ബെംഗളൂരു: കന്നഡ നടി ആഷിക രംഗനാഥിന്റെ ബന്ധു അചല ഹർഷ (22) മരിച്ച സംഭവത്തിൽ അചലയുടെ കാമുകനും അമ്മയ്ക്കുമെതിരെ പൊലീസ് കേസെടുത്തു. ഹർഷയുടെ മരണത്തിൽ പിതാവ് പൊലീസിൽ പരാതി നൽകിയിരുന്നു. നവംബർ 22നാണ് പുട്ടൻഹള്ളിയിലെ ബന്ധുവിന്റെ വീട്ടിൽ ഹർഷയെ മരിച്ച നിലയിൽ കണ്ടെത്തിയത്. ഹർഷയുടെ കാമുകൻ മായങ്ക് ഗൗഡ മറ്റൊരു യുവതിയുമായി ബന്ധത്തിലായിരുന്നു.
മായങ്കിനോട് ഇക്കാര്യം ചോദിച്ചപ്പോൾ താൻ ആ യുവതിയെ വിവാഹം കഴിക്കാൻ പോവുകയാണെന്നാണ് അയാൾ പറഞ്ഞത്. കൂടാതെ ‘‘ നീ പോയി ആത്മഹത്യ ചെയ്യ്’ എന്ന് യുവതിയോട് ഇയാൾ പറഞ്ഞതായും റിപ്പോർട്ടുണ്ട്. ഇതിനു പിന്നാലെയാണ് ഹർഷയെ ബന്ധുവീട്ടിൽ ആത്മഹത്യ ചെയ്ത നിലയിൽ കണ്ടെത്തിയത്. അതിനിടെ, ഹർഷയും മായങ്കും തമ്മിലുള്ള വാട്സാപ്പ് ചാറ്റുകളുടെ സ്ക്രീൻ ഷോട്ടുകളും പുറത്തു വന്നിട്ടുണ്ട്.
നീ എന്നെ ചതിച്ചെന്നും എന്നെ തകർത്തെന്നും ഈ ജന്മത്തിൽ നിന്നോട് ഞാൻ പൊറുക്കില്ലെന്നുമെല്ലാം ചാറ്റുകളിലുണ്ട്. ഹർഷയുടെ കാമുകനും അമ്മയ്ക്കുമെതിരെ ആത്മഹത്യ പ്രേരണാക്കുറ്റം ചുമത്തിയാണ് ബെംഗളൂരു പൊലീസ് കേസെടുത്തിരിക്കുന്നത്.
Related Post
