കൊല്ലം: പൊരീക്കലിൽ അർദ്ധരാത്രിയിൽ ലഹരി സംഘങ്ങൾ തമ്മിലുണ്ടായ ഏറ്റുമുട്ടലിൽ യുവാവ് കൊല്ലപ്പെട്ടു. ഇടവട്ടം ഗോകുലത്തിൽ ഗോകുൽനാഥ് (35) ആണ് മരിച്ചത്. ഇന്നലെ രാത്രി പതിനൊന്നോടെ ഇടവട്ടം ജയന്തി നഗറിലായിരുന്നു സംഭവം. പ്രതി എന്നു സംശയിക്കുന്ന ജയന്തി നഗർ അരുൺ ഭവനിൽ അരുൺ ഒളിവിലാണ്. ഇരുവരും കഞ്ചാവ് വിൽപ്പന സംഘത്തിലെ കണ്ണികളാണെന്ന് പോലീസ് പറയുന്നു.
സംഭവം ഇങ്ങനെ- ഇന്നലെ രാത്രി ജയന്തി നഗർ സ്വദേശി ജോസിന്റെ വീടിന് മുന്നിൽ വച്ചു കഞ്ചാവുമായി ബന്ധപ്പെട്ട് ഇരുവരും തമ്മിൽ ഏറ്റുമുട്ടി. ഇതിനിടെ അലർച്ച കേട്ടെത്തിയ പ്രദേശവാസികള്ഡ അവശനിലയിൽ കിടക്കുന്ന ഗോകുലിനെ കണ്ടു. ‘എനിക്ക് വയ്യ എന്നെ ഒന്നു ആശുപത്രിയിൽ കൊണ്ടുപോകുമോ’ എന്ന് ഗോകുൽ പറഞ്ഞതായി സ്ഥലത്തുണ്ടായിരുന്നവർ പറഞ്ഞു.
തുടർന്നു പ്രതിയെന്നു സംശയിക്കുന്ന അരുണും കൂടി ചേർന്നാണ് ഗോകുലിനെ കൊട്ടാരക്കര താലൂക്ക് ആശുപത്രിയിൽ എത്തിച്ചത്. അവിടെ നിന്ന് അരുൺ കടന്നു കളയുകയായിരുന്നു. പരേതനായ രഘുനാഥൻ പിള്ളയുടെ മകനാണ് മരിച്ച ഗോകുൽനാഥ്.
90 K എന്ന മാജിക് സംഖ്യ തൊടാനൊരുങ്ങി പൊന്ന്!! പവന് 89480 രൂപയിലേക്ക് സ്വർണ്ണക്കുതിപ്പ്
