ഒരു വർഷമായി നിരന്തരം പീഡിപ്പിക്കാൻ ശ്രമിക്കുന്നു, ഭർത്താവിന്റെ ചികിത്സ ഏറ്റെടുത്തുകൊള്ളാമെന്ന് വാ​ഗ്ദാനം- ക​രു​നാ​ഗ​പ്പ​ള്ളി ന​ഗ​ര​സ​ഭ ചെ​യ​ർ​മാ​നെ​തി​രെ ജീവനക്കാരി; ഉദ്ദേശം വക്തിഹത്യയെന്ന് കോ​ട്ട​യി​ൽ രാ​ജു​

ക​രു​നാ​ഗ​പ്പ​ള്ളി: താ​ൽ​ക്കാ​ലി​ക വ​നി​താ ജീ​വ​ന​ക്കാ​രി​യു​ടെ ലൈം​ഗി​ക ആ​രോ​പ​ണ പ​രാ​തി​യി​ൽ ക​രു​നാ​ഗ​പ്പ​ള്ളി ന​ഗ​ര​സ​ഭ ചെ​യ​ർ​മാ​നെ​തി​രെ കേ​സ്. ക​രു​നാ​ഗ​പ്പ​ള്ളി ന​ഗ​ര​സ​ഭ ചെ​യ​ർ​മാ​ൻ കോ​ട്ട​യി​ൽ രാ​ജു​വി​നെ​തി​രെയാണ് വനിതാ ജീവനക്കാരി പരാതി നൽകിയത്. വഴങ്ങിക്കൊടുക്കാൻ പലതരത്തിലുള്ള വാ​ഗ്ദാനങ്ങൾ നൽകിയിട്ടുണ്ടെന്നും ജീവനക്കാരി പരാതിയിൽ പറയുന്നു.

ജീവനക്കാരിയുടെ പരാതി ഇങ്ങനെ: ഒ​രു​വ​ർ​ഷ​മാ​യി ചെ​യ​ർ​മാ​ൻ നി​ര​ന്ത​ര​മാ​യി മു​റി​യി​ലേ​ക്ക് വി​ളി​ച്ചു​വ​രു​ത്തി ലൈം​ഗി​ക​മാ​യി പീ​ഡി​പ്പി​ക്കാ​ൻ ശ്ര​മി​ക്കു​ന്നു. വ​ഴ​ങ്ങിക്കൊടുത്താൽ വൃ​ക്ക​രോ​ഗി​യാ​യ ത​ൻറെ ഭ​ർ​ത്താ​വി​ൻറെ മു​ഴു​വ​ൻ ചി​കി​ത്സ ചെ​ല​വും ഏ​റ്റെ​ടു​ത്തു​കൊ​ള്ളാമെന്നും വാ​ഗ്ദാനം. കൂടാതെ ലൈം​ഗി​ക ചു​വ​യോ​ടെ സം​സാ​രി​ച്ചു​വെ​ന്നും യു​വ​തി​യു​ടെ പ​രാ​തിയിൽ പറയുന്നു.

ഭ​ർ​ത്താ​വി​ൻറെ ചി​കി​ത്സാ ധ​ന​സ​മാ​ഹ​ര​ണ​വു​മാ​യി ബ​ന്ധ​പ്പെ​ട്ട് ചെയർമാനെ സ​മീ​പി​ച്ച​പ്പോ​ഴാ​യി​രു​ന്നു സം​ഭ​വ​ം. പ​ണം വേ​ണ​മെ​ങ്കി​ൽ ത​ൻറെ ഒ​പ്പം വ​ര​ണ​മെ​ന്ന് ന​ഗ​ര​സ​ഭ ചെ​യ​ർ​മ​ൻ ആ​വ​ശ്യ​പ്പെ​ട്ടു​വെ​ന്നും യു​വ​തി പ​റ​ഞ്ഞു.

സംഭവത്തെക്കുറിച്ച്സി​പി​എം പ്രാ​ദേ​ശി​ക ഘ​ട​ക​ങ്ങ​ൾ​ക്കും ശേ​ഷം സി​പി​എം സം​സ്ഥാ​ന സെ​ക്ര​ട്ട​റി​ക്കും പ​രാ​തി ന​ൽ​കി​യി​ട്ടും നടപടിയുണ്ടായില്ല. ഒടുവിലാണ് സി​റ്റി പോ​ലീ​സ് ക​മ്മീ​ഷ​ണ​ർ​ക്ക് പ​രാ​തി ന​ൽ​കി​യ​തെ​ന്നും യു​വ​തി പ​റ​ഞ്ഞു.

എന്നാൽ യുവതിയുടെ പരാതി ന​ഗ​ര​സ​ഭ ചെയർമാൻ കോ​ട്ട​യി​ൽ രാ​ജു​ നിഷേധിച്ചു. താനിതുവരെ പ​രാ​തി​ക്കാ​രി​യു​മാ​യി ഫോ​ണി​ലോ, നേ​രി​ട്ടോ ബ​ന്ധ​പ്പെ​ട്ടി​ട്ടി​ല്ല. പരാതിയുടെ ഉദ്ദേശം വ്യ​ക്തി​ഹ​ത്യ മാത്രമാണ്. പോ​ലീ​സ് അ​ന്വേ​ഷ​ണം പൂ​ർ​ത്തി​യാ​കു​മ്പോ​ൾ കാര്യങ്ങൾക്കു വ്യക്തത വരുമെന്നും അ​ദ്ദേ​ഹം പ​റ​ഞ്ഞു. പ​രാ​തി​ക്കാ​രി ചി​ല​രു​ടെ ആ​യു​ധം മാത്രമാണ്. ഇതിനു പിന്നിൽ മറ്റുപല ആ​ളു​ക​ളു​ണ്ടെ​ന്നും രാ​ജു പ​റ​ഞ്ഞു.