LATEST UPDATES

അന്ന് ക്യാച്ച് കൈവിട്ടത് നായകൻ, ഇന്ന് വിക്കറ്റ് കീപ്പർ…!!! ഒന്നും മിണ്ടാനാകാതെ അസ്വസ്ഥനായി രോഹിത്..!! എടുത്തിട്ടലക്കി കോലി… രണ്ടിലും നഷ്ടം അക്ഷർ പട്ടേലിനുതന്നെ…

· · 1 min read
Share: Copied!

ദുബായ്: ചാംപ്യൻസ് ട്രോഫി ക്രിക്കറ്റിൽ ഇന്ത്യ– ന്യൂസീലൻഡ് പോരാട്ടത്തിനിടെ കെയ്ൻ വില്യംസന്റെ ക്യാച്ച് വിട്ടുകളഞ്ഞ ഇന്ത്യൻ വിക്കറ്റ് കീപ്പർ കെഎൽ രാഹുലിനെ നിർത്തിപ്പൊരിച്ച് വിരാട് കോലി ഉൾപ്പെടെയുള്ള സഹതാരങ്ങളും ആരാധകരും. അക്ഷർ പട്ടേൽ എറിഞ്ഞ 11–ാം ഓവറിലെ ആറാം പന്തിലാണ് കെയ്ൻ വില്യംസൻ നൽകിയ അവസരം രാഹുൽ കൈവിട്ടത്. വില്യംസന്റെ ബാറ്റിലുരഞ്ഞ പന്ത് വിക്കറ്റിനു തൊട്ടുപിന്നിൽ നിൽക്കുകയായിരുന്ന രാഹുലിന്റെ നേർക്കാണ് എത്തിയതെങ്കിലും താരത്തിന് അത് പിടിച്ചെടുക്കാനായില്ല. രാഹുലിന്റെ ഗ്ലൗവിൽ തട്ടിയ ശേഷമാണ് ക്യാച്ച് ‘മിസ്സായത്’. വില്യംസന്റെ വ്യക്തിഗത സ്കോർ 17ൽ നിൽക്കുമ്പോഴായിരുന്നു സംഭവം.

‘എന്നാലും ഞാൻ എങ്ങനെയാ ഔട്ടായെ ഭായ്?!! അതായത് കോലീ… വിശദീകരിച്ച് രവീന്ദ്ര ജഡേജ’- വീഡിയോ

ഇവിടെയിപ്പോ എന്താ ഉണ്ടായേ… മിന്നൽ വേ​ഗത്തിൽ ഗ്ലെൻ ഫിലിപ്സിന്റെ ക്യാച്ച്!! തലയിൽ കൈവച്ച് അനുഷ്ക, ഇവനേക്കുറിച്ച് ദിനേഷ് കാർത്തിക് പറഞ്ഞു നാവ് വായിലേക്കിട്ടില്ലല്ലോ അപ്പോഴേക്കും ഞൊടിയിട വേ​ഗത്തിൽ എല്ലാം സംഭവിച്ചോ?

വിക്കറ്റ് കീപ്പറിനു സംഭവിച്ച പിഴവുകണ്ട് ആദ്യം ഒന്നു ഞെട്ടിയ ഇന്ത്യൻ നായകൻ രോഹിത് ശർമ അസ്വസ്ഥനാകുന്ന ദൃശ്യങ്ങൾ പുറത്തുവന്നു. എന്നാൽ ഒന്നും പറയാനായില്ല. കാരണം ചാമ്പ്യൻസ് ട്രോഫിയിലെ ആദ്യ മത്സരത്തിൽ ഹാട്രിക് നേടാനുള്ള അക്ഷർ പട്ടേലിന്റെ അവസരം രോഹിത് മിസ്സാക്കിയിരുന്നു. അതേസമയം അവസരം പാഴാക്കിയ രാഹുലിനെ സൂപ്പർ താരം വിരാട് കോലി ഗ്രൗണ്ടിൽവച്ചു തന്നെ ശകാരിക്കുന്ന ദൃശ്യങ്ങളും സമൂഹമാധ്യമങ്ങളിൽ പ്രചരിക്കുന്നുണ്ട്. ആദ്യം കൈകൾ‌ ഉയർത്തി സ്വതസിദ്ധമായ ശൈലിയിൽ നിരാശ പ്രകടമാക്കിയ കോലി, രാഹുലിന്റെ അടുത്തുചെന്ന് രൂക്ഷമായി സംസാരിക്കുകയും ചെയ്തു. മറിച്ചൊന്നും പറയാതെ കോലിയെ തുറിച്ചുനോക്കുക മാത്രമാണ് രാഹുൽ ചെയ്തത്. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്.

നേരത്തേ, ബാറ്റിങ്ങിലും രാഹുലിന് കാര്യമായി തിളങ്ങാനായിരുന്നില്ല. 29 പന്തുകൾ നേരിട്ട രാഹുൽ 23 റൺസ് മാത്രമെടുത്തു പുറത്താകുകയായിരുന്നു. മിച്ചൽ സാന്റ്നറുടെ പന്തിൽ ടോം ലാതം ക്യാച്ചെടുത്താണ് രാഹുലിനെ പുറത്താക്കിയത്. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റു ചെയ്ത ഇന്ത്യ 50 ഓവറിൽ ഒൻപതു വിക്കറ്റ് നഷ്ടത്തിൽ 249 റൺസാണു നേടിയത്. 98 പന്തിൽ 79 റൺസെടുത്തു പുറത്തായ ശ്രേയസ് അയ്യരുടെ ഇന്നിങ്സാണ് പൊരുതാവുന്ന സ്കോറിലേക്ക് ഇന്ത്യയെ എത്തിച്ചത്. മറുപടി ബാറ്റിങ്ങിനിറങ്ങിയ ഇം​ഗ്ലണ്ട് ഒടുവിൽ വിവരം ലഭിക്കുമ്പോൾ 43 ഓവറിൽ 190 ന് 7 എന്ന നിലയിലാണ്.

 

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026