BREAKING NEWS

എല്ലും തോലുമായ അന്ധ വയോധികനെ ചതുപ്പിൽ വീണ നിലയിൽ കണ്ടെത്തി; ഉടുതുണി പോലുമില്ല; ആകെ ആശ്രയമായുണ്ടായിരുന്ന സഹോദരി അവശനിലയിൽ; മകന് മാനസീക വെല്ലുവിളിയും; കണ്ടുനില്ക്കാനാവാത്ത കാഴ്ച ചേർത്തല വയലാറിൽ

· · 1 min read
Share: Copied!

ചേർത്തല: അനാരോഗ്യവും അവശതയും കാരണം വീടിനോട് ചേർന്ന ചതുപ്പിൽ വീണ് ഒരു ദിവസം മുഴുവൻ കിടക്കേണ്ടിവന്ന അന്ധവയോധികനെയും, അവശനിലയിലായിരുന്ന സഹോദരിയെയും മാനസിക വെല്ലുവിളി നേരിടുന്ന മകനെയും പൊതുപ്രവർത്തകരുടെയും അയൽവാസികളുടെയും ഇടപെടലിൽ സുരക്ഷിത കേന്ദ്രങ്ങളിലേക്ക് മാറ്റി. ചേർത്തല വയലാർ എട്ടുപുരയ്ക്കലിലാണ് മനഃസാക്ഷിയെ നടുക്കുന്ന സംഭവം.

69-കാരനായ ജയദേവൻ വ്യാഴാഴ്ച ചതുപ്പിലേക്ക് വീണതായാണ് വിവരം. എന്നാൽ വെള്ളിയാഴ്ച രാവിലെ പത്തോടെയാണ് നാട്ടുകാർ അദ്ദേഹത്തെ ചതുപ്പിൽ അവശനിലയിൽ കണ്ടെത്തിയത്. അന്ധനായതിനാൽ സ്വയം എഴുന്നേൽക്കാനോ സഹായം തേടാനോ അദ്ദേഹത്തിന് കഴിഞ്ഞിരുന്നില്ല.

അതേസമയം, വീട്ടിലുണ്ടായിരുന്ന 67-കാരിയായ സഹോദരി യശോദയും ഗുരുതര അവശനിലയിലായിരുന്നു. ഇവർക്കൊപ്പമുണ്ടായിരുന്ന 41-കാരനായ ലിജു മാനസിക വെല്ലുവിളി നേരിടുന്ന നിലയിലായതിനാൽ സഹായം തേടാൻ അദ്ദേഹത്തിനും സാധിച്ചില്ല. ഗ്രാമപ്പഞ്ചായത്ത് അംഗത്തിന്റെ ശ്രദ്ധയിൽപ്പെട്ടതോടെയാണ് സംഭവം പുറംലോകമറിയുന്നത്.

തുടർന്ന് പൊതുപ്രവർത്തകരും അയൽവാസികളും ചേർന്ന് ജയദേവനെയും യശോദയെയും ചേർത്തല താലൂക്ക് ആശുപത്രിയിലെത്തിച്ച് പ്രാഥമിക ചികിത്സ നൽകി. പിന്നീട് ഇരുവരെയും ആറാട്ടുപുഴയിലെ സാമൂഹിക ക്ഷേമവകുപ്പിന്റെ അഭയകേന്ദ്രത്തിലേക്ക് മാറ്റി. ലിജുവിനെ ആലപ്പുഴ മെഡിക്കൽ കോളേജ് ആശുപത്രിയിലെ മാനസികാരോഗ്യ വിഭാഗത്തിൽ പ്രവേശിപ്പിച്ചു.

ക്ഷേമപെൻഷൻ മാത്രമായിരുന്നു ഈ കുടുംബത്തിന്റെ ഏക വരുമാനമെന്ന് നാട്ടുകാർ പറയുന്നു. ഭക്ഷണം ഉൾപ്പെടെയുള്ള അടിസ്ഥാന ആവശ്യങ്ങൾ പോലും പലപ്പോഴും അയൽവാസികളാണ് നിറവേറ്റിയിരുന്നത്. കനത്ത മഴയെ തുടർന്ന് വീട് കൂടുതൽ ഒറ്റപ്പെട്ടതോടെയാണ് ഇവരുടെ ദുരിതം രൂക്ഷമായത്.

ജയദേവനെയും യശോദയെയും ഒരുമിച്ച് അഭയകേന്ദ്രത്തിലേക്ക് മാറ്റുന്നതിൽ സാങ്കേതിക തടസ്സമുണ്ടായെങ്കിലും ബന്ധപ്പെട്ടവരുടെ ഇടപെടലിനെ തുടർന്ന് രാത്രിയോടെ ഇരുവർക്കും സുരക്ഷിത താമസം ഒരുക്കാൻ സാധിച്ചു. ആശാ പ്രവർത്തകരുടെയും നാട്ടുകാരുടെയും പൊലീസിന്റെയും സാമൂഹിക ക്ഷേമവകുപ്പിന്റെയും സംയുക്ത ഇടപെടലാണ് മൂന്ന് പേരുടെയും ജീവിതത്തിന് തുണയായത്.

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026