നോര്‍ത്ത് ഈസ്റ്റിനെതിരായ മത്സരത്തില്‍ ആദ്യ ഗോള്‍ നേടി കേരള ബ്ലാസ്റ്റേഴ്‌സ്. 28-ാം മിനിറ്റിലാണ് വെസ് ബ്രൗണിന്റെ ഹെഡ്ഡറിലൂടെ ആദ്യ ഗോള്‍ പിറന്നത്. ഇനിയുള്ള എല്ലാ മത്സരങ്ങളും ജയിച്ചാലും പ്ലേ ഓഫിലെത്താന്‍ മറ്റു ടീമുകളുടെ മത്സരഫലം കൂടി ബ്ലാസ്റ്റേഴ്‌സിന് കാത്തിരിക്കേണ്ടതുണ്ട്.
പോയിന്റ് പട്ടികയില്‍ അവസാന സ്ഥാനത്ത് നില്‍ക്കുന്ന നോര്‍ത്ത് ഈസ്റ്റിനെ തുടക്കം മുതല്‍ പ്രതിരോധിച്ചാണ് ബ്ലാസ്റ്റേഴ്‌സിന്റെ കളി. ജംഷഡ്പൂരും ഗോവയുമാണ് ബ്ലസ്റ്റേഴ്‌സിന്റെ പ്ലേ ഓഫ് സാധ്യതകള്‍ക്ക് ഭീഷണിയായി നില നില്‍ക്കുന്നത്. ഇനിയുള്ള മൂന്നു മത്സരം ബ്ലാസ്റ്റേഴ്‌സ് ജയിച്ചാലും രണ്ടു മത്സരങ്ങള്‍ മാത്രം ജയിച്ചാല്‍ ജംഷഡ്പൂര്‍ ബ്ലാസ്റ്റേഴ്‌സിനെ മറികടക്കും. അങ്ങനെ സംഭവിച്ചില്ലെങ്കിലും നാലു മത്സരങ്ങള്‍ ബാക്കിയുള്ള ഗോവ രണ്ടു മത്സരങ്ങളിലെങ്കിലും തോല്‍ക്കുകയും വേണമെന്ന കണക്കിന്റെ കളികളാണിനി.
Leave a Comment