പാപ്പാനാത്രേ, പാപ്പാൻ, എന്നിട്ടോ കുത്തിയിരുന്ന് ഒരച്ച് കഴുകി ആനയെ ബുദ്ധിമുട്ടിക്കും, എന്നിട്ടോ, ഓരോ ഡയലോഗും… ഇനി കുളിക്കാൻ പറ്റുമോയെന്ന് ഞാൻ സ്വയമൊന്ന് നോക്കട്ടേ… സ്വന്തമായി ഹോസ് ഉപയോഗിച്ച് കുളിക്കുന്ന ആനയുടെ വീഡിയോ വൈറലാകുന്നു. ഏഷ്യൻ ആനയായ മേരിയുടെ കുളിസീനാണ് ഇപ്പോൾ സമൂഹ മാധ്യമങ്ങളിൽ ട്രെൻഡ്.
ഹോസും പിടിച്ച് മേരി അറമാദിക്കുകയാണ്. ഇടയ്ക്ക് ഹോസിലൂടെയുള്ള വെള്ളത്തിന്റെ ഒഴുക്കിനെ തുമ്പിക്കൈയുടെ അഗ്രം ഉപയോഗിച്ച് നിയന്ത്രിക്കുകയും ചെയ്യുന്നുണ്ട്. ജർമനിയിലെ ബെർലിൻ മൃഗശാലയിലേതാണ് ഈ അപൂർവ്വ കാഴ്ച.
https://pathramonline.com/archives/238187
ന്യൂറോ സയൻ്റിസ്റ്റ് മൈക്കൽ ബ്രെക്റ്റിൻ്റെ നേതൃത്വത്തിലുള്ള ഹംബോൾട്ട് സർവകലാശാലയിലെ ഗവേഷകർ ആനയുടെ കുളിയിൽ അശ്ചര്യപ്പെട്ടിരിക്കുകയാണ്. ആനകൾ ഇങ്ങനെ ഒരു ഉപകരണം അനായാസമായി ഉപയോഗിക്കുന്നത് കണ്ടിട്ടില്ലെന്നാണ് ഗവേഷകരുടെ അഭിപ്രായം. എതായാലും മേരിയുടെ കുളിസീൻ കാണാൻ ഒരു ആനച്ചന്തമുണ്ടെന്നാണ് ആരാധകർ പറയുന്നത്.
