തൃശൂർ: തൃശൂർ കോർപ്പറേഷൻ ഓഫീസിൽ മദ്യലഹരിയിൽ ബഹളം വെച്ച കോർപ്പറേഷൻ ജീവനക്കാരൻ അറസ്റ്റിൽ. വനിതാ കൗൺസിലറെ കയ്യേറ്റം ചെയ്യാനും വധഭീഷണി മുഴക്കാനും ശ്രമിച്ചെന്നാണ് പരാതി.
സംഭവത്തിൽ ഓഫീസ് അസിസ്റ്റന്റ് മണിയെ തൃശൂർ ഇസ്റ്റ് പൊലീസ് അറസ്റ്റ് ചെയ്തു. കൃഷ്ണപുരം കൗൺസിലർ സൗമ്യയെയാണ് ഇയാൾ കയ്യേറ്റം ചെയ്തത്. കോർട്ടേഴ്സ് അനുവദിക്കണമെന്നും, ഇല്ലെങ്കിൽ കൊല്ലുമെന്നുമാണ് പ്രതി ഭീഷണിപ്പെടുത്തിയത്.
എന്നോട് കളിക്കരുത്, റൂം തന്നില്ലെങ്കിൽ കൊല്ലും എന്നും പ്രതി ഭീഷണിപ്പെടുത്തിയെന്നും കൗൺസിലർ പറയുന്നു. പ്രതിക്കെതിരെ കർശന നടപടി വേണമെന്ന് ആവശ്യപ്പെട്ട് കൗൺസിലർ പരാതി നൽകിയിട്ടുണ്ട്.
