സ്കൂട്ടർ കാറിനെ ഓവർടേക്ക് ചെയ്യുന്നതിനെ തെറിച്ചുവീണത് എതിരെവന്ന ലോറിക്കടിയിലേക്ക്, വാഹനം തലയിലൂടെ കയറിയിറങ്ങി കോളേജ് വിദ്യാർഥിക്ക് ദാരുണാന്ത്യം, ഒരാൾ നിസാര പരുക്കുകളോ‌ടെ രക്ഷപ്പെ‌ട്ടു

കൊ​ച്ചി: കൊ​ച്ചി- ​ധ​നു​ഷ്‌​കോ​ടി ദേ​ശീ​യ​പാ​ത​യി​ലെ ക​ട​മ​റ്റം പെ​രു​വം​മു​ഴി​യി​ൽ ന​ട​ന്ന വാ​ഹ​നാ​പ​ക​ട​ത്തി​ൽ കോ​ളേ​ജ് വി​ദ്യാ​ർ​ഥി​ക്കു ദാ​രു​ണാ​ന്ത്യം. തൊ​ടു​പു​ഴ മടക്കത്താനം ശിവനിവാസ് വീട്ടിൽ സുനീപ് ശിവൻറെ മകൻ എസ്. രാ​ഹു​ൽ (20) ആ​ണ് വാഹനം കയറിയിറങ്ങി മ​രി​ച്ച​ത്. ഇന്നു രാ​വി​ലെ ഏ​ഴ​ര​യോ​ടെ​യാ​ണ് സംഭവം. സ്‌​കൂ​ട്ട​റി​ലു​ണ്ടാ​യി​രു​ന്ന സു​ഹൃ​ത്ത് ജൂ​ലി​യ​ൻ ജോ​സ​ഫ് (21) നി​സാ​ര പ​രു​ക്കു​ക​ളോ​ടെ ര​ക്ഷ​പ്പെ​ട്ടു.

വ​രി​ക്കോ​ലി മു​ത്തൂ​റ്റ് എ​ൻ​ജിനി​യ​റിം​ഗ് കോ​ളേജി​ലെ വി​ദ്യാ​ർ​ഥി​യാ​ണ് രാ​ഹു​ൽ. ഇവർ സ​ഞ്ച​രി​ച്ചി​രു​ന്ന സ്‌​കൂ​ട്ട​ർ മു​ന്നി​ലു​ണ്ടാ​യി​രു​ന്ന കാ​റി​നെ ഓ​വ​ർ​ടേ​ക്ക് ചെ​യ്തു ക​യ​റാ​ൻ ശ്ര​മി​ക്കു​ന്ന​തി​നി​ടെ കാ​റി​ൽ ത​ട്ടു​ക​യും നി​യ​ന്ത്ര​ണം വി​ട്ട സ്‌​കൂ​ട്ട​റി​ൽനി​ന്നു റോ​ഡി​ലേ​ക്കു തെ​റി​ച്ചു​വീ​ണ രാ​ഹു​ലി​ൻറെ ത​ല​യി​ലൂ​ടെ എ​തി​രെ വ​ന്ന ലോ​റി​യു​ടെ ച​ക്ര​ങ്ങ​ൾ ക​യ​റി​യി​റ​ങ്ങു​ക​യാ​യി​രു​ന്നു. ഉ​ട​ൻത​ന്നെ ഇ​രു​വ​രെ​യും കോ​ല​ഞ്ചേ​രി മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും രാ​ഹു​ലി​ൻറെ ജീ​വ​ൻ ര​ക്ഷി​ക്കാ​നാ​യി​ല്ല. പ​രുക്കേ​റ്റ ജൂ​ലി​യ​ൻ ജോ​സ​ഫ് ചി​കി​ത്സ​യി​ലാ​ണ്. പോ​ലീ​സ് സ്ഥ​ല​ത്തെ​ത്തി തു​ട​ർ​ന​ട​പ​ടി​ സ്വീ​ക​രി​ച്ചു. രാഹുലിൻറെ അമ്മ സിനി.

പൂങ്കുന്നത്ത് ദാരുണ അപകടം; വഴിയാത്രക്കാരന്റെ ബാഗിൽ തട്ടി നിയന്ത്രണംവിട്ട സ്കൂട്ടർ മറിഞ്ഞു, പിന്നാലെ വന്ന ആംബുലൻസിനടിയിലേയ്ക്ക് വീണ യുവതി മരിച്ചു