BREAKING NEWS

‘സ്വാതന്ത്ര്യം പണയം വയ്ക്കില്ല, ആവശ്യമുള്ളപ്പോൾ സംസാരിക്കും; സ്ഥാനം ഉപയോഗിച്ച് എന്റെ രാഷ്ട്രീയത്തെ ദുരുപയോഗം ചെയ്യില്ല’; പുതിയ സാഹിത്യ അക്കാദമി ചെയർമാൻ കൽപ്പറ്റ നാരായണൻ

· · 1 min read
Share: Copied!

തിരുവനന്തപുരം: കേരള സാഹിത്യ അക്കാദമി ചെയർമാൻ പദവിയുടെ പേരിൽ തന്റെ സ്വാതന്ത്ര്യം പണയം വയ്ക്കില്ലെന്ന് പുതിയ ചെയർമാൻ കൽപ്പറ്റ നാരായണൻ. ആവശ്യമുള്ള ഘട്ടങ്ങളിൽ തന്റെ നിലപാടുകൾ തുറന്നുപറയും. അക്കാദമി പ്രസിഡന്റ് സ്ഥാനം ഉപയോഗിച്ച് തന്റെ രാഷ്ട്രീയത്തെ ദുരുപയോഗം ചെയ്യില്ലെന്നും അദ്ദേഹം പ്രതികരിച്ചു.

സാഹിത്യം പുതിയ തലമുറയിൽ നിന്ന് അകന്നുപോകുകയാണെന്ന ധാരണ തനിക്കില്ലെന്നും കൽപ്പറ്റ നാരായണൻ പറഞ്ഞു. പുതിയ തലമുറയിൽ ഭാവുകത്വം സൃഷ്ടിക്കുക എന്നതാണ് സാഹിത്യ അക്കാദമിയുടെ പ്രധാന ചുമതല. അതിനായി കൂടുതൽ ഇടപെടലുകൾ നടത്തേണ്ടതുണ്ടെന്നും അദ്ദേഹം വ്യക്തമാക്കി.

ആരെയും മാറ്റിനിർത്താതെ എല്ലാവരെയും ഉൾക്കൊള്ളുന്ന സ്ഥാപനമായി സാഹിത്യ അക്കാദമി പ്രവർത്തിക്കുമെന്നും അദ്ദേഹം പറഞ്ഞു. എഴുത്തുകാരുടെ രാഷ്ട്രീയം നോക്കിയല്ല അക്കാദമി പ്രവർത്തിക്കുക. എഴുത്തിന്റെ രാഷ്ട്രീയം അംഗീകരിച്ചുകൊണ്ടായിരിക്കും പ്രവർത്തനങ്ങൾ മുന്നോട്ടുകൊണ്ടുപോകുകയെന്നും കൽപ്പറ്റ നാരായണൻ വ്യക്തമാക്കി.

അക്കാദമിയുടെ സാമ്പത്തിക പ്രശ്നങ്ങൾ പരിഹരിക്കാൻ കഴിയുമെന്നാണ് പ്രതീക്ഷ. സർക്കാരിന്റെ പിന്തുണയുണ്ടാകുമെന്നാണ് കരുതുന്നത്. സാമ്പത്തിക പരിമിതികൾ അതിജീവിച്ച് സാഹിത്യോത്സവങ്ങൾ സംഘടിപ്പിക്കുമെന്നും അദ്ദേഹം പറഞ്ഞു.

തൃശ്ശൂരിൽ മാത്രം ഒതുങ്ങാതെ കേരളത്തിന്റെ വിവിധ ഭാഗങ്ങളിലേക്ക് സാഹിത്യ അക്കാദമിയുടെ പ്രവർത്തനങ്ങൾ വ്യാപിപ്പിക്കാനും പദ്ധതിയുണ്ട്. പ്രാദേശിക ഭരണകൂടങ്ങളുടെ സഹായത്തോടെ വിവിധ പ്രദേശങ്ങളിൽ സാഹിത്യ സമ്മേളനങ്ങൾ സംഘടിപ്പിക്കുമെന്നും കൽപ്പറ്റ നാരായണൻ വ്യക്തമാക്കി.

കൊല്ലം സുധിയുടെ മരണം, അവകാശികൾക്ക് 1.77 കോടി രൂപ നഷ്ടപരിഹാരം വിധിച്ച് കോടതി

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026