Uncategorized

‘രതീഷ് ആർ. നായർ പക്കാ ബിജെപിക്കാരൻ, രാഷ്ട്രീയക്കാരനെയൊന്നും ഇത്തരം പോസ്റ്റിലേക്ക് വെക്കില്ല, പിരിച്ചുവിടും… എൻഎച്ച്എമ്മിലെ ഡോക്ടർമാരെ നിയമിക്കുന്നത് ആരോഗ്യമന്ത്രിയാണോ? അതൊക്കെ ഇന്റർവ്യൂ നടത്തിയിട്ടാണ് എടുക്കുന്നത്, അതിലൊന്നും മന്ത്രി ഇടപെടാറില്ല’- കെ മുരളീധരൻ

· · 1 min read
Share: Copied!

തിരുവനന്തപുരം: ആരോഗ്യവകുപ്പിനു കീഴിലെ കോന്നി നഴ്സിങ് കോളേജിൽ സീനിയർ സൂപ്രണ്ടായി നിയമിച്ച ബിജെപി നേതാവ് രതീഷ് ആർ. നായരെ പിരിച്ചുവിടാൻ ആരോഗ്യമന്ത്രി കെ. മുരളീധരന്റെ നിർദേശം. രതീഷ് പക്കാ ബിജെപിക്കാരനാണെന്നും ഇത്തരം പക്കാ രാഷ്ട്രീയക്കാരെ ഇങ്ങനെയുള്ള പോസ്റ്റുകളിൽ നിയമിക്കരുതെന്നും മന്ത്രി പറഞ്ഞു. നിയമനം തന്റെ ഓഫിസ് അറിഞ്ഞിരുന്നില്ല. നിയമപരമായ വശങ്ങൾ പരിശോധിച്ചു നടപടിയെടുക്കാൻ വകുപ്പ് മേധാവിക്കു നിർദേശം നൽകിയെന്നും മന്ത്രി വ്യക്തമാക്കി. കോടതിയിൽ പോയി തീരുമാനം ചോദ്യം ചെയ്യാതിരിക്കാണാണ് നിയമവശങ്ങൾ നോക്കുന്നതെന്നും മന്ത്രി പറഞ്ഞു.

അതേസമയം ഡിഎംഇ ഓഫിസിൽനിന്നു പ്ലാനിങ് ഓഫിസറായി വിരമിച്ച രതീഷിന്റെ തുടർനിയമനം വിവാദമായ സാഹചര്യത്തിലാണ് മന്ത്രിയുടെ നീക്കം. സർവീസിലിരിക്കെ ബിജെപി അനുകൂല സംഘടനയായ എൻജിഒ സംഘിന്റെ സംസ്ഥാന കമ്മിറ്റി അംഗമായിരുന്നു രതീഷ്. ഇത്തരമൊരു തീരുമാനം ഉദ്യോഗസ്ഥ തലത്തിലാണ് എടുത്തതെന്നു മന്ത്രി പറഞ്ഞു. വകുപ്പിലെ നിയമനങ്ങളിൽ മന്ത്രിയുടെ ഓഫിസ് ഇടപെടാറില്ല. നേരിട്ട് എടുത്തതല്ല, ഇന്റർവ്യു വഴി വന്നത്,

അദ്ദേഹത്തിന്റെ മുൻകാലം നോക്കുമ്പോൾ അങ്ങനെയൊരു സ്ഥലത്തിരിക്കാൻ യോഗ്യനല്ലെന്നു മനസിലായി, നിയമവശങ്ങൾ പരിശോധിച്ച് വേണ്ട തീരുമാനങ്ങളെടുക്കും. പൊളിറ്റിക്‌സ് നോക്കിയല്ല ഡോക്ടർമാരെ വെക്കുന്നത്. അവര് നല്ല മിടുക്കന്മായിരിക്കണം, വകുപ്പിനെ സേവിക്കുന്നവരായിരിക്കണം. പിന്നെ ആരോഗ്യവകുപ്പിന്റെ ശമ്പളം വാങ്ങി ജീവിക്കാൻ താത്പര്യമുള്ളവരുമായിരിക്കണം. നിയമനത്തിനു ശേഷം പാർട്ടിയിലെ ചിലരാണ് ഇക്കാര്യം ശ്രദ്ധയിൽപ്പെടുത്തിയത്. എൻഎച്ച്എമ്മിലെ ഡോക്ടർമാരെ നിയമിക്കുന്നത് ആരോഗ്യമന്ത്രിയാണോ? അതൊക്കെ ഇന്റർവ്യൂ നടത്തിയിട്ടാണ് എടുക്കുന്നത്, അതിലൊന്നും മന്ത്രി ഇടപെടാറില്ലെന്നും മന്ത്രി പറഞ്ഞു.

“രതീഷ് പക്കാ ബിജെപിക്കാരാനാണെന്ന കാര്യത്തിൽ ആർക്കും തർക്കമില്ല. അദ്ദേഹം സർവീസിന് ഹിതകരമല്ലാത്ത ഒരാളാണെന്നാണ് വകുപ്പിന്റെ അഭിപ്രായം. പിരിച്ചുവിട്ടാൽ കോടതിയിൽ പോകാൻ സാധ്യതയുള്ളതിനാൽ എങ്ങനെ കൈകാര്യം ചെയ്യണമെന്ന് നിയമവശം പരിശോധിക്കും. ഒരു കാരണവശാലും പക്കാരാഷ്ട്രീയക്കാരെ ഇത്തരമൊരു പോസ്റ്റിലേക്ക് വയ്ക്കില്ല. കോന്നിയിലേക്ക് പോകാൻ ആരും തയാറല്ല. അതുകൊണ്ട് അദ്ദേഹം താൽപര്യം പ്രകടിപ്പിച്ചപ്പോൾ നിയമിച്ചതാകാം”. – മുരളീധരൻ പറഞ്ഞു.

ലോകത്തെ ഏറ്റവും ‘ശമ്പളക്കാരനായ’ പ്രധാനമന്ത്രി ലോറൻസ് വോങ്, 22.9 കോടി! വീണ്ടും കുത്തനെ കൂട്ടി; വർധനയുടെ മുഴുവൻ തുകയും അടുത്ത അഞ്ച് വർഷത്തേക്ക് ജീവകാരുണ്യ പ്രവർത്തനങ്ങൾക്കായി സംഭാവന ചെയ്യുമെന്ന് പ്രഖ്യാപനം

Uncategorized
ട്രെയിലറുകളിലും പ്രത്യേക സ്റ്റാൻഡുകളിലുമായി നിരത്തിവച്ചിരിക്കുന്ന വൻ മിസൈലുകൾ, സൈനിക ട്രക്കുകൾ, ആയുധങ്ങൾ കൊണ്ടുപോകുന്നതിനുള്ള വാഹനങ്ങൾ... പുതിയ ഭൂഗർഭ മിസൈൽ കേന്ദ്രം പുറത്തുവിട്ട് ഇറാൻ, "ശത്രു ഞങ്ങൾക്കെതിരെ വീണ്ടും നീക്കം നടത്തിയാൽ ഞങ്ങളുടെ പ്രതികരണം മേഖലയ്ക്ക് പുറത്തേക്കും വ്യാപിക്കും- മുന്നറിയിപ...
12 Nov 2026
Uncategorized
ആരോപണങ്ങൾ പിൻവലിച്ച് മാപ്പ് പറയണം, മരുമകന്‍ ശ്യാംജിത്തിനും റിപ്പോർട്ടർ ചാനലിനും വക്കീൽ നോട്ടീസയച്ച് ഇ പി ജയരാജന്‍, 50 ലക്ഷം രൂപ നഷ്ടപരിഹാരം വേണം
30 Oct 2026
Uncategorized
കേന്ദ്ര സർക്കാരിനോട് ചോദിച്ചതിന് ശേഷം മാത്രം തീരുമാനമെടുക്കും, സര്‍ക്കാരിനോട് അമിത വിധേയത്വം, മുൻ ചീഫ് ജസ്റ്റിസ് ഡി വൈ ചന്ദ്രചൂഡിനെതിരെ വെളിപ്പെടുത്തലുമായി മുൻ ജഡ്ജി
25 Oct 2026
Uncategorized
"മുതലകൾ തിന്നുകൊള്ളും, തെളിവൊന്നും ബാക്കിയുണ്ടാകില്ല", കുഞ്ഞ് പിറന്നതിനു പിന്നാലെ വിവാഹം കഴിക്കണമെന്ന് ലിവിങ് പങ്കാളി, ഭാര്യയെ ഉപേക്ഷിക്കാനാകില്ല, യുവതിയെ കഴുത്ത് ഞെരിച്ച് കൊന്ന് പുഴയില്‍ തള്ളി, പിന്നാലെ കാണിനില്ലെന്ന് പരാതി, പ്രതിയെ കുടുക്കിയത് സുഹൃത്തിന്റെ മൊഴി
18 Oct 2026