നിലമ്പൂർ: നിലമ്പൂരിന്റെ ചരിത്രത്തിലെ ഏറ്റവും വലിയ തെരഞ്ഞെടുപ്പായിരിക്കും വരാൻ പോകുന്ന ഉപതെരഞ്ഞെടുപ്പെന്ന് പിവി അൻവർ. ജനങ്ങളുടെ നേതൃത്വത്തിൽ ജനവഞ്ചകരായ ഈ രണ്ടുനേതാക്കൾക്കെതിരെ അതി ശക്തമായി പ്രതികരിക്കുന്ന തെരഞ്ഞെടുപ്പായിരിക്കുമിതെന്നും പിവി അൻവർ പറഞ്ഞു.
അതേസമയം അൻവറിസത്തിനെതിരെയുള്ള പോരാട്ടമാണിതെന്നു രണ്ടു മുന്നണികളും പറയുന്നുണ്ടല്ലോയെന്ന ചോദ്യത്തിന് മുന്നണിയൊന്നും പറയില്ല, മുന്നണിയിലെ പ്രവർത്തകരും പറയില്ല, ആ മനസ് എനിക്കറിയാമെന്നായിരുന്നു മറുപടി. തനിക്ക് വിജയം ഉറപ്പാണ്, ജനങ്ങൾ ഒപ്പമുണ്ടെങ്കിൽ ആരെയാ പേടിക്കേണ്ടതെന്നും അൻവറിന്റെ ചോദ്യം. ഇവരുടെയൊക്കെ കൊമ്പ് കണ്ട് പേടിച്ചോടാൻ ഞാനില്ല, ജനങ്ങൾ എന്നോടൊപ്പമുണ്ടാകും. ആ ജനങ്ങൾക്കൊപ്പം പ്രവർത്തിക്കാൻ ഞാനുമുണ്ടാകുമെന്നും അൻവർ പ്രതികരിച്ചു.
അതുപോലെ അൻവറിന് കരുത്തില്ലെന്നാണ് പ്രതിപക്ഷം പറയുന്നതെന്ന മാധ്യമപ്രവർത്തകരുടെ ചോദ്യത്തിന് മറുപടി ഇങ്ങനെയായിരുന്നു, അതുശരിയാ പത്ത് എൺപത്തെട്ട് വയസായില്ലേ.. ചെറിയ ഒരു ഊര വേദനയുണ്ട്.. പിന്നെ മുട്ടുവേദനയുണ്ടെന്നായിരുന്നു അൻവറിന്റെ പരിഹാസം.
