ടെഹ്റാൻ: ഇറാൻ- യുഎസ്- ഇസ്രയേൽ സംഘർഷം കൂടുതൽ രൂക്ഷമാകുന്നതിനിടെ അമേരിക്കയും ഇസ്രയേലും മേഖലയിൽ നിന്നുള്ള തങ്ങളുടെ സാന്നിധ്യം അവസാനിപ്പിക്കേണ്ടിവരുമെന്ന മുന്നറിയിപ്പുമായി ഇറാൻ്റെ ഇസ്ലാമിക് റെവല്യൂഷണറി ഗാർഡ് കോർപ്സ് (ഐആർജിസി). ഇരു രാജ്യങ്ങളുടെയും സാന്നിധ്യമില്ലാത്ത മേഖലയെ അംഗീകരിക്കാൻ യുഎസും ഇസ്രായേലും തയ്യാറാകണമെന്നും പശ്ചിമേഷ്യയിൽ സംഘർഷം കടുപ്പിച്ചാൽ യുദ്ധത്തിൻറെ രൂപം തന്നെ മാറ്റിയെഴുതുമെന്നും തിങ്കളാഴ്ച ഐആർജിസി മുന്നറിയിപ്പ് നൽകി.
യുദ്ധം ഇതുവരെ അവസാനിച്ചിട്ടില്ല എന്ന് വ്യക്തമാക്കിയ ഐആർജിസി വക്താവ് ഹുസൈൻ മൊഹെബ്ബി, യുഎസുമായുള്ള തർക്കം രൂക്ഷമായാൽ ഇറാൻ തങ്ങളുടെ ആയുധങ്ങളും സൈനിക തന്ത്രങ്ങളും ആക്രമണ ലക്ഷ്യങ്ങളും മാറ്റുമെന്ന് വ്യക്തമാക്കി. “ഞങ്ങൾ തീർച്ചയായും യുദ്ധത്തിൻറെ രീതി മാറ്റും. മാരകശേഷിയുള്ള പുതിയ ആയുധങ്ങൾ യുദ്ധക്കളത്തിലിറക്കും. ഞങ്ങളുടെ ലക്ഷ്യസ്ഥാനങ്ങൾ ഇനിമുതൽ മുൻപത്തേതുപോലെ തന്നെ ആകണമെന്നില്ല.” മൊഹെബ്ബി വിശദീകരിച്ചു.
അതേസമയം ഇറാൻ ഒരിക്കലും ആണവായുധം സ്വന്തമാക്കുന്നില്ലെന്ന് ഉറപ്പാക്കാൻ ട്രംപ് ദൃഢനിശ്ചയം ചെയ്തിട്ടുണ്ടെന്ന് ഐക്യരാഷ്ട്രസഭയിലെ യുഎസ് പ്രതിനിധി മൈക്ക് വാൾട്ട്സ് പറഞ്ഞു. അതേസമയം ഇറാൻ വിഷയത്തിൽ തീരുമാനം കൈക്കൊള്ളാൻ ഗൾഫ് വിദേശകാര്യ മന്ത്രിമാരുമായി യുഎസ് പ്രസിഡൻറ് ഡോണൾഡ് ട്രംപിൻറെ സുപ്രധാന കൂടിക്കാഴ്ച ഇന്ന് ന്യൂയോർക്കിൽ നടക്കും. ഹ്രസ്വ കാലത്തേക്കാണെങ്കിലും ഇറാനും അമേരിക്കക്കും ഇടയിൽ ഒരു കരാർ അനിവാര്യമാണെന്നും അതിനായുള്ള മധ്യസ്ഥ നീക്കം തുടരുമെന്നും ഖത്തർ വിദേശകാര്യ മന്ത്രാലയം അറിയിച്ചു.
Related Post
അതുപോലെ സംഘർഷത്തിന്റെ പശ്ചാത്തലത്തിൽ യെമനിലെ ഹൂതികളുമായി അമേരിക്ക ആശയവിനിമയം നടത്തുന്നുണ്ടെന്ന് യുഎസ് പ്രസിഡന്റ് ഡൊണാൾഡ് ട്രംപ് നേരത്തെ വ്യക്തമാക്കിയിരുന്നു. അമേരിക്കയുമായി നേരിട്ടുള്ള ഏറ്റുമുട്ടൽ ആഗ്രഹിക്കുന്നില്ലെന്ന് ഹൂതികൾ അറിയിച്ചതായാണ് ട്രംപ് വെളിപ്പെടുത്തിയത്. ഇതുവരെ സംഘർഷത്തിൽ അമേരിക്ക നേരിട്ട് ഇടപെടാതിരുന്നതിന് ഈ ആശയവിനിമയവും ഒരു കാരണമായതായി റിപ്പോർട്ടുകൾ പറയുന്നു.
എന്നാൽ ഹൂതി കേന്ദ്രങ്ങൾക്കെതിരെ അമേരിക്ക സൈനിക നടപടി സ്വീകരിക്കണമെന്ന് സൗദി അറേബ്യ ആവശ്യപ്പെട്ടതായി റിപ്പോർട്ടുകളുണ്ട്. സൗദി കിരീടാവകാശി മുഹമ്മദ് ബിൻ സൽമാൻ ട്രംപുമായി സംസാരിച്ച് ഹൂതി കേന്ദ്രങ്ങളിൽ അമേരിക്കൻ ആക്രമണം ഉൾപ്പെടെയുള്ള സൈനിക സഹായം ആവശ്യപ്പെട്ടതായാണ് റിപ്പോർട്ടുകൾ. ഈ ആവശ്യം ട്രംപ് സൈനിക കമാൻഡർമാരുമായി ചർച്ച ചെയ്തതായും സാധ്യതയുള്ള ലക്ഷ്യങ്ങൾ അംഗീകരിച്ച് ആക്രമണത്തിനുള്ള തയ്യാറെടുപ്പുകൾ ആരംഭിച്ചതായും റിപ്പോർട്ടുകളുണ്ട്.
ഞായറാഴ്ച ആക്രമണത്തിനായി വിമാനങ്ങൾ തയ്യാറാക്കുന്നതുൾപ്പെടെയുള്ള നടപടികൾ നടന്നിരുന്നുവെങ്കിലും അവസാന നിമിഷം ട്രംപ് സൈനിക നടപടി ഒഴിവാക്കാൻ തീരുമാനിച്ചതായാണ് പുറത്തുവരുന്ന വിവരം. അതേസമയം അമേരിക്കയും ഇസ്രയേലും മേഖലയിൽ നിന്ന് പിന്മാറണമെന്ന ഐആർജിസിയുടെ പ്രസ്താവന സംഘർഷത്തിന്റെ പശ്ചാത്തലത്തിൽ ഇറാൻ സ്വീകരിക്കുന്ന നിലപാടിന്റെ സൂചന കൂടിയാണ്.
യുഎസുമായുള്ള തർക്കം രൂക്ഷമായാൽ ഞങ്ങളുടെ ആയുധങ്ങളും സൈനിക തന്ത്രങ്ങളും ആക്രമണ ലക്ഷ്യങ്ങളും അങ്ങു മാറ്റും, പുതിയ ആയുധങ്ങൾ യുദ്ധക്കളത്തിലിറക്കും- യുഎസിനു മുന്നിൽ മുന്നറിയിപ്പുമായി ഇറാൻ
ടെഹ്റാൻ: ഇറാൻ- യുഎസ്- ഇസ്രയേൽ സംഘർഷം കൂടുതൽ രൂക്ഷമാകുന്നതിനിടെ അമേരിക്കയും ഇസ്രയേലും മേഖലയിൽ നിന്നുള്ള തങ്ങളുടെ സാന്നിധ്യം അവസാനിപ്പിക്കേണ്ടിവരുമെന്ന മുന്നറിയിപ്പുമായി ഇറാൻ്റെ ഇസ്ലാമിക് റെവല്യൂഷണറി ഗാർഡ് കോർപ്സ് (ഐആർജിസി). ഇരു രാജ്യങ്ങളുടെയും സാന്നിധ്യമില്ലാത്ത മേഖലയെ അംഗീകരിക്കാൻ യുഎസും ഇസ്രായേലും തയ്യാറാകണമെന്നും പശ്ചിമേഷ്യയിൽ സംഘർഷം കടുപ്പിച്ചാൽ യുദ്ധത്തിൻറെ രൂപം തന്നെ മാറ്റിയെഴുതുമെന്നും തിങ്കളാഴ്ച ഐആർജിസി മുന്നറിയിപ്പ് നൽകി.
യുദ്ധം ഇതുവരെ അവസാനിച്ചിട്ടില്ല എന്ന് വ്യക്തമാക്കിയ ഐആർജിസി വക്താവ് ഹുസൈൻ മൊഹെബ്ബി, യുഎസുമായുള്ള തർക്കം രൂക്ഷമായാൽ ഇറാൻ തങ്ങളുടെ ആയുധങ്ങളും സൈനിക തന്ത്രങ്ങളും ആക്രമണ ലക്ഷ്യങ്ങളും മാറ്റുമെന്ന് വ്യക്തമാക്കി. “ഞങ്ങൾ തീർച്ചയായും യുദ്ധത്തിൻറെ രീതി മാറ്റും. മാരകശേഷിയുള്ള പുതിയ ആയുധങ്ങൾ യുദ്ധക്കളത്തിലിറക്കും. ഞങ്ങളുടെ ലക്ഷ്യസ്ഥാനങ്ങൾ ഇനിമുതൽ മുൻപത്തേതുപോലെ തന്നെ ആകണമെന്നില്ല.” മൊഹെബ്ബി വിശദീകരിച്ചു.
അതേസമയം ഇറാൻ ഒരിക്കലും ആണവായുധം സ്വന്തമാക്കുന്നില്ലെന്ന് ഉറപ്പാക്കാൻ ട്രംപ് ദൃഢനിശ്ചയം ചെയ്തിട്ടുണ്ടെന്ന് ഐക്യരാഷ്ട്രസഭയിലെ യുഎസ് പ്രതിനിധി മൈക്ക് വാൾട്ട്സ് പറഞ്ഞു. അതേസമയം ഇറാൻ വിഷയത്തിൽ തീരുമാനം കൈക്കൊള്ളാൻ ഗൾഫ് വിദേശകാര്യ മന്ത്രിമാരുമായി യുഎസ് പ്രസിഡൻറ് ഡോണൾഡ് ട്രംപിൻറെ സുപ്രധാന കൂടിക്കാഴ്ച ഇന്ന് ന്യൂയോർക്കിൽ നടക്കും. ഹ്രസ്വ കാലത്തേക്കാണെങ്കിലും ഇറാനും അമേരിക്കക്കും ഇടയിൽ ഒരു കരാർ അനിവാര്യമാണെന്നും അതിനായുള്ള മധ്യസ്ഥ നീക്കം തുടരുമെന്നും ഖത്തർ വിദേശകാര്യ മന്ത്രാലയം അറിയിച്ചു.
അതുപോലെ സംഘർഷത്തിന്റെ പശ്ചാത്തലത്തിൽ യെമനിലെ ഹൂതികളുമായി അമേരിക്ക ആശയവിനിമയം നടത്തുന്നുണ്ടെന്ന് യുഎസ് പ്രസിഡന്റ് ഡൊണാൾഡ് ട്രംപ് നേരത്തെ വ്യക്തമാക്കിയിരുന്നു. അമേരിക്കയുമായി നേരിട്ടുള്ള ഏറ്റുമുട്ടൽ ആഗ്രഹിക്കുന്നില്ലെന്ന് ഹൂതികൾ അറിയിച്ചതായാണ് ട്രംപ് വെളിപ്പെടുത്തിയത്. ഇതുവരെ സംഘർഷത്തിൽ അമേരിക്ക നേരിട്ട് ഇടപെടാതിരുന്നതിന് ഈ ആശയവിനിമയവും ഒരു കാരണമായതായി റിപ്പോർട്ടുകൾ പറയുന്നു.
എന്നാൽ ഹൂതി കേന്ദ്രങ്ങൾക്കെതിരെ അമേരിക്ക സൈനിക നടപടി സ്വീകരിക്കണമെന്ന് സൗദി അറേബ്യ ആവശ്യപ്പെട്ടതായി റിപ്പോർട്ടുകളുണ്ട്. സൗദി കിരീടാവകാശി മുഹമ്മദ് ബിൻ സൽമാൻ ട്രംപുമായി സംസാരിച്ച് ഹൂതി കേന്ദ്രങ്ങളിൽ അമേരിക്കൻ ആക്രമണം ഉൾപ്പെടെയുള്ള സൈനിക സഹായം ആവശ്യപ്പെട്ടതായാണ് റിപ്പോർട്ടുകൾ. ഈ ആവശ്യം ട്രംപ് സൈനിക കമാൻഡർമാരുമായി ചർച്ച ചെയ്തതായും സാധ്യതയുള്ള ലക്ഷ്യങ്ങൾ അംഗീകരിച്ച് ആക്രമണത്തിനുള്ള തയ്യാറെടുപ്പുകൾ ആരംഭിച്ചതായും റിപ്പോർട്ടുകളുണ്ട്.
ഞായറാഴ്ച ആക്രമണത്തിനായി വിമാനങ്ങൾ തയ്യാറാക്കുന്നതുൾപ്പെടെയുള്ള നടപടികൾ നടന്നിരുന്നുവെങ്കിലും അവസാന നിമിഷം ട്രംപ് സൈനിക നടപടി ഒഴിവാക്കാൻ തീരുമാനിച്ചതായാണ് പുറത്തുവരുന്ന വിവരം. അതേസമയം അമേരിക്കയും ഇസ്രയേലും മേഖലയിൽ നിന്ന് പിന്മാറണമെന്ന ഐആർജിസിയുടെ പ്രസ്താവന സംഘർഷത്തിന്റെ പശ്ചാത്തലത്തിൽ ഇറാൻ സ്വീകരിക്കുന്ന നിലപാടിന്റെ സൂചന കൂടിയാണ്.