BREAKING NEWS

കോൺഗ്രസ് പുറത്താക്കി; രമ്യ അകത്തേക്ക് വിളിക്കുന്നു? പാളയം പ്രദീപിനെ അഡീ. പി.എ ആക്കാൻ നീക്കം; നിയമസഭാ സെക്രട്ടറിക്ക് കത്ത് നൽകി രമ്യ ഹരിദാസ്

· · 1 min read
Share: Copied!

തിരുവനന്തപുരം: ചിറയിൻകീഴിലെ കോൺഗ്രസ് നേതാക്കൾ തമ്മിലുണ്ടായ കയ്യാങ്കളിയുടെ പേരിൽ പാർട്ടി നടപടി നേരിട്ട പാളയം പ്രദീപിനെ തന്റെ അഡീഷണൽ പി.എ ആക്കണമെന്നാവശ്യപ്പെട്ട് രമ്യ ഹരിദാസ് എം.എൽ.എ. നിയമസഭാ സെക്രട്ടറിക്ക് കത്ത് നൽകി. പ്രദീപിനെ മുൻകാല പ്രാബല്യത്തോടെ തന്റെ സ്റ്റാഫിൽ നിയമിക്കണമെന്നാണ് കത്തിലെ ആവശ്യം.

രമ്യ ഹരിദാസ് ഉൾപ്പെട്ട സംഘർഷവുമായി ബന്ധപ്പെട്ട് കെ.പി.സി.സി. അംഗം പാളയം പ്രദീപിനെയും ബ്ലോക്ക് ജനറൽ സെക്രട്ടറി സജാദിനെയും കോൺഗ്രസ് കഴിഞ്ഞ ദിവസം സസ്പെൻഡ് ചെയ്തിരുന്നു. പാർട്ടി നടപടിക്ക് വിധേയനായ ഒരാളെ തന്നെയാണ് എം.എൽ.എ. ഇപ്പോൾ തന്റെ സ്റ്റാഫിൽ നിയമിക്കണമെന്നാവശ്യപ്പെട്ടിരിക്കുന്നത്.

രമ്യയുടെ പി.എയാണ് ഇന്ന് രാവിലെ നിയമസഭാ സെക്രട്ടറിക്ക് കത്ത് കൈമാറിയത്. അഡീഷണൽ പി.എ.യായി പ്രദീപിനെ നിയമിക്കുന്നതിനുള്ള നടപടികൾ സ്വീകരിക്കണമെന്നാണ് കത്തിൽ ആവശ്യപ്പെട്ടിരിക്കുന്നത്.

എം.എം. ഹസന്റെ നേതൃത്വത്തിലുള്ള സമിതിയുടെ പ്രാഥമിക അന്വേഷണ റിപ്പോർട്ടിന്റെ അടിസ്ഥാനത്തിലാണ് പ്രദീപിനും സജാദിനുമെതിരേ പാർട്ടി നടപടി സ്വീകരിച്ചത്. ഇരുവിഭാഗവും ഗുരുതരമായ അച്ചടക്കലംഘനം നടത്തിയെന്നാണ് സമിതിയുടെ കണ്ടെത്തൽ.

പ്രവർത്തകരെ ഏകോപിപ്പിച്ച് മുന്നോട്ടുകൊണ്ടുപോകേണ്ട എം.എൽ.എ. ഉൾപ്പെടെയുള്ളവർ അതിന് വിരുദ്ധമായ രീതിയിൽ പ്രവർത്തിച്ചെന്നും റിപ്പോർട്ടിലുണ്ടായിരുന്നു. പാർട്ടിയെ അവമതിപ്പിക്കുന്ന തരത്തിൽ വാട്സാപ്പ് ഗ്രൂപ്പിൽ പോസ്റ്റിട്ടതാണ് സജാദിനെതിരായ നടപടിക്ക് കാരണമായത്.

പാലക്കാട്ടുകാരനായ പാളയം പ്രദീപ് ചിറയിൻകീഴിലെ പാർട്ടി യോഗങ്ങളിലും ഔദ്യോഗിക യോഗങ്ങളിലും പങ്കെടുക്കുന്നത് ശരിയായ നടപടിയല്ലെന്നും അന്വേഷണ സമിതി വിലയിരുത്തിയിരുന്നു. അനധികൃത ഇടപെടലുകളും തുടർന്നുണ്ടായ സംഘർഷവും കണക്കിലെടുത്താണ് പ്രദീപിനെതിരെ നടപടിയെടുത്തത്.

എല്ലാവരുടെയും വിശദീകരണം കേട്ടശേഷമാണ് നടപടി സ്വീകരിച്ചതെന്ന് കോൺഗ്രസ് നേതൃത്വം വ്യക്തമാക്കിയിരുന്നു. എന്നാൽ പ്രദീപ് വിശദീകരണം നൽകാൻ സമിതിക്ക് മുന്നിലെത്തിയിരുന്നില്ല. പ്രദീപിന്റെ ഇടപെടലിൽ പ്രാദേശിക നേതാക്കൾ കടുത്ത പ്രതിഷേധം അറിയിച്ചതായും റിപ്പോർട്ടിലുണ്ട്.

അതേസമയം, പ്രദീപ് തനിക്കെതിരേ വിഭാഗീയ പ്രവർത്തനം നടത്തിയെന്ന ആരോപണവും എം.എൽ.എ. അനുകൂല വിഭാഗം ഉന്നയിച്ചിട്ടുണ്ട്. പാർട്ടി നടപടി നേരിട്ടതിന് പിന്നാലെയാണ് പ്രദീപിനെ സ്വന്തം സ്റ്റാഫിൽ ഉൾപ്പെടുത്തണമെന്നാവശ്യപ്പെട്ട് രമ്യ ഹരിദാസ് കത്ത് നൽകിയിരിക്കുന്നത്.

ഭർത്താവിനെ വീട്ടിൽ നിന്ന് അന്യായമായി കസ്റ്റഡിയിലെടുത്തു, യുക്രൈനെതിരായ യുദ്ധത്തിൽ റഷ്യൻ സൈന്യത്തിൽ ചേരാൻ സമ്മർദം, പ്രധാനമന്ത്രിയുടേയും യോ​ഗി ആദിത്യ നാഥിന്റേയും സഹായം അഭ്യർഥിച്ച് ഭാര്യ!! അറസ്റ്റ് മദ്യപിച്ച് വാഹനം തല്ലിത്തകർത്തതിനെന്ന് സൂചന- ഇടപെട്ട് ഇന്ത്യ

BREAKING NEWS
വീണ്ടും യു​ദ്ധഭീതി; ഇറാനിൽ സ്ഫോടനങ്ങൾ, ഹോർമുസിൽ മിസൈൽ ആക്രമണം, ഖേഷം ദ്വീപിൽ നിന്നും പുകയുയരുന്നതായി റിപ്പോർട്ട്; മനാമയിലും ആശങ്ക; ഹോർമുസിൽ കപ്പലുകൾക്ക് തീപിടിച്ചു, ഇന്ത്യൻ നാവികനെ കാണാതായി; 24 പേർ രക്ഷപ്പെട്ടു
17 Nov 2026
BREAKING NEWS
ഹോർമുസ് കടലിടുക്കിന് മുകളിലൂടെ പറന്ന അമേരിക്കൻ ഡ്രോൺ ഇറാൻ വെടിവെച്ചിട്ടു; മണിക്കൂറുകൾക്കിടെ രണ്ടാമത്തെ ആക്രമണം; പശ്ചിമേഷ്യയിൽ സംഘർഷം മുറുകുന്നു
17 Nov 2026
BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026
BREAKING NEWS
'ചുണ്ടിൽ ഒരു ഉമ്മ തരൂ, പ്ലീസ്, ഒരു ഉമ്മ തരൂ'; പിന്നെ ഫോട്ടോയെടുക്കണമെന്ന ആവശ്യം, തീർന്നില്ല; ഷേക്ക് ഹാൻഡിനായി കൈ നീട്ടി; വിദേശ വനിതയെ ശല്യം ചെയ്ത യുവാവ് അറസ്റ്റിൽ; വീഡിയോ പങ്കുവച്ച് യുവതി
17 Nov 2026