BREAKING NEWS

കവറ് നിറയെ കാറ്റ്!! അഞ്ച് രൂപയുടെ 15 ഗ്രാം ലേസ് പാക്കറ്റിൽ 4 ഗ്രാം ചിപ്സ് മാത്രം! നിർമാതാക്കളായ പെപ്‌സികോയ്ക്ക് 8,000 രൂപ പിഴ; ഒരു മാസത്തിനകം തുക നൽകിയില്ലെങ്കിൽ 8,000 രൂപയ്ക്ക് ആറു ശതമാനം വാർഷിക പലിശയും നൽകേണ്ടിവരുമെന്ന് കോടതി

· · 1 min read
Share: Copied!

ജയ്പുർ: 15 ഗ്രാം തൂക്കം രേഖപ്പെടുത്തിയ ലേസ് പൊട്ടറ്റോ ചിപ്സ് പാക്കറ്റിൽ 4 ഗ്രാം ചിപ്സ് മാത്രം നൽകിയ സംഭവത്തിൽ നിർമാതാക്കളായ പെപ്‌സികോ ഇന്ത്യയ്ക്ക് പിഴ ചുമത്തി ജയ്പുർ ജില്ലാ ഉപഭോക്തൃ തർക്ക പരിഹാര കമ്മിഷൻ. ജയ്പുരിലെ വ്യാപാരി ചന്ദ്രമൻ ജലാൻ നൽകിയ പരാതിയിലാണ് കമ്മിഷന്റെ നടപടി.

2020 നവംബർ 10ന് മെട്രോ കാഷ് ആൻഡ് കാരി ഔട്ട്‌ലെറ്റിൽനിന്ന് വാങ്ങിയ ലേസ് ചിപ്സ് പാക്കറ്റ് തുറന്നപ്പോഴാണ് ഭാരക്കുറവ് ശ്രദ്ധയിൽപ്പെട്ടത്. പാക്കറ്റിൽ 15 ഗ്രാം എന്ന് രേഖപ്പെടുത്തിയിരുന്നെങ്കിലും തൂക്കിനോക്കിയപ്പോൾ ചിപ്സ് വെറും നാല് ഗ്രാം മാത്രമാണെന്ന് കണ്ടെത്തി. വിവരം കടയുടമയെ അറിയിച്ചെങ്കിലും നടപടിയുണ്ടായില്ല. ഇതോടെയാണ് 2022 ഏപ്രിലിൽ ജലാൻ ഉപഭോക്തൃ കമ്മിഷനെ സമീപിച്ചത്.

ചിപ്സ് പാക്കറ്റിന്റെ വിലയായ അഞ്ച് രൂപ 2022 ഏപ്രിൽ ആറുമുതൽ ആറു ശതമാനം വാർഷിക പലിശ സഹിതം പരാതിക്കാരന് തിരികെ നൽകണമെന്ന് കമ്മിഷൻ ഉത്തരവിട്ടു. മാനസിക ബുദ്ധിമുട്ടുകൾക്കുള്ള നഷ്ടപരിഹാരമായി 5,000 രൂപയും കേസ് ചെലവായി 3,000 രൂപയും ഉൾപ്പെടെ 8,000 രൂപ പെപ്‌സികോ നൽകണം. ഒരു മാസത്തിനകം തുക നൽകിയില്ലെങ്കിൽ 8,000 രൂപയ്ക്ക് ആറു ശതമാനം വാർഷിക പലിശയും നൽകേണ്ടിവരുമെന്നും ഉത്തരവിൽ വ്യക്തമാക്കി.

അശോക് ശർമ പ്രസിഡന്റും അജയ് കുമാർ, സുപ്രിയ അഗർവാൾ എന്നിവർ അംഗങ്ങളുമായ കമ്മിഷനാണ് കേസ് പരിഗണിച്ചത്. ഉത്പന്നത്തിന്റെ ഭാരക്കുറവിന്റെ ഉത്തരവാദിത്തം നിർമാതാക്കൾക്കാണെന്ന വാദവും കമ്മിഷൻ അംഗീകരിച്ചു. നോട്ടീസ് അയച്ചിട്ടും പെപ്‌സികോ ഹാജരാകാതിരുന്നതിനെത്തുടർന്നാണ് കമ്പനിയുടെ വാദം കേൾക്കാതെ ഏകപക്ഷീയമായി വിധി പ്രസ്താവിച്ചത്.

വഴിയിൽ കിടക്കുന്നതു കണ്ട മൊബൈൽഫോൺ അതിഥി തൊഴിലാളി സ്റ്റേഷനിൽ ഏൽപ്പിച്ചു; ഉടമയ്ക്ക് കൈമാറാനായി സൂക്ഷിച്ചിരുന്ന ഫോൺ പൊലീസുകാരൻ മോഷ്ടിച്ച് വിറ്റു; കേസെടുത്തു

BREAKING NEWS
അതിർത്തിയിൽ പട്രോളിങ്ങിനിടെ വഴിതെറ്റി ബംഗ്ലാദേശിലെത്തി; ഇന്ത്യൻ ജവാനെ കസ്റ്റഡിയിലെടുത്ത് ബി.ജി.ബി; കൈമാറാൻ ‘ഫ്ലാഗ് മീറ്റിങ്’
18 Nov 2026
BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026
BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026