പത്തനംതിട്ട: വാഹനാപകട കേസിലെ പരാതിക്കാരിയായ യുവതിക്കു സമൂഹമാധ്യമത്തിലൂടെ സന്ദേശം അയച്ചു ശല്യം ചെയ്ത കേസിൽ പോലീസ് ഉദ്യോഗസ്ഥന് സസ്പെൻഷൻ. സംഭവത്തിൽ അടൂർ പോലീസ് സ്റ്റേഷനിലെ സിപിഒ സുനിലിനാണ് സസ്പെൻഷൻ. ഇയാൾ മുൻപു തിരുവല്ല സിപിഒ ആയിരുന്നപ്പോഴാണു വാഹനാപകട കേസിലെ പരാതിക്കാരിക്കു സന്ദേശം അയച്ചത്.
സുനിലിന്റെ ശല്യം സഹിക്കവയ്യാതെ പരാതിക്കാരി സംസ്ഥാന പോലീസ് മേധാവിയെ സമീപിക്കുകയായിരുന്നു. ഇതിന്റെ അടിസ്ഥാനത്തിൽ തിരുവല്ല എഎസ്ഐ മിത്ര വി. മുരളി കഴിഞ്ഞ ദിവസം പരാതിക്കാരിയെ സന്ദർശിച്ചു മൊഴി എടുത്ത് കേസ് റജിസ്റ്റർ ചെയ്തു. പിന്നാലെയാണ് ഇയാളെ സസ്പെൻഡ് ചെയ്തത്.
