കൊച്ചി: കഴിഞ്ഞ ദിവസങ്ങളെ അപേക്ഷിച്ചു നോക്കുമ്പോൾ സ്വർണ വിലയിൽ ഇന്ന് വലിയ വർദ്ധനവ് രേഖപ്പെടുത്തിയിട്ടില്ല. ഗ്രാമിന് 10 രൂപയും പവന് 80 രൂപയും വർദ്ധിച്ച് 63,920 രൂപയിലാണ് വ്യാപാരം നടക്കുന്നത്. ഇതോടെ 64,000 എന്ന മാർജിനിൽ എത്താൻ വെറും 80 രൂപയുടെ മാത്രം കുറവാണുള്ളത്. ഒരു ഗ്രാമിന് 7990 രൂപയിലാണ് വ്യാപാരം നടക്കുന്നത്.
ബുധനാഴ്ച പവന് 560 രൂപ കുറഞ്ഞതോടെ ഒരു പവൻ സ്വർണത്തിന്റെ വില 64000ൽ താഴെയെത്തിയിരുന്നു. കഴിഞ്ഞ കുറച്ചുദിവസങ്ങളായി സ്വർണ വില റോക്കറ്റ് വേഗത്തിൽ കുതിച്ചു തുടങ്ങിയപ്പോൾ വില 65000 കടക്കുമെന്ന പ്രവചനങ്ങൾക്കിടെയാണ് രണ്ടു ദിവസങ്ങളിലായി ഇടിവ് രേഖപ്പെടുത്തിയത്.
ചൊവ്വാഴ്ച തുടക്കത്തിൽ സ്വർണവില ഒറ്റയടിക്ക് 640 രൂപ വർധിച്ച് എക്കാലത്തേയും സർവകാല റെക്കോർഡ് വിലയായ 64,480 രൂപയെന്ന മാർജനിൽ എത്തിയിരുന്നെങ്കിലുംഉച്ചയോടെ 400 രൂപ താഴ്ന്നിരുന്നു. ഇതിന്റെ തുടർച്ചയായി ബുധനാഴ്ചയും സ്വർണവിലയിൽ ഇടിവ് രേഖപ്പെടുത്തിയിരുന്നുവെങ്കിലും വീണ്ടും വർദ്ധിക്കുകയായിരുന്നു.
അതേ സമയം 18 ക്യാരറ്റ് സ്വർണവിലയിലും ഇന്നു നേരിയ വർദ്ധനവുണ്ടായി. ഇന്നലെ ഗ്രാമിന് 6580 രൂപയായിരുന്നെങ്കിൽ ഇന്ന് 5 രൂപ വർദ്ധിച്ച് 6585 രൂപയായി. അതേസമയം വെള്ളി വിലയിൽ ഒരു രൂപയുടെ മാറ്റം മാത്രമാണുണ്ടായത് 107 രൂപ.
