കോഴിക്കോട്: റോഡിലൂടെ നടന്നുപോവുകയായിരുന്ന പെൺകുട്ടിയെ കടന്നുപിടിച്ചെന്ന പരാതിയിൽ യുവാവ് അറസ്റ്റിൽ. കോഴിക്കോട് കാക്കുനി സ്വദേശി ചരളിൽ ജിബിൻ ലാലിനെയാണ് തൊട്ടിൽപാലം പൊലീസ് പിടികൂടിയത്. കായക്കൊടിയിലെ ക്രഷറിന് സമീപത്താണ് സംഭവം നടന്നത്.
കഴിഞ്ഞ ദിവസം റോഡിലൂടെ നടന്നുപോകുകയായിരുന്ന പെൺകുട്ടിയെ ജിബിൻ ലാൽ ബലമായി കടന്നുപിടിക്കാൻ ശ്രമിച്ചതായാണ് പരാതി. പെൺകുട്ടി ഉച്ചത്തിൽ നിലവിളിച്ചതോടെ പ്രതി ബൈക്കിൽ കയറി സംഭവസ്ഥലത്തുനിന്ന് രക്ഷപ്പെടുകയായിരുന്നു.
പരാതി ലഭിച്ചതിനെ തുടർന്ന് തൊട്ടിൽപാലം പൊലീസ് കേസെടുത്ത് അന്വേഷണം ആരംഭിച്ചു. സംഭവസ്ഥലത്തിന് സമീപത്തെ സി.സി.ടി.വി ദൃശ്യങ്ങൾ വിശദമായി പരിശോധിച്ചതോടെയാണ് പ്രതിയെ തിരിച്ചറിഞ്ഞത്. തുടർന്ന് നടത്തിയ അന്വേഷണത്തിനൊടുവിൽ രാത്രി വീട്ടിൽ നിന്നാണ് ജിബിൻ ലാലിനെ പൊലീസ് അറസ്റ്റ് ചെയ്തത്.
Related Post
പ്രതിയെ കോടതിയിൽ ഹാജരാക്കി തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.
