അച്ഛന്റെ സിനിമയിലെ പാട്ടിനൊപ്പം ചുവടുവെച്ച് ദീപ്തകീര്‍ത്തി വിഡിയോ പങ്കുവച്ച് താരം

അച്ഛന്റെ സിനിമയിലെ പാട്ടിനൊപ്പം ചുവടുവെച്ചിരിക്കുകയാണ് ഗിന്നസ് പക്രുവിന്റെ മകള്‍ ദീപ്തകീര്‍ത്തി. ഗിന്നസ് പക്രു തന്നെയാണ് മകളുടെ ഡാന്‍സ് സോഷ്യല്‍ മീഡിയകളിലൂടെ പങ്കുവെച്ചത്. പൃഥ്വിരാജിനൊപ്പം ശക്തമായ കഥാപാത്രമായി ഗിന്നസ് പക്രു അഭിനയിച്ച അത്ഭുതദ്വീപ് എന്ന ചിത്രത്തിലെ ചക്കരമാവിന്റെ കൊമ്പത്തിരിക്കണ മാമ്പഴം പോലത്തെ കള്ളിപ്പെണ്ണേ..എന്ന ഗാനത്തിനൊപ്പമാണ് ദീപ്തയുടെ ഡാന്‍സ്.

‘അച്ഛന്റെ പാട്ടില്‍, മകളുടെ ചുവടുകള്‍’ എന്ന അടിക്കുറിപ്പിനൊപ്പം താരം തന്നെയാണ് വിഡിയോ പങ്കുവെച്ചത്. വീടിന്റെ മുന്നില്‍ നിന്ന് മനോഹരമായി നൃത്തം ചെയ്യുകയാണ് ദീപ്ത. നിരവധി പേരാണ് ദീപ്തയെ ഡാന്‍സിനെ പ്രശംസിച്ചുകൊണ്ട് രംഗത്തെത്തിയിരിക്കുന്നത്. അച്ഛന്റെ കലാപരമായ കഴിവുകള്‍ മകള്‍ക്കും കിട്ടിയിട്ടുണ്ടെന്നും, ഒരു നല്ല കലാകാരിയായി വളരട്ടെയെന്നുമാണ് ആരാധകരുടെ കമന്റുകള്‍.
https://fb.watch/4BaHBIUF9M/