BREAKING NEWS

ഞങ്ങളെ തറവാടികളാ… കിട്ടിയതും വാങ്ങി വീട്ടിൽ പോകുന്ന ശീലം ഇന്ത്യക്കാർക്കില്ല, ആർച്ചർക്കുള്ളത് അങ്ങ് ചെപ്പോക്കിൽ കൊടുത്തുതീർത്തു, ഇനി തീർക്കാൻ കുറച്ചു കണക്കുകൂ‌ടി, ഹെൻറി, സാന്റന‍ർ, ഫെ‍ർഗൂസൺ… സ്വന്തം മണ്ണിൽ എറിഞ്ഞുവീഴ്ത്തിയ ഫെ‍ർഗൂസനിട്ട് അഹമ്മദാബാദിലിട്ട് കൊടുക്കുമോ മലയാളി താരം?

· · 1 min read
Share: Copied!

ഏഷ്യാക്കപ്പിനെ ഹീറോയിൽ നിന്ന് രണ്ടാം തരക്കാരനിലേക്കും, പിന്നീട് ഡ​ഗൗട്ടിലേക്കും മാറ്റിയിരുത്താൻ കാരണക്കാരായവർ ഇന്ന് നേർക്കുനേർ വരുമ്പോൾ തീർക്കാൻ കണക്കുകൾ ആരേക്കാൾ കൂടുതലുള്ളത് സഞ്ജുവിന് തന്നെയാണ്… പ്രത്യേകിച്ചും ന്യൂസിലൻഡ് നിരയിലെ മൂന്നുപേർ… മാറ്റ് ഹെൻറി, മിച്ചൽ സാന്റന‍ർ, ലോക്കി ഫെ‍ർഗൂസൺ. ഇതിനുമുൻപൊരു കണക്കുണ്ടായിരുന്നു ജോഫ്രെ ആർച്ചർ, അതങ്ങ് ചെപ്പോക്കിൽ തീർത്തിട്ടാണ് മലയാളി താരം അഹമ്മദാബാദിന് വിമാനം കയറിയത്. ന്യൂസിലാൻഡിനോടുള്ള കണക്കിന് വർഷങ്ങളുടെ പഴക്കമൊന്നുമില്ല, വെറും ഒന്നോ, രണ്ടോ മാസം മാത്രം. 2026 ജനുവരി 31ന് കാര്യവട്ടം ഗ്രീൻഫീൽഡ് സ്റ്റേഡിയത്തിലേക്കൊന്ന് എത്തിനോക്കിയാൽ മതി. ആ പരമ്പരയിലെ സഞ്ജുവിന്റെ സ്കോ‍റുകൾ, പത്ത്, ആറ്, പൂജ്യം, 24, ആറ്. മാറ്റ് ഹെൻറിക്ക് മുന്നിൽ വീണത് രണ്ട് തവണ. സാന്റനറിന്റെ പന്തിൽ ബൗൾഡ്. കൂടാതെ കെയിൽ ജാമിസണും ഫെ‍ർഗൂസണും ഓരോ പ്രാവശ്യം.

ഏഷ്യാക്കപ്പിൽ മിന്നും പ്രകടനത്തോടെ ലോകകപ്പിലേക്കും ഓപ്പണർ സ്ഥാനത്തേക്കും കസേര ഉറപ്പിച്ചതിൽ നിന്ന് ഇഷാൻ കിഷനെ അവിടെ അവിടെ കുടിയിരുത്തി ഡഗൗട്ടിലേക്ക് സഞ്ജുവിന്റെ സ്ഥാനം തെറിച്ചു. അഞ്ച് മത്സരങ്ങളിൽ നിന്ന് 46 റൺസായിരുന്നു അന്ന് സഞ്ജുവിന്റെ സമ്പാദ്യം.

എന്നാൽ സൂപ്പർ എട്ട്, സെമി പ്രകടനത്തോടെ കാര്യങ്ങൾ സഞ്ജുവിന്റെ കോർട്ടിലെത്തിയിരിക്കുകയാണ്. അന്ന് ന്യൂസിലൻഡ് അനായാസം വീഴ്ത്തിയ സഞ്ജുവല്ല അഹമ്മദാബാദിലെ കലാശപ്പോരിന് പാ‍ഡ് കെട്ടിയിറങ്ങുക. രണ്ട് തവണ കിരീടം ചൂടിയ വെസ്റ്റ് ഇൻഡീസിനേയും ഇംഗ്ലണ്ടിനേയും ഒറ്റയ്ക്ക് കീഴടക്കിയതിന്റെ എല്ലാ ആത്മവിശ്വാസവും അയാൾക്ക് ഒപ്പമുണ്ട്. സമ്മർദത്തിന്റെ ഒരു കണികപോലും അഹമ്മദാബാദിൽ അയാളുടെ ശരീരഭാഷയിലുണ്ടാകില്ലെന്ന് ക്രിക്കറ്റ് പണ്ഡിതന്മാർ തന്നെ വിധിയെഴുതി. കാരണം പടിയിറക്കത്തിനു തൊട്ടുമുൻപ് കിട്ടിയ ഒരു ലാസ്റ്റ് ചാൻസിൽ നിന്നാണ് അയാൾ കളിക്കളത്തിൽ വെടിക്കെട്ടിന്റെ മാലപ്പടക്കത്തിന് തിരികൊളുത്തിയത്.

അതുകൊണ്ടുതന്നെ ന്യൂഡിലാൻഡ് കന്നി കിരീടം ചൂടണമെങ്കിൽ ആദ്യം സഞ്ജുവിനെ വീഴ്ത്തണം… പക്ഷെ കണക്കുകൾ നോക്കിയാൽ കരിയറിൽ സഞ്ജു ഹെൻറിയുടെ പത്ത് പന്തുകൾ മാത്രമാണ് നേരിട്ടിട്ടുള്ളത്. സ്കോ‍ർ ചെയ്തത് 15 റൺസ്. രണ്ട് തവണ പുറത്തായി. മാറ്റ് ഹെൻറിക്ക് വിക്കറ്റ് നൽകിയ രണ്ട് പ്രാവശ്യവും ഇന്ത്യക്കായി സ്ട്രൈക്ക് എടുത്തത് സഞ്ജുവായിരുന്നു. ആദ്യ ഓവർ അതിജീവിക്കാൻ ഒരിക്കലും സഞ്ജുവിനെ ന്യൂസിലൻഡ് പേസ‍ർ അനുവദിച്ചിട്ടില്ല. റായ്പൂരിൽ അഞ്ചാം പന്തിലും ഗുവാഹത്തിയിൽ ആദ്യ പന്തിലും മാറ്റ് ഹെൻറി ആ ബാറ്റിൽ ജയിച്ചു.

ഹെൻറി കഴിഞ്ഞാൽ ന്യൂസിലൻഡ് നിരയിൽ സഞ്ജുവിനെതിരെ മികച്ച റെക്കോർഡുള്ളത് കിവീസ് നായകൻ സാന്റനറിനാണ്. അന്താരാഷ്ട്ര ടി20യിൽ സാന്ററിന്റെ മൂന്നേ മൂന്ന് പന്തുകളെ സഞ്ജു അതിജീവിച്ചിട്ടുള്ളു. ക്ലീൻ ബൗൾഡ്, നേടിയത് ഒരു റൺസ് മാത്രം. ഐപിഎല്ലിലെ സാന്റനറിനെതിരായ സഞ്ജുവിന്റെ സ്ട്രൈക്ക് റേറ്റ് കേവലം 14.3 ആണ്. അതുപോലെ ഏഴ് പന്തിൽ പുറത്താക്കിയത് രണ്ട് തവണ.

ലോക്കി ഫെ‍ർഗൂസണിനെതിരായ സഞ്ജുവിന്റെ നോക്കിയാലും സമാനമാണ്. അന്താരാഷ്ട്ര തലത്തിൽ ടി20യിൽ ഫെ‍ർഗൂസൺ ഒരു തവണ മാത്രമാണ് സഞ്ജുവായി‍ നേ‍ർക്കുനേ‍ർ വന്നിട്ടുള്ളത്, അതും സ്വന്തം നാട്ടിൽ… അന്നും പരാജിതനായി മടങ്ങേണ്ടി വന്നു. ഇനി ഐപിഎല്ലിൽ നോക്കിയാൽ ഫെർഗൂസണിന്റെ 18 പന്തുകളിൽ നിന്ന് സഞ്ജുവിന് 17 റൺസാണ് സ്കോർ ചെയ്യാനായിട്ടുള്ളത്. നേടിയത് രണ്ട് ബൗണ്ടറി, ഒരു തവണ പുറത്തായി.

രണ്ടുതവണ വേണ്ടെന്നു വച്ച സെഞ്ചുറി സഞ്ജു ഇന്ന് നേടിയിരിക്കും!! ന്യൂസിലൻഡിന് വിജയിക്കണമെങ്കിൽ എല്ലാം അവർക്ക് അനുകൂലമായി വരണം, ഇന്ത്യയെ സംബന്ധിച്ച് ടോസ് ഒരു ഘടകമേയല്ല, ആദ്യം ബാറ്റ് ചെയ്താലും രണ്ടാമത് ബാറ്റ് ചെയ്താലും ഈ ‘ഇന്ത്യൻ കരുത്തിന്’ മുന്നിൽ കിവീസ് വിയർക്കും- പ്രവചിച്ച് ആർ അശ്വിൻ

 

BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026
BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026
BREAKING NEWS
'ചുണ്ടിൽ ഒരു ഉമ്മ തരൂ, പ്ലീസ്, ഒരു ഉമ്മ തരൂ'; പിന്നെ ഫോട്ടോയെടുക്കണമെന്ന ആവശ്യം, തീർന്നില്ല; ഷേക്ക് ഹാൻഡിനായി കൈ നീട്ടി; വിദേശ വനിതയെ ശല്യം ചെയ്ത യുവാവ് അറസ്റ്റിൽ; വീഡിയോ പങ്കുവച്ച് യുവതി
17 Nov 2026