BREAKING NEWS

ട്രംപിന്റെ മുഖസാമ്യമുള്ള മാരക ലഹരിഗുളിക; പാരാ-മെഥോക്‌സിമെഥാംഫെറ്റാമെൻ എന്ന അപകടകാരിയായ ലഹരിവസ്തു; നെതർലൻഡ്‌സിൽ റെഡ് അലേർട്ട്

· · 1 min read
Share: Copied!

ഹേഗ്: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മുഖത്തിന്റെ ആകൃതിയോട് സാമ്യമുള്ള മാരക ലഹരിഗുളികകൾക്കെതിരെ മുന്നറിയിപ്പുമായി നെതർലൻഡ്‌സിലെ മയക്കുമരുന്ന് വിരുദ്ധ മാനസികാരോഗ്യ സംഘടനയായ ട്രിംബോസ് ഇൻസ്റ്റിറ്റ്യൂട്ട്. ജീവഹാനിക്ക് വരെ കാരണമാകാവുന്ന ഗുളികകൾ കണ്ടെത്തിയതിനെ തുടർന്ന് രാജ്യത്ത് റെഡ് അലേർട്ട് പ്രഖ്യാപിച്ചു.

ഡച്ച് ഡ്രഗ് ടെസ്റ്റിങ് കേന്ദ്രങ്ങളിൽ കഴിഞ്ഞ ദിവസങ്ങളിൽ ഇത്തരം ഗുളികകൾ കണ്ടെത്തിയതിനെ തുടർന്നാണ് മുന്നറിയിപ്പ്. പച്ച, മഞ്ഞ നിറങ്ങളിലാണ് ഗുളികകൾ വിപണിയിലെത്തിയിരിക്കുന്നത്. ഒരുവശത്ത് ട്രംപിന്റെ മുഖസാമ്യമുള്ള രൂപവും മറുവശത്ത് ‘എൻ.എൽ.’, ‘ട്രംപ്’ എന്നീ അടയാളങ്ങളും പതിപ്പിച്ചിട്ടുണ്ട്.

സാധാരണ ലഹരിഗുളികകളിൽ കാണപ്പെടുന്ന എം.ഡി.എം.എയ്ക്ക് പകരം പാരാ-മെഥോക്‌സിമെഥാംഫെറ്റാമെൻ (പി.എം.എം.എ.) എന്ന അപകടകാരിയായ ലഹരിവസ്തുവാണ് ഗുളികകളിൽ അടങ്ങിയിരിക്കുന്നതെന്ന് അധികൃതർ അറിയിച്ചു.

പി.എം.എം.എ. ശരീരത്തിന്റെ താപനില അപകടകരമായ നിലയിലേക്ക് ഉയരാൻ കാരണമാകും. എം.ഡി.എം.എയെ അപേക്ഷിച്ച് ഇതിന്റെ പ്രവർത്തനം സാവധാനത്തിലായതിനാൽ ഗുളികയുടെ ഫലം ലഭിക്കുന്നില്ലെന്ന് കരുതി കൂടുതൽ അളവിൽ കഴിക്കാനുള്ള സാധ്യതയുണ്ട്. ഇത് അമിത അളവിലുള്ള ഉപയോഗത്തിലേക്ക് നയിക്കുകയും ജീവൻ അപകടത്തിലാക്കുകയും ചെയ്യാമെന്നാണ് മുന്നറിയിപ്പ്.

നിലവിൽ ഇത്തരം ഗുളികകൾ കഴിച്ചതിനെ തുടർന്ന് രാജ്യത്ത് ആരോഗ്യപ്രശ്നങ്ങളോ മരണങ്ങളോ റിപ്പോർട്ട് ചെയ്തിട്ടില്ലെന്ന് അധികൃതർ വ്യക്തമാക്കി.

ട്രംപിന്റെ മുഖത്തിന്റെ ആകൃതിയിലുള്ള ലഹരിഗുളികകൾ ഇതാദ്യമായല്ല യൂറോപ്പിൽ കണ്ടെത്തുന്നത്. 2017ൽ ജർമൻ പോലീസും സമാനമായ ഓറഞ്ച് നിറത്തിലുള്ള ട്രംപ് ആകൃതിയിലുള്ള ഗുളികകൾ പിടിച്ചെടുത്തിരുന്നു.

BREAKING NEWS
’ഒരിക്കലും സംഭവിക്കാൻ പാടില്ലാത്തത്; മാപ്പു ചോദിക്കുന്നു'; തിരൂരങ്ങാടിയിൽ സ്റ്റേ വയറിൽനിന്ന് ഷോക്കേറ്റ് മരണപ്പെട്ട 13കാരൻ ജുനൈദിന്റെ മരണത്തിൽ കെ.എസ്.ഇ.ബി., ’ഉത്തരവാദികൾക്കെതിരെ കർശന നടപടിയുണ്ടാകും’
16 Nov 2026
BREAKING NEWS
എൽപിഎസ്‍ടി സമരം 134-ാം ദിവസത്തിലേക്ക്; ഇടപെട്ട് മുഖ്യമന്ത്രി, ഇന്ന് വിദ്യാഭ്യാസ മന്ത്രിയുമായി ചർച്ച; വളർമതിയുടെ 23 ദിവസമായി നിരാഹാര സമരത്തിൽ; ആരോ​ഗ്യ നില ​ഗുരുതരം; ’തീരുമാനമാകാതെ പിന്മാറില്ല’
16 Nov 2026
BREAKING NEWS
20 ലക്ഷം ബാരൽ ക്രൂഡ് ഓയിലുമായി കപ്പൽ ഹോർമുസിൽ മുങ്ങി; മൈനുകളിൽ തട്ടി തകർന്നത് രണ്ട് കപ്പലുകളെന്ന് റിപ്പോർട്ട്; അമേരിക്കയുടെ സഹായത്തോടെ ഹോർമുസ് കടക്കാൻ ശ്രമിച്ച കപ്പലുകളാണ് ആക്രമിക്കപ്പെട്ടതെന്ന് ഇറാൻ
16 Nov 2026
BREAKING NEWS
" പാഴ് വാഗ്ദാനങ്ങൾ നൽകാൻ ബിബിക്ക് യാതൊരു മടിയുമുണ്ടായിരുന്നില്ല!! മധ്യപൂർവേഷ്യയിൽ സ്ഥിരമായ സമാധാനം സ്ഥാപിക്കാമെന്ന എന്റെ പ്രതീക്ഷകൾ 2023 ഒക്ടോബർ ഏഴിന് ഹമാസ് നടത്തിയ ആക്രമണത്തോടെ തകർന്നു... ഗാസയിൽ ഓരോ തവണയും കൂടുതൽ സാധാരണക്കാർ കൊല്ലപ്പെട്ടു, സ്വന്തം രാഷ്ട്രീയ നേട്ടങ്ങൾക്കപ്പുറം രാജ്യത്തിന്റെ ഭാവിയ...
16 Nov 2026