BREAKING NEWS

റഷ്യയിൽനിന്ന് ഇന്ത്യയിലേക്ക് റെയിൽപാത, ഹോർമുസ് ഒഴിവാക്കിയുള്ള വ്യാപാരത്തിന് ബദൽവഴി; റഷ്യ സാധ്യതകൾ പരിശോധിക്കുന്നു

· · 1 min read
Share: Copied!

മോസ്‌കോ: റഷ്യയിൽനിന്ന് ഇന്ത്യയിലേക്കും ഇന്ത്യൻ മഹാസമുദ്ര മേഖലയിലേക്കും നേരിട്ടുള്ള റെയിൽപാത നിർമിക്കുന്നതിനുള്ള സാധ്യതകൾ റഷ്യ പരിശോധിക്കുന്നതായി റിപ്പോർട്ട്. ഹോർമുസ്, ബോസ്ഫറസ് കടലിടുക്കുകളിലെ യുദ്ധസാഹചര്യങ്ങളും സുരക്ഷാ ഭീഷണികളും ഒഴിവാക്കി ചരക്കുനീക്കം സാധ്യമാക്കുകയെന്ന ലക്ഷ്യത്തോടെയാണ് ബദൽപാത തേടുന്നതെന്നാണ് സൂചന.

റെയിൽപാത സംബന്ധിച്ച് ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല. എന്നാൽ ഇന്ത്യൻ മഹാസമുദ്ര മേഖലയിലേക്ക് നേരിട്ട് റെയിൽപാത നിർമിക്കുന്നതിനുള്ള സാധ്യതകൾ പരിശോധിക്കുമെന്ന് റഷ്യൻ ഉപപ്രധാനമന്ത്രി മറാത്ത് ഖുസ്‌നുള്ളിൻ വ്യക്തമാക്കി.

തുർക്ക്‌മെനിസ്താൻ, ഇറാൻ, അഫ്ഗാനിസ്താൻ, പാകിസ്താൻ എന്നീ രാജ്യങ്ങളിലൂടെ പാത കടന്നുപോകുന്ന രീതിയിലാണ് പദ്ധതി പരിഗണിക്കുന്നതെന്നാണ് റിപ്പോർട്ടുകൾ. പശ്ചിമേഷ്യയിലെ സംഘർഷങ്ങൾ ആഗോള എണ്ണ, വാതക വ്യാപാരത്തെ ബാധിക്കുന്ന സാഹചര്യത്തിലാണ് റഷ്യയുടെ നീക്കമെന്നാണു വിലയിരുത്തൽ.

പദ്ധതി യാഥാർഥ്യമായാൽ റഷ്യയിൽനിന്ന് ഇന്ത്യൻ മഹാസമുദ്ര മേഖലയിലേക്കുള്ള ചരക്കുനീക്കം കൂടുതൽ സുഗമമാക്കാൻ സാധിക്കും. ഏഷ്യയിലെ വ്യാപാര ബന്ധങ്ങളിലും ഗതാഗത ശൃംഖലയിലും വലിയ മാറ്റങ്ങൾക്ക് ഇത് വഴിയൊരുക്കിയേക്കാം.

ബോസ്ഫറസ്, ഹോർമുസ് എന്നീ പ്രധാന കടലിടുക്കുകളിലെ ഉപരോധങ്ങളും സുരക്ഷാ പ്രതിസന്ധികളും മറികടക്കാൻ കഴിയുമെന്നതാണ് നിർദിഷ്ട റെയിൽപാതയുടെ പ്രധാന നേട്ടമായി കണക്കാക്കുന്നത്.

ലോകത്തിലെ എണ്ണ വ്യാപാരത്തിന്റെ ഏകദേശം 25 ശതമാനവും എൽഎൻജി കയറ്റുമതിയുടെ 20 ശതമാനത്തോളവും ഹോർമുസ് കടലിടുക്ക് വഴിയാണ് നടക്കുന്നത്. കടലിടുക്കിലുണ്ടാകുന്ന തടസ്സങ്ങൾ ആഗോള വ്യാപാരത്തെ ബാധിക്കുന്ന സാഹചര്യം ഒഴിവാക്കാൻ ബദൽ ഗതാഗതപാത സഹായിക്കുമെന്നാണ് റഷ്യയുടെ കണക്കുകൂട്ടൽ.

BREAKING NEWS
വ്ലോ​ഗർമാരും നോട്ടപ്പുള്ളികൾ!! മംഗലാപുരം–കാസർകോട് മേഖല കേന്ദ്രീകരിച്ച് കേരളത്തിലേക്ക് അംഗീകാരമില്ലാത്ത സൗന്ദര്യവർധക- ആരോഗ്യ ഉൽപ്പന്നങ്ങളുടെ ഓൺലൈൻ വിൽപന, ഊരും പേരുമില്ലാതെ പാക്കിസ്ഥാൻ വഴിയെത്തുന്ന ഉൽപ്പന്നങ്ങളുടെ ശൃംഖല കണ്ടെത്തി നടപടി സ്വീകരിക്കും... വ്യാജ സൗന്ദര്യവർധക വസ്തുക്കൾക്കെതിരെ കർശന നടപടി...
22 Nov 2026
BREAKING NEWS
തിരക്കേറിയ ന​ഗരത്തിലെ ഓടയിൽ ഒരു മനുഷ്യൻ ജീവനായി നിലവിളിച്ച് കിടന്നത് നാല് ദിവസം!! ഒടുവിൽ അതുവഴി പോയ വഴിയാത്രികർ നേർത്ത ശബ്ദങ്ങളും നിലവിളിയും കേട്ട് ഉറവിടം തിരക്കിയിറങ്ങി... ദിവസങ്ങൾക്കു ശേഷം യുവാവ് ജീവിതത്തിലേക്ക്
22 Nov 2026
BREAKING NEWS
അടുത്തിടെ ബിജെപി ജില്ലാ നേതൃത്വത്തിനെതിരെയുള്ള അതൃപ്തി പ്രകടമാക്കി, പാർട്ടിക്കുള്ളിലെ ആഭ്യന്തര പ്രശ്നങ്ങളെക്കുറിച്ചും രാഷ്ട്രീയ നിലപാടുകളെക്കുറിച്ചും പരസ്യമായി സംസാരിച്ചു... കീടനാശിനി ഉള്ളിൽച്ചെന്ന് എംഎൽഎ രേഖ പത്ര അതീവ ഗുരുതരാവസ്ഥയിൽ വെന്റിലേറ്ററിൽ!! ഭക്ഷ്യവിഷബാധയെന്ന് പാർട്ടി... എംഎൽഎയുടെ ശരീരത്...
22 Nov 2026
BREAKING NEWS
പോപ്കോണിൽ ഉപ്പ് കുറഞ്ഞുപോയതിനെച്ചൊല്ലി കയ്യാങ്കളി, തർക്കം പരിഹരിക്കാനെത്തിയ സിവിൽ പോലീസ് ഓഫീസറുടെ കോളറിനു കുത്തിപ്പിടിച്ചു, കൈകൾ പിടിച്ചുതിരിച്ചു, ഒളിവിൽ പോയ പെട്ടിക്കട തൊഴിലാളിക്കായി അന്വേഷണം
22 Nov 2026