BREAKING NEWS

‘‘ ചിരിക്കൂ, കാരണം നിങ്ങൾ ലക്നൗവിലാണ്’’…ഗോയങ്കയുടെ പോസ്റ്റ്, മുഹമ്മദ് ഷമിക്കും ‘കോടി’ത്തിളക്കം!! സൺറൈസേഴ്സ് താരത്തെ ലക്നൗ സ്വന്തമാക്കിത് 10 കോടി രൂപയ്ക്ക്, അർജുൻ തെൻഡുൽക്കറും ലക്നൗവിൽ, ഡോനോവൻ ഫെരേരയെ രാജസ്ഥാൻ സ്വന്തമാക്കിയത് ഒരു കോടിക്ക്, അവസാന ദിവസം ക്ലബ് മാറ്റം തകൃതി…

· · 1 min read
Share: Copied!

മുംബൈ: ഐപിഎൽ 2026 സീസണിലേക്കുള്ള താരങ്ങളെ നിലനിർത്തുന്നതിനുള്ള അവസാന ദിവസം ക്ലബ് മാറ്റവുമായി വെറ്ററൻ പേസർ മുഹമ്മദ് ഷമി. കഴിഞ്ഞ സീസണിൽ സൺറൈസേഴ്സ് ഹൈദരാബാദിൽ വേണ്ടത്ര തിളങ്ങാൻ കഴിയാതിരുന്ന ഷമിയെ പൊന്നും വിലയ്ക്കു തന്നെയാണ് ലക്നൗ സൂപ്പർ ജയന്റ്സ് സ്വന്തമാക്കിയത്. 10 കോടി രൂപയാണ് ലക്നൗ ഷമിക്കു വേണ്ടി മുടക്കിയ തുക. ഷമിക്കു പുറമേ മുംബൈ ഇന്ത്യൻസിന്റെ യുവപേസർ അർജുൻ തെൻഡുൽക്കറെയും ലക്നൗ ടീമിലെത്തിച്ചു.

അതേസമയം സൺറൈസേഴ്സ് ഹൈദരാബാദിനായി കഴിഞ്ഞ സീസണിൽ ഒൻപതു മത്സരങ്ങൾ കളിച്ച ഷമി, ആറു വിക്കറ്റുകൾ മാത്രമാണു വീഴ്ത്തിയത്. പരുക്കുമാറി ക്രിക്കറ്റിലേക്കു തിരിച്ചെത്തിയ താരം രഞ്ജി ട്രോഫിയിൽ ബംഗാളിനായി തകർപ്പൻ പ്രകടനമാണു നടത്തുന്നത്. മൂന്നു മത്സരങ്ങൾ കളിച്ച താരം 15 വിക്കറ്റുകൾ ഇതിനോടകം സ്വന്തമാക്കിക്കഴിഞ്ഞു. ഇന്ത്യൻ ടീമിൽ ഇടം കണ്ടെത്താൻ ഷമി ബുദ്ധിമുട്ടുന്നതിനിടെയാണ് താരത്തിന്റെ ടീം മാറ്റം.

ഷമിയെ ലക്നൗവിലേക്ക് സ്വാഗതം ചെയ്തുകൊണ്ട് ടീം ഉടമ സഞ്ജീവ് ഗോയങ്ക എക്സ് പ്ലാറ്റ്ഫോമിൽ പ്രതികരിച്ചു.‘‘ ചിരിക്കൂ, കാരണം നിങ്ങൾ ലക്നൗവിലാണ്’’– എന്നാണ് ഷമിയുടെ ചിത്രം പങ്കുവച്ച് ഗോയങ്കയുടെ വാക്കുകൾ. താരക്കൈമാറ്റത്തിലെ വിലയേറിയ രണ്ടാമത്തെ കരാറാണ് ഷമിയുടേത്. 18 കോടി രൂപയ്ക്കാണ് മലയാളി താരം സഞ്ജു സാംസൺ ചെന്നൈ സൂപ്പർ കിങ്സിലേക്കു മാറിയത്. നേരത്തെ രാജസ്ഥാൻ താരത്തെ സ്വന്തമാക്കിയതും ഇതേ രൂപയ്ക്കായിരുന്നു.

അതുപോലെ യുവ ഇന്ത്യൻ സ്പിന്നർ മായങ്ക് മാർക്കണ്ഡെ അടുത്ത സീസണിൽ മുംബൈ ഇന്ത്യൻസിൽ കളിക്കും. കൊൽക്കത്ത നൈറ്റ് റൈഡേഴ്സിൽനിന്നാണ് മുംബൈ താരത്തെ വാങ്ങിയത്. നിതീഷ് റാണയെ ഡൽഹി ക്യാപിറ്റൽസിനു കൈമാറിയ രാജസ്ഥാൻ റോയൽസ് ദക്ഷിണാഫ്രിക്കൻ വിക്കറ്റ് കീപ്പർ ബാറ്റർ ഡോനോവൻ ഫെരേരയെ ഡൽഹിയിൽനിന്നും സ്വന്തമാക്കി. ഒരു കോടി രൂപയാണ് ഫെരേരയെ സ്വന്തമാക്കാൻ രാജസ്ഥാൻ മുടക്കിയ ട്രാൻസ്ഫർ എമൗണ്ട്.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026