Related Post
ബെംഗളൂരു: ത്യാഗരാജനഗറിൽ വീടിനു മുന്നിലെ റോഡിൽ കളിച്ചുകൊണ്ടിരുന്ന 5 വയസ്സുകാരനെ പിന്നിൽ നിന്നെത്തി ചവിട്ടി വീഴ്ത്തി. കുട്ടിയുടെ മുഖത്തും കൈകാലുകൾക്കും പരുക്ക്. സംഭവത്തിൽ മുൻ ജിം ട്രെയ്നറെ പോലീസ് അറസ്റ്റ് ചെയ്തു. പ്രദേശവാസിയായ രഞ്ജിത്താണു കുഞ്ഞിനോടു ക്രൂരത കാണിച്ചത്. കഴിഞ്ഞ ദിവസം ഉച്ചയ്ക്കു മറ്റു കുട്ടികൾക്കൊപ്പം കളിച്ചുകൊണ്ടിരുന്ന നീവ് ജെയിനിനെയാണ് ഇയാൾ ആക്രമിച്ചത്.
രഞ്ജിത്തിന്റെ ചവിട്ടിൽ റോഡിലേക്കു തെറിച്ചുവീണ കുട്ടിയുടെ മുഖത്തും കൈകാലുകൾക്കും പരുക്കേറ്റു. കുട്ടിയെ പ്രകോപനമൊന്നുമില്ലാതെ ആഞ്ഞുചവിട്ടുകയായിരുന്നു. സംഭവത്തിന്റെ സിസിടിവി ദൃശ്യം ലഭിച്ചിട്ടുണ്ട്. കുട്ടിയുടെ അമ്മ ദീപിക ജെയിൻ നൽകിയ പരാതിയിലാണ് അറസ്റ്റ്. ഇയാൾ മുൻപും കുട്ടികളെ ആക്രമിക്കുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഇയാളെ പിന്നീട് ജാമ്യത്തിൽവിട്ടു.
