BREAKING NEWS

‘മാനസികമായി തളർന്നുനിന്ന സമയത്ത് കൂടെനിന്ന് ആശ്വസിപ്പിച്ച മിവ ജോളി കുടുംബാംഗം തന്നെ’!! കെഎസ്‌യു സംസ്ഥാന ജനറൽ സെക്രട്ടറിക്ക് തെരഞ്ഞെടുപ്പിൽ മത്സരിക്കാൻ കെട്ടിവെക്കാനുള്ള തുക നൽകി ഷഹബാസിന്റെ പിതാവ്

· · 1 min read
Share: Copied!

താമരശ്ശേരി: തന്റെ മകന്റെ വിയോഗത്തിൽ തകർന്നുപോയപ്പോൾ ചേർത്തുനിർത്തിയ കരങ്ങളിലേക്ക് തിരഞ്ഞെടുപ്പിൽ കെട്ടിവെക്കാനുള്ള തുക ചേർത്തുവെച്ച് പിതാവ്. താമരശ്ശേരിയിൽ സഹപാഠികളുടെ അക്രമണത്തിൽ കൊല്ലപ്പെട്ട ഷഹബാസിന്റെ പിതാവ് ഇഖ്ബാലാണ് കെഎസ്‌യു സംസ്ഥാന ജനറൽ സെക്രട്ടറി മിവ ജോളിക്ക് കെട്ടിവെക്കാനുള്ള പണം നൽകിയത്. വാഴക്കുളം ബ്ലോക്ക് പഞ്ചായത്ത് എടത്തല ഡിവിഷനിൽ നിന്നുള്ള യുഡിഎഫ് സ്ഥാനാർഥിയാണ് മിവ.

താനും കുടുംബവും മാനസികമായി തളർന്നുനിന്ന സമയത്ത് എറണാകുളത്തുനിന്നും താമരശ്ശേരിയിലെത്തി കൂടെ നിന്ന് ആശ്വസിപ്പിച്ച മിവ ജോളി, കുടുംബാംഗം തന്നെയെന്ന് ഷഹബാസിന്റെ പിതാവ് ഇഖ്ബാൽ പറഞ്ഞു. വീട്ടിൽ വന്നപ്പോൾ എന്തുസഹായവും ചെയ്തുതരാമെന്ന് ഉറപ്പ് നൽകിയ മിവ, താൻ കേസുമായി ഹൈക്കോടതിയിൽ എത്തിയപ്പോൾ എല്ലാത്തിനും കൂടെയുണ്ടായിരുന്നുവെന്നും പാവങ്ങൾക്കൊപ്പം മിവ ഉണ്ടാവുമെന്ന് വിശ്വസിക്കുന്നതായും ഇഖ്ബാൽ പറഞ്ഞു.

അതേസമയം സ്ഥാനാർഥിയാണെന്ന് അറിഞ്ഞപ്പോൾ തന്നെ കെട്ടിവെക്കാനുള്ള പണം നൽകാമെന്നുപറഞ്ഞ് ഇഖ്ബാൽ ഫോണിൽ ബന്ധപ്പെട്ടിരുന്നുവെന്ന് മിവയും പറഞ്ഞു. അതിൽ സന്തോഷമുണ്ടെന്നും ജീവിതാവസാനം വരെ ഷഹബാസിന്റെ കുടുംബത്തിലെ ഒരംഗമായി അവർക്കൊപ്പം നിൽക്കുമെന്നും മിവ പറയുന്നു. 2023 ൽ മുഖ്യമന്ത്രി പിണറായി വിജയനെ കരിങ്കൊടി കാട്ടിയ മിവ ജോളിയെ പോലീസ് ബലം പ്രയോഗിച്ച് പിടികൂടിയത് വിവാദമായിരുന്നു. മിവയെ കോളറിൽ പൊക്കിയെടുത്ത പോലീസിന്റെ നടപടി അന്നു വിവാദമായിരുന്നു. അന്ന് കെഎസ്‌യു എറണാകുളം ജില്ലാ ജനറൽ സെക്രട്ടറിയായിരുന്നു മിവ.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026