BREAKING NEWS

പാലായിൽ ദിയ വാഴുമോ വീഴുമോ? ഇന്നറിയാം; നഗരസഭയ്ക്ക് നിർണായക ദിനം; അവിശ്വാസ പ്രമേയ ചർച്ച; കോൺഗ്രസ് കൗൺസിലർമാർക്ക് വിപ്പ്

· · 1 min read
Share: Copied!

കോട്ടയം: പാലാ നഗരസഭാ ചെയർപേഴ്‌സൺ ദിയ ബിനു പുളിക്കക്കണ്ടത്തിനെതിരെ പ്രതിപക്ഷമായ എൽഡിഎഫ് കൊണ്ടുവന്ന അവിശ്വാസ പ്രമേയം ഇന്ന് ചർച്ചയ്ക്ക് എടുക്കും. ചർച്ചയിൽ പങ്കെടുക്കരുതെന്ന് ആവശ്യപ്പെട്ട് കോൺഗ്രസ് നേതൃത്വം പാർട്ടി കൗൺസിലർമാർക്ക് വിപ്പ് നൽകിയിട്ടുണ്ട്. എന്നാൽ കോൺഗ്രസിലെ ഭിന്നത മുതലെടുത്ത് അവിശ്വാസ പ്രമേയം പാസാക്കാനാകുമെന്ന പ്രതീക്ഷയിലാണ് എൽഡിഎഫ്. യുഡിഎഫിനുള്ളിലെ ആഭ്യന്തര പ്രതിസന്ധിയും ഭിന്നതയും മുൻനിർത്തിയാണ് എൽഡിഎഫ് അവിശ്വാസ പ്രമേയം അവതരിപ്പിച്ചിരിക്കുന്നത്.

26 അംഗങ്ങളുള്ള പാലാ നഗരസഭയിൽ നിലവിൽ എൽഡിഎഫിന് 12 അംഗങ്ങളുടെ പിന്തുണയാണുള്ളത്. അവിശ്വാസ പ്രമേയം വിജയിപ്പിക്കാൻ 14 അംഗങ്ങളുടെ പിന്തുണ ആവശ്യമാണ്. ദിയ ബിനു ഉൾപ്പെടുന്ന സ്വതന്ത്ര കൂട്ടായ്മയുമായി ചേർന്ന് ഭരണം തുടരാനില്ലെന്ന നിലപാടാണ് കോൺഗ്രസിലെ ആറോളം കൗൺസിലർമാർ സ്വീകരിച്ചിരിക്കുന്നതെന്നാണ് വിവരം. ഭരണത്തിനെതിരെ കോൺഗ്രസ് അംഗങ്ങൾക്കിടയിൽ ശക്തമായ പ്രതിഷേധം ഉയർന്നതോടെയാണ് എൽഡിഎഫ് അവിശ്വാസ പ്രമേയം കൊണ്ടുവരാൻ തീരുമാനിച്ചത്.

അതേസമയം, ഭരണം നഷ്ടമാകുന്ന സാഹചര്യം സൃഷ്ടിക്കുന്ന തരത്തിൽ ഒരു നടപടിയും സ്വീകരിക്കരുതെന്ന് സംസ്ഥാന കോൺഗ്രസ് നേതൃത്വം കൗൺസിലർമാർക്ക് കർശന നിർദേശം നൽകിയിട്ടുണ്ട്. ചർച്ചയിൽ പങ്കെടുക്കരുതെന്നും പാർട്ടി വിപ്പ് ലംഘിക്കരുതെന്നും നിർദേശിച്ചിട്ടുണ്ട്. എന്നാൽ വിപ്പ് അവഗണിച്ച് ദിയ ബിനുവിനെതിരെ വോട്ട് ചെയ്യാൻ ചില കോൺഗ്രസ് അംഗങ്ങൾ തയ്യാറെടുക്കുന്നതായാണ് സൂചന. ഇക്കാര്യത്തിൽ ജില്ലയിലെ യുഡിഎഫ് നേതൃത്വത്തിന് കടുത്ത അതൃപ്തിയുണ്ടെന്നും വിപ്പ് ലംഘിക്കുന്നവർക്കെതിരെ കർശന അച്ചടക്ക നടപടി സ്വീകരിക്കുമെന്നും നേതൃത്വം മുന്നറിയിപ്പ് നൽകിയിട്ടുണ്ട്.

പുളിക്കക്കണ്ടം കുടുംബാംഗങ്ങൾ, കോൺഗ്രസ്, കേരള കോൺഗ്രസ് (ജോസഫ്) വിഭാഗം, സ്വതന്ത്രർ എന്നിവരടക്കം 14 അംഗങ്ങളാണ് നിലവിൽ ഭരണപക്ഷത്തുള്ളത്. സ്വതന്ത്ര കൂട്ടായ്മയ്ക്കുള്ള പിന്തുണ പിൻവലിച്ചതായി ആദ്യം പ്രഖ്യാപിച്ചത് കോൺഗ്രസായിരുന്നു. കോൺഗ്രസ് കൗൺസിലർമാർ വിപ്പ് ലംഘിച്ച് അവിശ്വാസ പ്രമേയത്തെ അനുകൂലിച്ചാൽ പാലാ നഗരസഭയിൽ ഭരണമാറ്റത്തിന് വഴിയൊരുങ്ങും. അതുകൊണ്ടുതന്നെ ഇന്നത്തെ കൗൺസിൽ യോഗം നഗരസഭയുടെ രാഷ്ട്രീയ ഭാവി നിർണയിക്കുന്നതായിരിക്കും.

ലഹരിക്കും ആഡംബര ജീവിതത്തിനും മോഷണ പരമ്പര; മൂന്നംഗ സംഘം പിടിയിൽ. മൂന്ന് ജില്ലകളിൽ ബൈക്ക്-ബാറ്ററി മോഷണം; നിർണ്ണായകമായത് സി.സി.ടി.വി ദൃശ്യങ്ങൾ

BREAKING NEWS
'മോദിയെ വിമർശിച്ച് അധികാരം നേടാനാവില്ല; ഇന്ത്യയുടെ കുറ്റവും കുറവും ലോകം മുഴുവൻ പറഞ്ഞ് നടന്നിട്ടും കാര്യമില്ല; വിദേശയാത്ര നിർത്തി ഗ്രാമങ്ങളിലേക്ക് പോകൂ, അല്ലെങ്കിൽ അടുത്ത 30 വർഷത്തേക്ക് കോൺഗ്രസിന് ഊഴമില്ല': രാഹുൽ ഗാന്ധിയോട് അമിത് ഷാ
15 Nov 2026
BREAKING NEWS
പാലത്തിനുവേണ്ടി പിടിവലി; കോഴഞ്ചേരി പുതിയ പാലം നാടിന് സമർപ്പിച്ചു, ’ഞങ്ങൾ കൊണ്ടുവന്നത്, ക്രെഡിറ്റ് തട്ടിയെടുക്കുന്നു’; ഉദ്ഘാടനച്ചടങ്ങ് ബഹിഷ്കരിച്ച് എൽഡിഎഫ്; 'പാലത്തിന്റെ വാപ്പ ആരാണെന്ന് മനസ്സിലായി' എന്ന് പി.കെ. ബഷീർ
15 Nov 2026
BREAKING NEWS
കടം വീട്ടാൻ സ്വന്തം അവയവങ്ങൾ വിൽപനയ്ക്ക്; വൃക്കയും കരളും വൃഷണവും കോർണിയയും വിൽക്കാൻ ഇറാനിൽ പരസ്യപ്രളയം, സാമ്പത്തിക പ്രതിസന്ധി രൂക്ഷം
15 Nov 2026
BREAKING NEWS
22 ദിവസമായി, വെളളം പോലും കുടിക്കുന്നില്ല; ഇത് തുടർന്നാൽ അപകടമെന്ന് ഡോക്ടർമാർ; വീണ്ടും ഐസിയുവിൽ പ്രവേശിപ്പിച്ചു; ; ’മകളുടെ ആരോ​ഗ്യത്തിൽ ആശങ്കയുണ്ട്’: വളർമതിയുടെ അമ്മ
15 Nov 2026