BREAKING NEWS

പട്ടിയേയും പൂച്ചയേയും നോക്കുന്ന മൃ​ഗാശുപത്രിയിൽ പോളിയോ വാക്സിൻ കൊടുക്കാൻ പറ്റില്ല, പഞ്ചായത്ത് ഇവിടുത്തെ ജനങ്ങളെ കാണുന്നത് മൃ​ഗങ്ങൾക്ക് തുല്യമായല്ലേ?,UDF ഭരണ കാലത്ത് നിർമിച്ച സബ് സെന്ററിൽ വാക്‌സീൻ നൽകില്ലെന്ന അന്തമായ രാഷ്ട്രീയ വിരോധം- നാട്ടുകാർ… എൽ‍ഡിഎഫ് ഭരിക്കുന്ന പഞ്ചായത്തിൽ കുട്ടികൾക്കുള്ള പോളിയോ വാക്സിൻ നൽകിയത് മൃ​ഗാശുപത്രിയിൽവച്ച്…

· · 1 min read
Share: Copied!

മണ്ണാർക്കാട്: കുട്ടികൾക്കുള്ള പോളിയോ വാക്സീൻ നൽകിയത് മൃഗാശുപത്രിയിൽ വച്ച്. ഇന്ന് രാവിലെ ചങ്ങലീരി രണ്ടാം മൈലിലെ മൃഗശുപത്രിയിലാണ് പോളിയോ വാക്സീൻ നൽകിത്തുടങ്ങിയത്. ഇതിനെ ചൊല്ലി കുമരംപുത്തൂർ ചങ്ങലീരി രണ്ടാം മൈലിലിൽ നാട്ടുകാരും പഞ്ചായത്ത് ഭരണ കക്ഷിയിലെ ഇടത് അംഗങ്ങളും തമ്മിൽ തർക്കവും സംഘർഷാവസ്‌ഥയുമുണ്ടായി. പ്രതിഷേധത്തെ തുടർന്ന് പോളിയോ സെന്റർ സമീപത്തെ അങ്കണവാടിയിലേക്ക് മാറ്റി.

അതേസമയം മൃ​ഗാശുപത്രിയിൽവച്ച് ഏഴ് കുട്ടികൾക്ക് ഇവിടെ നിന്ന് വാക്സീൻ നൽകി. മൃഗാശുപത്രിയിൽ വാക്‌സീൻ നൽകുന്നതറിഞ്ഞ് പഞ്ചായത്തംഗം ഷാഫി ചങ്ങലീരിയുടെ നേതൃത്വത്തിൽ നാട്ടുകാർ പ്രതിഷേധവുമായി രംഗത്തെത്തുകയായിരുന്നു. ‌‌ഇതിനിടെ പഞ്ചായത്ത് സ്‌ഥിരം സമിതി അധ്യക്ഷ ജംഷീലയും പറമ്പുള്ളി വാർഡംഗം വി. വിനീതയും സിപിഎം പ്രവർത്തകരും സ്ഥലത്ത് എത്തി. വാക്സീൻ മൃഗാശുപത്രിയിൽ തന്നെ നൽകണമെന്നും നേരത്തെയും ഇവിടെ വച്ച് നൽകിയിട്ടുണ്ടെന്നും അവർ പറഞ്ഞതോടെ പ്രതിഷേധക്കാരും അവരും തമ്മിൽ തർക്കം രൂക്ഷമായി. ഇതോടെ വാക്‌സീൻ സെന്റർ പറമ്പുള്ളിയിലെ അങ്കണവാടിയിലേക്ക് മാറ്റുകയായിരുന്നു

ഇതിനിടെ പഞ്ചായത്ത് തീരുമാനത്തിനു വിരുദ്ധമായാണ് വാക്സീൻ മൃഗാശുപത്രിയിൽ നൽകുന്നതെന്ന് ഷാഫി പറഞ്ഞു. ഉദ്ഘാടനം കഴിഞ്ഞിട്ടും പ്രവർത്തനം തുടങ്ങാത്ത ആരോഗ്യ വകുപ്പിന്റെ സബ് സെന്ററിൽ വാക്സീൻ നാൽകാനായിരുന്നു തീരുമാനമെന്നും കുട്ടികളെ സബ് സെന്ററിൽ എത്തിക്കാനുമാണ് അറിയിപ്പ് നൽകിയതെന്നും ഷാഫി പറഞ്ഞു.

യുഡിഎഫ് ഭരണ കാലത്ത് നിർമിച്ച സബ് സെന്ററിൽ വാക്‌സീൻ നൽകില്ലെന്ന അന്തമായ രാഷ്ട്രീയ വിരോധമാണ് വാക്‌സീൻ സെന്ററർ മൃഗാശുപത്രിയിലേക്ക് മാറ്റിയതിനു പിന്നിലെന്ന് നാട്ടുകാർ പറഞ്ഞു. ഇവിടത്തുകാരെ മൃഗങ്ങളായാണ് ഭരണ സമിതി കാണുന്നതെന്നതിന്റെ ഉദാഹരമാണിത്, പീടിക റൂമിൽ വച്ചുകൊടുത്താലും പട്ടിയേയും പൂച്ചയേയും നോക്കുന്ന ഇവിടെവച്ച് വാക്സിൻ കൊടുക്കാൻ പറ്റില്ല. തങ്ങളുടെ കുട്ടികളെ മൃഗാശുപത്രിയിൽ എത്തിച്ച് വാക്‌സീൻ നൽകില്ലെന്നും പ്രതിഷേധക്കാർ പറഞ്ഞു.

BREAKING NEWS
ബാങ്കിൽനിന്ന് പണം പിൻവലിച്ചിറങ്ങിയ യുവാവിനെ ആക്രമിച്ച് 9.95 ലക്ഷം കവർന്നു; പണം തട്ടിയെടുത്ത് കാറിൽ രക്ഷപ്പെട്ടു; ഒളിവിലായിരുന്ന അഞ്ചുപേർ പിടിയിൽ
22 Nov 2026
BREAKING NEWS
വാര്‍ത്ത കണ്ടപ്പോള്‍ ഞാന്‍ ഞെട്ടിപ്പോയി... 15 ദിവസം ഞാനും ആ ക്രീം ഉപയോഗിച്ചിരുന്നു, റിസല്‍ട്ട് കിട്ടിയപ്പോഴാണ് പ്രമോട്ട് ചെയ്തത്, എന്തും പൈസയ്ക്ക് വേണ്ടി ചെയ്യുന്ന ഒരു ടൈപ്പ് ആളല്ല ഞാൻ- നടി റെനീഷ
22 Nov 2026
BREAKING NEWS
ഭാര്യയെ സംശയം, പ്രശ്നങ്ങൾ പറഞ്ഞുതീർക്കാനെന്ന പേരിൽ ലോഡ്ജിൽ മുറിയെടുത്തു, പിന്നാലെ ഷാൾ മുറുക്കിയും കഴുത്തു ഞെരിച്ചും കൊലപ്പെടുത്തി, ആത്മഹത്യയെന്ന് വരുത്തിത്തീർക്കാൻ ശ്രമം, മൂന്നാർ കൊലപാതകത്തിൽ ഭർത്താവ് അറസ്റ്റിൽ
22 Nov 2026
BREAKING NEWS
ഇനി മിണ്ടാതിരിക്കാനാകില്ല, പാർട്ടിയിലും സർക്കാരിലും കടുത്ത അവഗണന നേരിടുന്നു, ഈ പോക്ക് ശരിയല്ല, ഹൈക്കമാൻ‍ഡിനോട് പരാതി പറഞ്ഞ് എ ഗ്രൂപ്പ്
22 Nov 2026