BREAKING NEWS

ഒരു ആവേശത്തിൽ ഭാര്യ വീഡിയോ ഇട്ടു, മുതല ഇറച്ചി കഴിക്കുന്ന ദൃശ്യങ്ങൾ വൈറൽ! ന​ഗരസഭാ ഉദ്യോ​ഗസ്ഥനായ ഭർത്താവ് പെട്ടു!! കാരണം കാണിക്കൽ നോട്ടീസ്; പണി തെറിക്കുമോ?

· · 1 min read
Share: Copied!

ഇൻഡോർ: അനുമതിയില്ലാതെ വിദേശയാത്ര നടത്തിയെന്ന ആരോപണത്തിൽ മധ്യപ്രദേശിലെ ഉജ്ജയിൻ മുനിസിപ്പൽ കോർപ്പറേഷൻ ഉദ്യോഗസ്ഥന് കാരണം കാണിക്കൽ നോട്ടിസ്. ബിൽഡിങ് ഓഫിസറായ രാജ്കുമാർ റാത്തോഡ് ഭാര്യയ്ക്കൊപ്പം തായ്‌ലൻഡിലേക്ക് നടത്തിയ യാത്രയാണ് വിവാദമായത്. തായ്‌ലൻഡിൽ മുതല ഇറച്ചി കഴിക്കുന്നതുമായി ബന്ധപ്പെട്ട ഭാര്യയുടെ വിഡിയോ സമൂഹമാധ്യമങ്ങളിൽ വൈറലായതോടെയാണ് യാത്രയെക്കുറിച്ചുള്ള വിവരം അധികൃതരുടെ ശ്രദ്ധയിൽപ്പെട്ടത്.

“തായ്‌ലൻഡിൽ ആദ്യമായി മുതല പരീക്ഷിക്കുന്നു” എന്ന അടിക്കുറിപ്പോടെയാണ് റാത്തോഡിന്റെ ഭാര്യ വിഡിയോ പങ്കുവച്ചത്. വിഡിയോ വ്യാപകമായി പ്രചരിച്ചതോടെ ഉദ്യോഗസ്ഥൻ വിദേശയാത്ര നടത്തിയ കാര്യം ഓഫീസിലുള്ളവർ അറിഞ്ഞതായാണ് റിപ്പോർട്ട്. തുടർന്ന് യാത്ര കഴിഞ്ഞ് തിരിച്ചെത്തിയ റാത്തോഡിന് നഗരസഭ കാരണം കാണിക്കൽ നോട്ടിസ് നൽകുകയായിരുന്നു.

ഉജ്ജയിൻ മുനിസിപ്പൽ കോർപ്പറേഷനിലെ ഒന്നും രണ്ടും മൂന്നും സോണുകളിലെ ബിൽഡിങ് ഓഫിസറാണ് റാത്തോഡ്. ഒക്ടോബർ 19 മുതൽ 23 വരെ അദ്ദേഹം അവധിയിലായിരുന്നുവെന്ന് മുനിസിപ്പൽ കമ്മിഷണർ വ്യക്തമാക്കി. എന്നാൽ അവധി അപേക്ഷയിൽ വിദേശയാത്ര നടത്തുന്നതായി പരാമർശിച്ചിരുന്നില്ലെന്നാണ് അധികൃതരുടെ വിശദീകരണം.

നോട്ടിസിന് റാത്തോഡ് നൽകുന്ന മറുപടി പരിശോധിച്ചശേഷമായിരിക്കും തുടർനടപടികൾ തീരുമാനിക്കുക. വിശദീകരണം തൃപ്തികരമല്ലെങ്കിൽ വകുപ്പുതല നടപടികൾ നേരിടേണ്ടിവരുമെന്നും അധികൃതർ വ്യക്തമാക്കി.

BREAKING NEWS
അതിർത്തിയിൽ പട്രോളിങ്ങിനിടെ വഴിതെറ്റി ബംഗ്ലാദേശിലെത്തി; ഇന്ത്യൻ ജവാനെ കസ്റ്റഡിയിലെടുത്ത് ബി.ജി.ബി; കൈമാറാൻ ‘ഫ്ലാഗ് മീറ്റിങ്’
18 Nov 2026
BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026
BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026