മൂന്നാർ: മകനോടുള്ള വ്യക്തി വിരോധത്തെത്തുടർന്ന് അമ്മയുടെ കൈ തല്ലിയൊടിച്ച സംഭവത്തിൽ രണ്ടുപേർ അറസ്റ്റിൽ. മാട്ടുപ്പട്ടി ടോപ്പ് ഡിവിഷനിൽ ജെ. സുരേഷ് (36), നന്ദകുമാർ (25) എന്നിവരാണ് അറസ്റ്റിലായത്.
കഴിഞ്ഞ ചൊവ്വാഴ്ച രാത്രിയിലാണ് സംഭവം. മാട്ടുപ്പട്ടി സ്വദേശിനിക്ക് നേരെയാണ് ആക്രമണമുണ്ടായത്. ടൗണിൽനിന്ന് വീട്ടിലേക്ക് മടങ്ങുകയായിരുന്ന ഇവരെ പ്രതികൾ മാട്ടുപ്പട്ടി ഭാഗത്തുവെച്ച് തടഞ്ഞുനിർത്തി കമ്പിവടി ഉപയോഗിച്ച് കൈ തല്ലിയൊടിക്കുകയായിരുന്നു.
തുടർ്നനു നാട്ടുകാരാണ് സ്ത്രീയെ മൂന്നാറില സ്വകാര്യ ആശുപത്രിയിൽ എത്തിച്ചത്. സംഭവത്തിൽ മൂന്നാർ പോലീസാണ് പ്രതികളെ പിടികൂടിയത്. പ്രതികളെ ദേവികുളം കോടതി റിമാൻഡ് ചെയ്തു.
