വയനാട്: പഞ്ചാരക്കൊല്ലിയിൽ ചത്ത നിലയിൽ കണ്ടെത്തിയ കടുവയുടെ പോസ്റ്റ്മോർട്ടം നടപടികള്ഡ പൂർത്തിയായി. കടുവയുടെ കഴുത്തിൽ ആഴമേറിയ നാല് മുറിവുകളുണ്ട്. ഇതാണ് മരണ കാരണമെന്നാണ് പോസ്റ്റുമോർട്ടം റിപ്പോർട്ട്. അതേ സമയം കടുവയുടെ ശരീരത്തിൽ ലോഹപാടുകൾ ഒന്നുമില്ലെന്നും ചീഫ് വൈൽഡ് ലൈഫ് വാർഡൻ പ്രമോദ് ജി. കൃഷ്ണൻ പ്രതികരിച്ചു.
വനം വകുപ്പിന്റെ ഡാറ്റബേസിൽ ഉള്ള കടുവയല്ല ചത്തത്. മറ്റൊരു കടുവയുമായി ഉൾക്കാട്ടിൽ വച്ച് നടന്ന ഏട്ടുമുറ്റലിലാണ് പരുക്കേറ്റതെന്നും ചീഫ് വൈൽഡ് ലൈഫ് വാർഡൻ പറഞ്ഞു. കടുവയുടെ വയറ്റിൽ നിന്നും കൊല്ലപ്പെട്ട രാധയുയെ വസ്ത്രത്തിന്റെ അവശിഷ്ടങ്ങളും രണ്ട് കമ്മലുകളും തലമുടിയും ലഭിച്ചു.
തിങ്കളാഴ്ച രാവിലെ 6.30 നാണ് കാടിനോടു ചേർന്നുള്ള വീടിന്റെ അരികിൽനിന്ന് കടുവയുടെ ജഡം കണ്ടെത്തിയത്. കണ്ടെത്തിയ ജഡം കഴിഞ്ഞ ദിവസം രാധയെ കൊലപ്പെടുത്തിയ കടുവയുടേതാണെന്ന് സ്ഥിരീകരിച്ചിരുന്നു. വെടിയേറ്റല്ല കടുവ ചത്തതെന്ന് അധികൃതർ പറഞ്ഞിരുന്നു.
