തിരുവനന്തപുരം: ഓണാഘോഷത്തിന്റെ ഭാഗമായി പോലീസ് സ്റ്റേഷനിൽ കെട്ടിയ ഊഞ്ഞാലാടി ഇ ഡി ഉദ്യോഗസ്ഥരെ ആക്രമിച്ച കേസിലെ പ്രതികൾ. സ്റ്റേഷനിൽ ഒപ്പിടാൻ എത്തിയ പ്രതികൾ പോലീസുകാർ ധരിച്ച അതേ നിറമുള്ള ഷർട്ട് ധരിച്ച് റീൽസ് ചിത്രീകരിക്കുകയായിരുന്നു. സംഭവം വിവാദമായതോടെ അന്വേഷണം പ്രഖ്യാപിച്ചു.
തിരുവനന്തപുരം മ്യൂസിയം പോലീസ് സ്റ്റേഷനിലാണ് സംഭവം. പ്രതികൾ സ്റ്റേഷനിൽ ഊഞ്ഞാലാടുന്നതിന്റെ ദൃശ്യങ്ങൾ പുറത്ത് വന്നിട്ടുണ്ട്. അതേസമയം ഐപി ബിനു അടക്കമുള്ള പ്രതികളാണ് ഊഞ്ഞാലാടിയത്. പോലീസുകാർ ആഘോഷ സമയത്ത് ധരിച്ച അതേ നിറമുള്ള ഷർട്ട് ധരിച്ചാണ് ഇവർ എത്തിയത്. ഊഞ്ഞാലിൽ ആടുന്നതിന്റെ ദൃശ്യങ്ങൾ പകർത്തുകയും റീൽസ് ചിത്രീകരിക്കുകയും ചെയ്തിട്ടുണ്ട്.
ഇന്ന് ഇഡി ആക്രമണ കേസുമായി ബന്ധപ്പെട്ട് സ്റ്റേഷനിൽ ഒപ്പ് ഇടേണ്ട ദിവസമായിരുന്നു. ഊഞ്ഞാലിൽ ഇവർ ആടിയതും ദൃശ്യങ്ങൾ ചിത്രീകരിച്ചതും ശ്രദ്ധയിൽപ്പെട്ടിരുന്നില്ലെന്ന് പോലീസ് പറഞ്ഞു. സംഭവം വിവാദമായതോടെയാണ് വിഷയത്തിൽ പോലീസ് ഇടപെടുന്നത്. യാദൃശ്ചികമായാണ് ഒരേ നിറത്തിലുള്ള വസ്ത്രം ധരിച്ചതെന്നാണ് ഐ പി ബിനുവിൻ്റെ വിശദീകരണം. സംഭവത്തിൽ സ്‌പെഷ്യൽ ബ്രാഞ്ച് അന്വേഷണം ആരംഭിച്ചിട്ടുണ്ട്.
Related Post
