നിരക്കിന്റെ പേരില്‍ ഇനി തര്‍ക്കം വേണ്ട; കൊച്ചിയില്‍ ഓണ്‍ലൈന്‍ ഓട്ടോ വരുന്നു

കൊച്ചിയിൽ ഓട്ടോറിക്ഷകളും ഓൺലൈൻ സർവീസ് തുടങ്ങുന്നു. ഓട്ടോറിക്ഷ റൈഡ് ആപ്പ് ‘ഒൗസ’ രണ്ടാഴ്ചക്കകം സജ്ജമാക്കാൻ ആർടിഒ കെ. മനോജ്കുമാറിന്റെ അധ്യക്ഷതയിൽ ചേർന്ന യോഗം തീരുമാനിച്ചു. ജില്ലാ ഓട്ടോറിക്ഷ തൊഴിലാളി സഹകരണ സംഘവും മോട്ടർ വാഹന വകുപ്പും ചേർന്നാണ് ഓൺലൈൻ ഓട്ടോ ഒരുക്കുന്നത്. പ്ലേ സ്റ്റോറിൽ നിന്നു ഡൗൺലോഡ് ചെയ്യാനാകും വിധമാണ് ആപ്പ് തയാറാക്കുന്നത്.

കൊച്ചി നഗരത്തിലെ 60 സ്റ്റാൻഡുകളിലെ ഓട്ടോ ഡ്രൈവർമാർക്കുള്ള പരിശീലനം പൂർത്തിയായി. 3,500 ഓട്ടോകളാണ് സഹകരണ സംഘത്തിന്റെ നിയന്ത്രണത്തിലുള്ളത്. കൃത്യമായ സ്ഥലവിവരം നൽകി ഓൺലൈനിൽ ഓട്ടോ വിളിക്കുമ്പോൾ യാത്രാനിരക്കും ദൃശ്യമാകുമെന്നതിനാൽ നിരക്കിനെ ചൊല്ലിയുള്ള തർക്കം ഉണ്ടാകില്ല. അടുത്ത ഘട്ടത്തിൽ ഈ സംവിധാനത്തെ മെട്രോ ട്രെയിൻ, ബസ് സർവീസുകളുമായി ബന്ധിപ്പിക്കും. ക്യു ആർ കോഡ് പേയ്മെന്റ് സംവിധാനവും ഒരുക്കും.

ഓട്ടോ യാത്രയിലേക്ക് കൂടുതൽ പേരെ ആകർഷിക്കുകയാണ് ലക്ഷ്യം. ഓട്ടോ തൊഴിലാളികളുടെ വരുമാനം വർധിക്കുമെന്നും യോഗം വിലയിരുത്തി. എൻഫോഴ്സ്മെന്റ് ആർടിഒ ജി.അനന്തകൃഷ്ണൻ, ഓട്ടോറിക്ഷ സഹകരണ സംഘം പ്രസിഡന്റ് സ്യമന്തഭദ്രൻ, ബിനു വർഗീസ്, വി.കെ.അനിൽകുമാർ, ബാബു സാനി, ടി.ബി. മിനി തുടങ്ങിയവർ പ്രസംഗിച്ചു.

follow us: PATHRAM ONLINE

Similar Articles

Comments

Advertisment

Most Popular

സച്ചിന്റെ അവയവങ്ങള്‍ ദാനം ചെയ്തു; ഇനി ആറുപേരിലൂടെ ജീവിക്കും

കോട്ടയം: ബൈക്കപകടത്തില്‍ മരിച്ച കോട്ടയം വളാക്കാട്ടൂര്‍ സ്വദേശി സച്ചിന്റെ അവയവങ്ങള്‍ ദാനം ചെയ്തു. അപകടത്തെ തുടര്‍ന്ന് മസ്തിഷ്‌ക മരണമടഞ്ഞ സച്ചിന്റെ ഹൃദയം, കരള്‍, 2 വൃക്കകള്‍, 2 കണ്ണുകള്‍ എന്നിവയാണ് ദാനം നല്‍കിയത്....

ചിപ്പ് ഘടിപ്പിച്ച ഇ-പാസ്‌പോര്‍ട്ടുകള്‍ അടുത്ത വര്‍ഷം മുതല്‍

ഇലക്ട്രോണിക് ചിപ്പ് ഘടിപ്പിച്ച ഇ-പാസ്‌പോര്‍ട്ടുകള്‍ അടുത്ത വര്‍ഷം മുതല്‍ ലഭ്യമാവും. അടുത്ത വര്‍ഷം മുതല്‍ പുതിയ പാസ്‌പോര്‍ട്ടിന് അപേക്ഷിക്കുന്നവര്‍ക്കും നിലവിലെ പാസ്‌പോര്‍ട്ട് പുതുക്കുന്നവര്‍ക്കും ഇലക്ട്രോണിക് മൈക്രോപ്രൊസസ്സര്‍ ചിപ്പ് ഘടിപ്പിച്ച ഇ-പാസ്‌പോര്‍ട്ടുകളാവും...

ഇന്ത്യ 500 റഫാലുകള്‍ വാങ്ങികൂട്ടിയാലും എസ് -400 കൊണ്ടുവന്നാലും ഞങ്ങള്‍ക്ക് ഭയമില്ല, ഏത് ആക്രമണത്തിനും തയാറാണെന്നും പാക്കിസ്ഥാന്‍

ഫ്രാന്‍സില്‍ നിന്ന് ഇന്ത്യ വാങ്ങിയ റഫാല്‍ പോര്‍വിമാനങ്ങളെ ഭയക്കുന്നില്ലെന്നും നിലവില്‍ ഭീഷണികളൊന്നും ഇല്ലെന്നും വേണ്ടിവന്നാല്‍ ഏത് ആക്രമണത്തിനും തയാറാണെന്നും പാക്കിസ്ഥാന്‍. ഏത് ആക്രമണത്തിനും പാക്കിസ്ഥാന്‍ സൈന്യം തയാറാണെന്നും ഇന്ത്യയുടെ ഏറ്റവും പുതിയ റഫാല്‍...