ബീഹാര്‍: അശ്ലീല വീഡിയോ കാണാന്‍ വിദ്യാര്‍ത്ഥിനികളെ നിര്‍ബന്ധിച്ച അധ്യാപകനും പ്രിന്‍സിപ്പളും അറസ്റ്റില്‍. മൂന്നു പെണ്‍കുട്ടികളുടെ പരാതിയിലാണ് നടപടി. സ്‌കൂളില്‍ വെച്ച് പലപ്പോഴും മോശമായ രീതിയിലാണ് അധ്യാപകന്റെ സംസാരവും പെരുമാറ്റവും. ഇതിനിടെയാണ് കഴിഞ്ഞ ദിവസം പെണ്‍കുട്ടികളെ അടുത്ത് വിളിച്ച് വീഡിയോ കാണിച്ച് അതുപോലെ ചെയ്യാന്‍ പറഞ്ഞത്. മോശം വീഡിയോയാണെന്ന് കണ്ടതോടെ പെണ്‍കുട്ടികള്‍ അവിടെ നിന്ന് രക്ഷപ്പെട്ടു.
ഉടന്‍ തന്നെ പ്രിന്‍സിപ്പളിനോട് പരാതിപ്പെട്ടെങ്കിലും ഒരു കൂസലുമില്ലാതെ ക്ലാസില്‍ പോയിരിക്കാനാണ് പ്രിന്‍സിപ്പള്‍ പറഞ്ഞത്. അധ്യാപകനെതിരെ ഒരു നടപടിയുമെടുക്കാന്‍ തയ്യാറായില്ല. ഇതോടെ കുട്ടികള്‍ വീട്ടുകാരോട് വിവരം പറഞ്ഞു. പരാതി നല്‍കിയതോടെ അധ്യാപകനേയും പിന്നാലെ പ്രിന്‍സിപ്പാളിനേയും പോലീസ് കസ്റ്റഡിയിലെടുത്തു. മാതാപിതാക്കളുടെ പ്രതിഷേധത്തെത്തുടര്‍ന്ന് സ്‌കൂള്‍ പൂട്ടി.
