ്ഞ നേരത്തിന് നാലുവയസുകാരൻ തിരുവനന്തപുരത്തേക്കു പുറപ്പെട്ട കിടന്ന ട്രെയിനിൽ ചാടിക്കയറി… മകനെ കാണാതെ കരഞ്ഞ അമ്മയ്ക്ക് തുണയായത് റെയിൽവേ ഉദ്യോ​ഗസ്ഥർ, തിരൂരിൽ നിന്ന് കുഞ്ഞ് അമ്മയുടെ കൈകളിലേക്ക്

· · 1 min read
Share: Copied!

തിരൂർ; റെയിൽവേ സ്റ്റേഷനിലൂ‌ടെ ഓടിനടക്കുന്നതിനിടെ കുഞ്ഞ് ഓടിക്കയറിയ ട്രെയിൻ രക്ഷിതാക്കളറിയും മുൻപ് സ്റ്റേഷൻ വിട്ടു. പിന്നാലെ റെയിൽവേ ഉദ്യോഗസ്ഥരുടെയും ആർപിഎഫിന്റെയും കൃത്യമായ ഇടപെടലിൽ ഒരു കുഴപ്പവുമില്ലാതെ കുഞ്ഞ് രക്ഷിതാക്കളുടെ കൈകളിലേക്ക് തിരിച്ചുമെത്തി. ഇന്നലെ ഉച്ചയ്ക്ക് കോഴിക്കോട്ടുനിന്ന് തിരുവനന്തപുരത്തേക്കു പുറപ്പെട്ട ജനശതാബ്ദി എക്സ്പ്രസിലാണു സംഭവം. പാനൂർ സ്വദേശികളായ കുടുംബം കോഴിക്കോട് റെയിൽവേ സ്റ്റേഷനിൽ തലശ്ശേരിയിലേക്കുള്ള ട്രെയിൻ കാത്തിരിക്കുകയായിരുന്നു. മിഠായിക്കടലാസ് കളയാൻ അമ്മ അടുത്തുള്ള വേസ്റ്റ് ബിന്നിനരികിലേക്കു പോയ തക്കത്തിൽ കുഞ്ഞ് അടുത്ത ട്രാക്കിൽ കിടക്കുകയായിരുന്ന ജനശതാബ്ദി എക്സ്പ്രസിൽ കയറി. കുഞ്ഞു കയറിയ പിന്നാലെ ട്രെയിൻ പുറപ്പെടുകയും ചെയ്തു.

ഇതിനിടെ അമ്മ കുഞ്ഞിനെ കാണാതെ കരച്ചിൽ തുടങ്ങി. തുടർന്ന് സ്റ്റേഷനിലാകെ ആർപിഎഫും മറ്റുള്ളവരും തിരച്ചിലും നടത്തി. ഇതേസമയം ട്രെയിനിലെ ഡി 8 കോച്ചിലുണ്ടായിരുന്ന ടിടിഇ തൊടുപുഴ സ്വദേശി എൻ.എം. പ്രതീഷിനരികിൽ യാത്രക്കാരിലൊരാൾ വാതിലിനടുത്തുനിന്ന് കണ്ടെത്തിയ കുഞ്ഞുമായെത്തി. കാര്യങ്ങൾ ചോദിക്കുന്നതിനിടെ ട്രെയിനിലെ സീനിയർ സിസിടിസി സനൽ തോമസും സഹായത്തിനെത്തി. തുടർന്ന് ഇരുവരും ഇക്കാര്യം കമേഴ്സ്യൽ കൺട്രോളിലേക്ക് സന്ദേശമയച്ച് വിവരമറിയിച്ചു. കോഴിക്കോട് റെയിൽവേ സ്റ്റേഷനിൽ അനൗൺസ്മെന്റും നടത്തി. ഇതോടെ കുഞ്ഞ് ട്രെയിനിലുണ്ടെന്ന് മനസിലായി.

തുടർന്ന് തിരൂരിലെ ആർപിഎഫിന് കുഞ്ഞിനെ കൈമാറാനുള്ള സന്ദേശം നൽകി. ട്രെയിൻ തിരൂരിലെത്തിയപ്പോൾ കുട്ടിയെ കൂട്ടാൻ തിരൂർ ആർപിഎഫ് എസ്ഐ എൽ. ബിനുവും സംഘവുമുണ്ടായിരുന്നു. പിന്നാലെ കോയമ്പത്തൂർ ഇന്റർസിറ്റി എക്സ്പ്രസിൽ കുട്ടിയുടെ രക്ഷിതാക്കൾ തിരൂരിലെത്തി. ഇവർക്ക് ബിനുവും സംഘവും കുഞ്ഞിനെ സുരക്ഷിതമായി നൽകിയതോടെ കുടുംബം തിരികെ തലശ്ശേരിയിലേക്കു തിരിച്ചു.

‘വിജയ് സാർ ഒന്നു വിളിച്ചിരുന്നെങ്കിൽ സന്തോഷമായേനെ’– ആഗ്രഹം തുറന്നുപറഞ്ഞ് ഏഷ്യൻ​ഗെയിംസ് വെള്ളി മെഡൽ ജേതാവ് ആൻസി സോജൻ

 

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026