തിരുവനന്തപുരം: നദികലിൽ അപകടകരമായ രീതിയിൽ ജലനിരപ്പ് നിലനിൽക്കുന്നതിനാൽ ആരും നദികളിലിറങ്ങരുതെന്ന് ജാഗ്രതാ നിർദേശം. നദികൾ മുറിച്ചുകടക്കാൻ ശ്രമിക്കരുതെന്നും നിർദേശം. ചില നദികളിൽ സംസ്ഥാന ജലസേചന വകുപ്പ് ഓറഞ്ച്, മഞ്ഞ അലർട്ടുകൾ നൽകി. ഈ നദികളുടെ തീരത്തുള്ളവർ ജാഗ്രത പാലിക്കണമെന്ന് അധികൃതർ നിർദേശിച്ചു. സംസ്ഥാനത്തു വരുന്ന 5 ദിവസം മഴ ശക്തമാകുമെന്നാണു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
അതേസമയം കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇന്നും കണ്ണൂർ, കാസർകോട് ജില്ലകളിൽ നാളെയും യെലോ അലർട്ട് പ്രഖ്യാപിച്ചു.
∙ ഓറഞ്ച് അലർട്ട്- പത്തനംതിട്ട: മണിമല (തോണ്ടറ (വള്ളംകുളം) സ്റ്റേഷൻ) – ജലനിരപ്പ് താഴുന്നു
∙ മഞ്ഞ അലർട്ട്- ആലപ്പുഴ: അച്ചൻകോവിൽ (നാലുകെട്ടുകവല സ്റ്റേഷൻ) – ജലനിരപ്പ് ഉയരുന്നു
പത്തനംതിട്ട: അച്ചൻകോവിൽ (കല്ലേലി, കോന്നി ജിഡി ആൻഡ് പന്തളം സ്റ്റേഷൻ)- ജലനിരപ്പ് താഴുന്നു.
തൃശൂർ: കരുവന്നൂർ (കരുവന്നൂർ സ്റ്റേഷൻ) – ജലനിരപ്പ് ഉയരുന്നു.
