പാലക്കാട്: രാഹുൽ മാങ്കൂട്ടത്തിലിനെതിരെ ലൈംഗിക പീഡന പരാതി നൽകിയ അതിജീവിതയെ അധിക്ഷേപിച്ച് പാലക്കാട് DCC പ്രസിഡന്റ് എ തങ്കപ്പൻ. രാഹുലിനെതിരെ പരാതി വന്നിട്ട് മാസങ്ങളായി.പൊലീസ് പരാതി അന്വേഷിച്ചു നടക്കുന്ന സമയത്ത് എന്തുകൊണ്ട് മൊഴികൊടുത്തില്ല. തിരഞ്ഞെടുപ്പിന്റെ സമയത്ത് പരാതി വന്നത് സംശയിക്കുന്നു. ഇത് വരേ പരാതിക്കാരി എവിടെ ആയിരുന്നു ഒളിവിലായിരുന്നോവെന്നും എ തങ്കപ്പൻ പറഞ്ഞു.
രാഹുലിനെ പിന്തുണക്കേണ്ടതില്ല. പുറത്ത് വന്ന ശബ്ദസന്ദേശങ്ങൾ ഗൗരവം അർഹിക്കുന്നതാണ്. നിയമപരമായ നടപടികളുമായി രാഹുൽ സഹകരിക്കണം. എംഎൽഎയ്ക്കൊപ്പം ഒരു വേദിയും പങ്കിട്ടിട്ടില്ലെന്നും തുടക്കം മുതൽ സ്വീകരിച്ചത് ഒരേ നിലപാട് ആണെന്നും തങ്കപ്പൻ പറഞ്ഞു.
