BREAKING NEWS

ജ്യോതി മൽഹോത്രയ്ക്ക് ഭീകരരുമായി ബന്ധമില്ല, സൈന്യത്തെക്കുറിച്ചോ, സൈനിക പദ്ധതികളെ സംബന്ധിച്ചോ അറിയില്ല!!  പാക് രഹസ്യാന്വേഷണ ഏജൻസിയിലെ ചിലരുമായി സൗഹൃദം മാത്രം

· · 1 min read
Share: Copied!

ന്യൂഡൽഹി: ചാരവൃത്തിക്കേസിൽ അറസ്റ്റിലായ യുട്യൂബ് വ്ലോഗർ ജ്യോതി മൽഹോത്രയ്ക്ക് ഭീകരവാദികളുമായി ബന്ധമില്ലെന്ന് പോലീസ്. അവർക്ക് സൈന്യത്തെക്കുറിച്ചോ സൈനിക പദ്ധതികളെ സംബന്ധിച്ചോ വിവരമില്ലായിരുന്നു. പക്ഷെ, പാക്കിസ്ഥാൻ രഹസ്യാന്വേഷണ ഏജൻസിയിലെ ചിലരുമായി സൗഹൃദമുണ്ടായിരുന്നെന്നും ഹിസാർ പോലീസ് സൂപ്രണ്ട് മാധ്യമങ്ങളോട് പറഞ്ഞു.

‘‘അവർക്ക് ഭീകരരുമായി ബന്ധമുണ്ടെന്നതിന്റെ തെളിവുകൾ ലഭിച്ചിട്ടില്ല. പാക്കിസ്ഥാൻ രഹസ്യാന്വേഷണ ഉദ്യോഗസ്ഥനെ വിവാഹം കഴിക്കാൻ ആഗ്രഹിച്ചിരുന്നോ എന്നതിനും തെളിവില്ലയെന്നും എസ്പി പറഞ്ഞു. അതേസമയം ജ്യോതിയുടെ ഫോണും ലാപ്‍ടോപ്പും പോലീസ് ഫൊറൻസിക് പരിശോധനയ്ക്ക് വിധേയമാക്കിയിരുന്നു. മേയ് 13ന് ഇന്ത്യ പുറത്താക്കിയ പാക്ക് ഹൈക്കമ്മിഷൻ ഉദ്യോഗസ്ഥൻ ഡാനിഷുമായി ജ്യോതി ബന്ധം പുലർത്തിയിരുന്നതായി നേരത്തെ ഹിസാർ പോലീസ് വ്യക്തമാക്കിയിരുന്നു.

അതേസമയം ഇപ്പോഴും ജ്യോതിയെ ഇന്ത്യൻ രഹസ്യാന്വേഷണ ഏജൻസികൾ ചോദ്യം ചെയ്തുവരികയാണ്. മേയ് 17നാണ് ജ്യോതി മൽഹോത്ര ഉൾപ്പെടെ 6 പേർ അറസ്റ്റിലായത്. ‘ട്രാവൽ വിത്ത് ജോ’ എന്ന പേരിൽ 3 ലക്ഷത്തിലധികം പേർ പിന്തുടരുന്ന യുട്യൂബ് ചാനൽ ന‌ടത്തുന്ന ജ്യോതി ഒന്നിലധികം തവണ പാക്കിസ്ഥാൻ സന്ദർശിച്ചിട്ടുണ്ടെന്നും പാക്കിസ്ഥാൻ ഇന്റലിജൻസ് ഉദ്യോഗസ്ഥരുമായി അടുത്ത ബന്ധം പുലർത്തിയതിന് തെളിവുകൾ ഉണ്ടെന്നും പോലീസ് വ്യക്തമാക്കിയിരുന്നു.

2023ലാണ് ജ്യോതി ആദ്യമായി പാക്കിസ്ഥാൻ സന്ദർശിക്കുന്നത്. ഈ യാത്രയിൽ പാക്കിസ്ഥാൻ ഹൈക്കമ്മിഷൻ ഉദ്യോഗസ്ഥനായ ഡാനിഷുമായി സൗഹൃദത്തിലായി. ഡാനിഷ് വഴി പരിചയപ്പെട്ട പാക്ക് ചാരസംഘടനയിലെ അംഗങ്ങളോട് സമൂഹമാധ്യമങ്ങൾ വഴിയാണ് ആശയവിനിമയം നടത്തിയിരുന്നത്. അതേപോലെ ജ്യോതി പാക്കിസ്ഥാനു ശേഷം ബം​ഗ്ലാദേശ് സന്ദർശിക്കാനും പദ്ധതിയിട്ടിരുന്നതായി നേരത്തെ കണ്ടെത്തിയിരുന്നു. ഇതിനായുള്ള രേഖകൾ പോലീസ് നേരത്ത കണ്ടെത്തിയിരുന്നു.

സൈനിക കേന്ദ്രങ്ങളുടെ വിവരങ്ങൾ ശേഖരിച്ചു!! ഡൽ​​ഹിയിൽ ഭീകരാക്രമണത്തിനു പദ്ധതിയിട്ട് പാക് ചാരസംഘടന, പ്ലാൻ പൊളിച്ച്കയ്യിൽ കൊടുത്ത് ഇന്ത്യൻ രഹസ്യാന്വേഷണ വിഭാഗം, രണ്ടുപേർ അറസ്റ്റിൽ!! ജ്യോതി മൽഹോത്രയോടു ബന്ധമുണ്ടായിരുന്ന ഡാനിഷിനും പങ്ക്

BREAKING NEWS
’സയൻസ് അറിയാത്ത പൊട്ടന്മാരുടെ സൃഷ്ടി; ചില മഹാന്മാർ കന്നാസിൽ പെട്രോൾ കൊണ്ടുപോയി സ്വയം മിക്സ് ചെയ്തതാണോ എന്നറിയില്ല; ഇ-20 പെട്രോളിൽ ആശങ്ക വേണ്ട,ഇതുവരെ ഒരു പരാതിയുമില്ല, ക്ലെയിമുമില്ല’ വിമർശനങ്ങൾക്ക് സുരേഷ് ഗോപിയുടെ മറുപടി
17 Nov 2026
BREAKING NEWS
'ചുണ്ടിൽ ഒരു ഉമ്മ തരൂ, പ്ലീസ്, ഒരു ഉമ്മ തരൂ'; പിന്നെ ഫോട്ടോയെടുക്കണമെന്ന ആവശ്യം, തീർന്നില്ല; ഷേക്ക് ഹാൻഡിനായി കൈ നീട്ടി; വിദേശ വനിതയെ ശല്യം ചെയ്ത യുവാവ് അറസ്റ്റിൽ; വീഡിയോ പങ്കുവച്ച് യുവതി
17 Nov 2026
BREAKING NEWS
'മോദി എന്റെ നല്ല സുഹൃത്ത്; കരുത്തനായ വ്യക്തി, ലോകം ബഹുമാനിക്കുന്ന നേതാവ്; ടഫ് മാൻ'; ക്വാഡ് ഉച്ചകോടിയിൽ പ്രധാനമന്ത്രിയെ പുകഴ്ത്തി ട്രംപ്; 'ഇന്തോ-പസഫിക് മേഖലയിലെ സുരക്ഷയും സാമ്പത്തിക സഹകരണവും ഉറപ്പാക്കുന്നതിൽ ഇന്ത്യയുടെ പങ്ക് ശ്രദ്ധേയം'
17 Nov 2026
BREAKING NEWS
മോർഫ് ചെയ്ത ചിത്രങ്ങളും വ്യാജ പോസ്റ്റുകളും; വി. ഡി സതീശൻ മുഖ്യമന്ത്രിയായതിനു ശേഷം സോഷ്യൽ മീഡിയയിൽനിന്ന് നീക്കിയത് 15,627 പോസ്റ്റുകൾ; 4,201 പരാതികൾ, 3,472 എണ്ണത്തിൽ പോലീസ് നടപടി
17 Nov 2026