BREAKING NEWS

വരവ് കുറഞ്ഞു, ചെലവ് കൂടി… ഐഫോണിന്റെ ഇഎംഐ മുടങ്ങി, മാനസിക സമ്മർദത്തിൽ യമുനയിൽ ചാടിയ ന‍ൃത്താധ്യാപകനെ രക്ഷപ്പെടുത്തി, ആത്മഹത്യയ്ക്ക് ശ്രമിച്ചത് രണ്ടു കുട്ടികളുടെ പിതാവ്!! ഒരാഴ്ചയ്ക്കിടെ ഐഫോൺ ഇഎംഐയുടെ പേരിൽ ജീവനൊടുക്കാൻ ശ്രമിച്ചത് രണ്ടുപേർ

· · 1 min read
Share: Copied!

ന്യൂഡൽഹി: ഐഫോണിന്റെ മാസ തവണകൾ അടയ്ക്കാൻ കഴിയാത്തതിനെ തുടർന്നുണ്ടായ സാമ്പത്തിക സമ്മർദ്ദത്തിൽ ഡാൻസ് അധ്യാപകൻ യമുന നദിയിൽ ചാടിയതായി റിപ്പോർട്ട്. തെക്കുകിഴക്കൻ ഡൽഹിയിലെ കാലിന്ദി കുഞ്ച് ഭോലാ ഘട്ടിന് സമീപമാണ് സംഭവം. എന്നാൽ ഇയാൾ ചാടുന്നതു കണ്ടുനിന്നവരുടെ സമയോചിതമായ ഇടപെടലിലൂടെ യുവാവിനെ രക്ഷപ്പെടുത്തി.

വെള്ളിയാഴ്ച രാത്രി എട്ടരയോടെയാണ് സംഭവം. പട്രോളിങ്ങിലുണ്ടായിരുന്ന പോലീസിന് ഒരാൾ യമുനയിലേക്ക് ചാടിയെന്ന വിവരം ലഭിച്ചു. തുടർന്ന് പോലീസ് സംഘം സ്ഥലത്തെത്തി ഫ്ലഡ് ഡിപ്പാർട്ട്മെന്റിനെ വിവരമറിയിച്ചു. പിന്നാലെ ബോട്ടുമായി രക്ഷാപ്രവർത്തക സംഘം സ്ഥലത്തെത്തി. നദിയിൽ യുവാവിനെ കണ്ടെത്തുകയും സുരക്ഷിതമായി കരയിലെത്തിക്കുകയും ചെയ്തു.

ഒഖ്ല സ്വദേശിയായ 30കാരനാണ് സംഭവത്തിൽപ്പെട്ടത്. ഭാര്യയും രണ്ട് കുട്ടികളുമൊപ്പമാണ് ഇയാൾ താമസിക്കുന്നത്. ഡാൻസ് അധ്യാപകനായി ജോലി ചെയ്യുന്നതിനൊപ്പം പൂന്തോട്ട പരിപാലന ജോലികളും ഇയാൾ ചെയ്തുവരികയായിരുന്നു. എന്നാൽ കഴിഞ്ഞ ഏതാനും മാസങ്ങളായി വരുമാനം കുറഞ്ഞതോടെ സാമ്പത്തിക ബുദ്ധിമുട്ട് രൂക്ഷമായതായി പോലീസ് പറഞ്ഞു.

വരുമാനം കുറഞ്ഞതോടെ ഐഫോണിന്റെ പ്രതിമാസ ഇഎംഐ അടയ്ക്കുന്നത് ബുദ്ധിമുട്ടായെന്നും ഇതുമൂലം വലിയ മാനസിക സമ്മർദ്ദത്തിലായിരുന്നെന്നും ചോദ്യം ചെയ്യലിൽ യുവാവ് പോലീസിനോട് പറഞ്ഞു. രക്ഷപ്പെടുത്തിയ ശേഷം പോലീസ് ഇയാളെ കൗൺസലിങ് നൽകി. ഭാര്യയെയും ഭാര്യാസഹോദരനെയും പോലീസ് സ്റ്റേഷനിലേക്ക് വിളിച്ചുവരുത്തിയ ശേഷമാണ് ഇയാളെ വീട്ടിലേക്ക് അയച്ചത്.

അതേസമയം മൊബൈൽ ഫോൺ വാങ്ങുന്നതുമായി ബന്ധപ്പെട്ട തർക്കം മറ്റൊരു കുടുംബത്തിന്റെ ദാരുണമായ മരണത്തിലേക്ക് നയിച്ച സംഭവത്തിന് പിന്നാലെയാണ് ഡൽഹിയിലെ ഈ സംഭവം. മഹാരാഷ്ട്രയിലെ ഛത്രപതി സംഭാജിനഗറിൽ വെള്ളിയാഴ്ചയാണ് മൊബൈൽ ഫോൺ വാങ്ങുന്നതുമായി ബന്ധപ്പെട്ട കുടുംബവഴക്കിനിടെ മൂന്ന് പേർ മരിച്ചത്.

 

BREAKING NEWS
വിമാനത്തിൽ ഇരുമുടിക്കെട്ട് കൊണ്ടുപോകാൻ അനുമതി; തുടർച്ചയായ മൂന്നാം വർഷവും ഇളവ് വ്യോമയാന മന്ത്രാലയം, ശബരിമലയിൽ തീർഥാടകരുടെ തിരക്കേറി ന്യൂഡൽഹി: അയ്യപ്പഭക്തർക്ക് വിമാനത്തിന്റെ ക്യാബിനിൽ ഇരുമുടിക്കെട്ട് കൊണ്ടുപോകാൻ അനുമതി നൽകി കേന്ദ്ര വ്യോമയാന മന്ത്രാലയം. തുടർച്ചയായ മൂന്നാം വർഷമാണ് ഇതിനുള്ള അനുമതി നീ...
22 Nov 2026
BREAKING NEWS
അടഞ്ഞ അധ്യായങ്ങള്‍ വീണ്ടും തര്‍ക്കവിഷയമാക്കരുത്, പിഎം ശ്രീ സംബന്ധിച്ച പ്രസ്താവനകള്‍ ഒഴിവാക്കേണ്ടതായിരുന്നു, വി ശിവന്‍കുട്ടിയെയും ടി പി രാമകൃഷ്ണനെയും തള്ളി സിപിഐ(എം)
22 Nov 2026
BREAKING NEWS
’ശബരിമല ഡ്യൂട്ടിക്ക് മദ്യപാനികളെയും മോശം പെരുമാറ്റമുള്ളവരെയും അയക്കരുത്’; എസ്പിമാർക്ക് ഐജിയുടെ കർശന നിർദേശം ’നിലയ്ക്കലിലെ മർദനം സേനയ്ക്ക് നാണക്കേട്’
22 Nov 2026
BREAKING NEWS
പരസ്യമായി മദ്യപിച്ചതിന് വികാരിക്കെതിരെ പൊലീസ് കേസ്, പള്ളിമേട പൂട്ടി പ്രതിഷേധവുമായി വിശ്വാസികള്‍, എത്രയും പെട്ടന്ന് സ്ഥാനം ഒഴിയണം, ചെയ്തു കൂട്ടുന്നത് പൗരോഹിത്യത്തിന് നിരക്കാത്ത പ്രവൃത്തികള്‍, പേട്ട സെന്റ് ആൻസ് പള്ളിയിൽ സംഘര്‍ഷം
22 Nov 2026