BREAKING NEWS

എന്റെ മകളെ വേഗം രക്ഷിക്കൂ, അവളുടെ സമയം പരിമിതമാണ്: യെമനില്‍നിന്ന് നിമിഷ പ്രിയയ്ക്കായി കണ്ണീരോടെ അമ്മ; ഇറാന്‍ വഴിയുള്ള ചര്‍ച്ചകളും മന്ദഗതിയിലെന്ന് സൂചന

· · 1 min read
Share: Copied!

ന്യൂഡല്‍ഹി: യെമനില്‍ ഹൂതികളുടെ ഭരണത്തിന്‍കീഴില്‍ വധശിക്ഷയ്ക്കു വിധിക്കപ്പെട്ടു ജയിലില്‍ കഴിയുന്ന മലയാളി നഴ്‌സ് നിമിഷ പ്രിയയ്ക്കായി ഇടപെടണമെന്ന ആവശ്യവുമായി അമ്മ വീണ്ടും രംഗത്ത്. യെമന്‍ പ്രസിഡന്റ് റഷാദ് അല്‍ അലിമിയാണ് ഇവരുടെ വധശിക്ഷ ശരിവച്ചത്. യെമനിലെ പ്രാദേശിക ടെലിവിഷന്‍ ചാനലിലൂടെയാണു പ്രേമകുമാരി വീണ്ടും ഇന്ത്യാ ഗവണ്‍മെന്റിനോട് നിമിഷ പ്രിയയുടെ പ്രശ്‌നത്തില്‍ ഇടപെടണമെന്ന ആവശ്യവുമായി രംഗത്തുവന്നത്. തന്റെ മകള്‍ക്ക് ഇനി അധികനാള്‍ ഇല്ലെന്നും എത്രയും പെട്ടെന്ന് ഇടപെട്ടില്ലെങ്കില്‍ രക്ഷിക്കാന്‍ കഴിയില്ലെന്നും ഇവര്‍ പറഞ്ഞു.

കേരള സര്‍ക്കാരിനോടും കേന്ദ്ര സര്‍ക്കാരിനോടും അങ്ങേയറ്റം നന്ദിയുണ്ട്. അതുപോലെതന്നെ നിമിഷയെ രക്ഷിക്കാന്‍ രൂപീകരിച്ച കമ്മിറ്റിയോടും നന്ദിയുണ്ട്. പക്ഷേ, ഇപ്പോള്‍ അവളെ രക്ഷിക്കാനുള്ള സമയം അധികരിച്ചു. ഇനിയും വൈകിയാല്‍ രക്ഷിക്കാന്‍ കഴിയില്ലെന്നും അവര്‍ പറഞ്ഞു.

പതിനൊന്നു വര്‍ഷത്തിനുശേഷം കഴിഞ്ഞ ഏപ്രിലിലാണ് കണ്ടത്. അപ്പോള്‍ മമ്മീ എന്നുവിളിച്ച് ഓടിയെത്തുകയായിുന്നു. ഞങ്ങള്‍ രണ്ടുപേരും കെട്ടിപ്പിടിച്ചു കരഞ്ഞു. ഞാനവളെ വര്‍ഷങ്ങള്‍ക്കുശേമഷമാണു കണ്ടതെന്നും അവര്‍ പറഞ്ഞു.

നേരത്തേ നിമിഷ പ്രിയയുടെ മോചനത്തിനായി വഴികള്‍ തെളിഞ്ഞെന്ന വാര്‍ത്തകള്‍ പുറത്തുവന്നിരുന്നു. മൂന്നുവട്ടം ചര്‍ച്ചകള്‍ നടന്നെന്നും കൊല്ലപ്പെട്ട വ്യക്തിയുടെ കുടുംബവുമായി അടുപ്പത്തിലുള്ള വ്യക്തി ക്ഷമിക്കാന്‍ തയാറെന്നും സൂചന ലഭിച്ചിരുന്നു. എന്നാല്‍, എന്തൊക്കെയാണു ബന്ധുക്കള്‍ അംഗീകരിച്ചതെന്നതിലും വ്യക്തതയില്ല. ചര്‍ച്ചകളില്‍ പങ്കെടുത്തവര്‍, വിവരങ്ങള്‍ വളരെ സെന്‍സിറ്റീവ് ആണെന്നും പുറത്തു ചര്‍ച്ചചെയ്യാന്‍ കഴിയില്ലെന്നുമുള്ള നിലപാടിലാണ്. കുടുംബത്തില്‍നിന്ന് അവസാനമായി മാപ്പ് എഴുതി ലഭിക്കുന്നതിനുള്ള ശ്രമങ്ങളാണ് ഇവര്‍ നടത്തുന്നതെന്നും പറയുന്നു.

കൊല്ലപ്പെട്ട തലാല്‍ അബ്ദോ മഹ്ദിയുടെ കുടുംബവുമായി ഹൂതി അധികൃതര്‍ ബന്ധപ്പെടുമെന്നും അവര്‍ അനുമതി നല്‍കിയാല്‍ അപ്പോള്‍തന്നെ തൂക്കിലേറ്റുമെന്നും നിമിഷ പ്രിയയുടെ അമ്മയ്ക്കുവേണ്ടി ചര്‍ച്ചകളില്‍ പങ്കെടുക്കുന്ന സാമുവല്‍ ജെറോം പറഞ്ഞതായും റിപ്പോര്‍ട്ടുകള്‍ പുറത്തുവന്നു.

ഇപ്പോള്‍ നേരിയ പ്രതീക്ഷയുണ്ട്. അവസാന സമ്മതം അറിയിക്കുന്നതില്‍ മഹ്ദിയുടെ കുടുംബം സമയമെടുക്കാന്‍ സാധ്യതയുണ്ട്. അതിനാല്‍ ചര്‍ച്ചകള്‍ക്കു കൂടുതല്‍ സമയം ലഭിച്ചേക്കും. എന്നാല്‍, ആക്ഷന്‍ കൗണ്‍സില്‍ അംഗങ്ങള്‍ക്കിടയില്‍ പണത്തിന്റെ കാര്യത്തില്‍ അഭിപ്രായ വ്യത്യാസമുണ്ടെന്നാണ് അഹിയുന്നത്. പണം നല്‍കിയതിലെ കാലാതാമസമാണ് ചര്‍ച്ചകള്‍ കുഴപ്പത്തിലാക്കിയതെന്നും ഇവര്‍ പറയുന്നു. രണ്ട് ഇന്‍സ്റ്റാള്‍മെന്റുകളിലായി 40,000 ഡോളറാണ് കൈമാറിയത്.

പ്രസിഡന്റ് വധശിക്ഷയില്‍ ഒപ്പിട്ടെങ്കിലും എപ്പോള്‍ നടപ്പാക്കണമെന്നതു വ്യക്തമല്ല. കുടുംബം അനുമതി നല്‍കിയാല്‍ ശിക്ഷ നടപ്പാക്കും. ബ്ലഡ് മണി സ്വീകരിക്കാന്‍ മഹ്ദിയുടെ കുടുംബത്തിനൊപ്പം ഗോത്രവര്‍ഗ നേതാക്കളും സമ്മതിക്കേണ്ടിവരും. നിമിഷയ്ക്കായി രണ്ടാമത്തെ ഇന്‍സ്റ്റാള്‍മെന്റ് പണവും നല്‍കിയിട്ടുണ്ടെന്നു ആക്ഷന്‍ കൗണ്‍സില്‍ അഭിഭാഷകന്‍ സുഭാഷ് ചന്ദ്ര പറഞ്ഞു. ഡിസംബര്‍ 27ന് പണം നല്‍കി. ഇതൊരു ജീവിതത്തിന്റെ പ്രശ്നമാണ്. എന്നാല്‍, വിഷയത്തില്‍ തത്സമയം വിവരങ്ങള്‍ ലഭിക്കുന്നില്ല. എന്താണ് സംഭവിക്കുന്നതെന്ന് അറിയുന്നില്ലെന്നും അദ്ദേഹം പറയുന്നു.

ഇവിടെ എംബസി ഇല്ലെന്നതാണ് പ്രശ്നം സങ്കീര്‍ണമാക്കുന്നത്. പ്രേമകുമാരിയമ്മ യെമനില്‍ തുടരുന്നതിലും ആക്ഷന്‍ കൗണ്‍സില്‍ അംഗങ്ങള്‍ക്കും അഭിപ്രായ വ്യത്യാസമുണ്ട്. അവര്‍ക്കു ഇരയുടെ കുടുംബവുമായി സംസാരിക്കാന്‍ കഴിയില്ലെങ്കില്‍ എന്തിനാണു തുടരുന്നതെന്നാണു ചോദ്യം. മകളുമായി മടങ്ങിയെത്താന്‍ കഴിയുമെന്ന പ്രതീക്ഷയിലാണ് ഇപ്പോഴും പ്രേമകുമാരിയമ്മ. എട്ടുമാസമായി ഇവര്‍ യെമനിലുണ്ട്. കുഴപ്പമില്ലെന്നാണു മകള്‍ കാണുമ്പോഴൊക്കെ പറയുന്നതെന്നും ഇവര്‍ പറഞ്ഞു.

ഭര്‍ത്താവിനെയും മൂന്ന് മക്കളെയും ഉപേക്ഷിച്ച് അവിവാഹതനായ യുവാവിനൊപ്പം പോയി; പിന്നാലെ ആലപ്പുഴയില്‍ യുവാവും യുവതിയും ട്രെയിന്‍ തട്ടി മരിച്ചു

ജോർദ്ദാനിലേക്കു പോയത് സന്ദർശക വിസയിൽ, ഇസ്രയേൽ ​ഗൈഡിന് കൈമാറിയത് തുമ്പ ഏജന്റ്, വെടിയേറ്റത് കാലിന്, തോമസിന്റെ തലയ്ക്കാണ് വെടിയേറ്റത്, തൽക്ഷണം മരിച്ചു, ഇസ്രയേലിൽ നിന്ന് രക്ഷപ്പെട്ട എഡിസൺ

 

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026