ഗാസയിൽ ഇസ്രായേൽ നടത്തിക്കൊണ്ടിരിക്കുന്ന ആക്രമണം വംശഹത്യയെന്ന് ഹോളിവുഡ് നടി ജെന്നിഫർ ലോറൻസ്. ഇത് ഭയാനകവും വേദനാജനകവുമാണെന്നും നടി പറഞ്ഞു.ലോറൻസിന്റെ പുതിയ ചിത്രം ഡൈ മൈ ലവുമായി ബന്ധപ്പെട്ട വാർത്താ സമ്മേളനത്തിലായിരുന്നു നടിയുടെ പരാമർശം.
വാർത്താസമ്മേളനത്തിൽ ഗാസ വിഷയത്തിലെ ചോദ്യത്തോടായിരുന്നു നടിയുടെ പ്രതികരണം. ‘ഗാസയിൽ നടക്കുന്ന കാര്യങ്ങൾ തന്നെ ഭയപ്പെടുത്തുന്നു. എനിക്ക് ഓർക്കുമ്പോൽ തന്നെ പേടിയാണ്. വേദനാജനകമാണത്. വംശഹത്യയാണ് അവിടെ നടക്കുന്നത്’ എന്നായിരുന്നു ജെന്നിഫർ പറഞ്ഞത്.
അതേടൊപ്പം ഇസ്രയേലിനെ പിന്തുണയ്ക്കുന്ന അമേരിക്കൻ നിലപാടിനെതിരെയും താരം വിമർശിച്ചു. രാഷ്ട്രീയത്തിന് സത്യസന്ധതയില്ല, അമേരിക്കൻ നിലപാട് തന്നെ ദുഃഖിപ്പിക്കുകയാണ്. രാഷ്ട്രീയക്കാർ കള്ളം പറയുകയാണ്. അവർക്ക് സഹാനുഭൂതിയില്ല, ലോകത്തിന്റെ ഒരു വശത്ത് സംഭവിക്കുന്നതിനെ അവഗണിക്കുമ്പോൾ, അത് നിങ്ങളുടെ വശത്തും വരാൻ അധിക നാളെടുത്തേക്കില്ലെന്ന് എല്ലാവരും ഓർമ്മിക്കേണ്ടതുണ്ടെന്നും ജെന്നിഫർ കൂട്ടിച്ചേർത്തു.
Related Post
