ബി.ജെ.പി എം.പിയുടെ വീട്ടില്‍ വിരുന്നിന് എത്തിയ വെങ്കയ്യനായിഡുവിന്റെ ഷൂ ആരോ അടിച്ചുമാറ്റി, അരിച്ചു പെറുക്കി സുരക്ഷാഭടന്‍മാര്‍

ബംഗളുരു: ആരാധനാലയങ്ങള്‍ പോകുമ്പോള്‍ ഷൂ അടിച്ചുമാറ്റി പോകുന്ന സംഭവം പലര്‍ക്കും അനുഭവമുള്ളതായിരിക്കും. ഇന്ത്യയില്‍ ഇതൊരു സ്വാഭാവിക കാര്യമാണ്. എന്നാല്‍ ഇവിടെ ഉപരാഷ്ട്രപതി വെങ്കയ്യനായിഡുവിന്റെ ഷൂ ആരോ അടിച്ചുമാറ്റികൊണ്ടു പോയി. എന്നാല്‍ സംഭവം ഏതെങ്കിലും ആരാധനാലയത്തില്‍ നിന്നൊന്നുമല്ല. ബംഗളുരുവില്‍ ഒരു ബി.ജെ.പി എം.പിയുടെ വീട്ടില്‍ നിന്നാണ്.

ബംഗളുരുവില്‍ ഔദ്യോഗിക പരിപാടികള്‍ക്കെത്തിയ ഉപരാഷ്ട്രപതി അവിടുത്തെ എം.പിയായ പി.സി മോഹനന്റെ വീട്ടില്‍ നിന്നാണ് പ്രഭാതഭക്ഷണം കഴിച്ചത്. കേന്ദ്രമന്ത്രിമാരായ സദാനന്ദ ഗൗഡയും അനന്ത് കുമാറും ഉപരാഷ്ട്രപതിക്കൊപ്പം ഉണ്ടായിരുന്നു. ഭക്ഷണം കഴിഞ്ഞ് പുറത്തിറങ്ങിയപ്പോഴാണ് തന്റെ ഷൂ കാണാനാനില്ലെന്ന് വെങ്കയ്യ നായിഡുവിന് മനസിലായത്.

സുരക്ഷാഭടന്‍മാര്‍ വീടിന്റെ പരിസരം മുഴുവന്‍ അരിച്ചു പെറുക്കിയിട്ടും ഷൂ അവിടെയെങ്ങും കണ്ടെത്താന്‍ കഴിഞ്ഞില്ല. നായിഡുവിനെ കാണാന്‍ നിരവധി പേര്‍ പുറത്ത് കാത്തു നില്‍ക്കുന്നുണ്ടായിരുന്നു. ഇവരിലാരെങ്കിലും ഷൂ അടിച്ചുമാറ്റി കൊണ്ടു പോയതാകാനാണ് സാധ്യത.എന്തായാലും പോയത് പോയി. ഉടന്‍തന്നെ സുരക്ഷാ ജീവനക്കാര്‍ അടുത്തുള്ള ചെരിപ്പുകടയിലെത്തി പുതിയ ഷൂ വാങ്ങിച്ചു. അത് ധരിച്ചാണ് പിന്നീട് ഉപരാഷ്ട്രപതി മറ്റ് ഔദ്യോഗിക പരിപാടികളില്‍ പങ്കെടുത്തത്.

Similar Articles

Comments

Advertisment

Most Popular

കൊച്ചിയിലെ ലോഡ്ജ് മുറിയിൽ രണ്ട് പെൺകുട്ടികളെ അവശനിലയിൽ കണ്ടെത്തി

കൊച്ചി: എറണാകുളം സൗത്തിലെ ലോഡ്ജിൽ രണ്ട് പെൺകുട്ടികളെ അവശനിലയിൽ കണ്ടെത്തി. ബുധനാഴ്ച രാത്രി വൈകിയാണ് പെൺകുട്ടികളെ ലോഡ്ജ് മുറിയിൽ അവശനിലയിൽ കണ്ടത്. തുടർന്ന് ഇവരെ ആശുപത്രിയിൽ പ്രവേശിപ്പിച്ചു. അബോധാവസ്ഥയിലുള്ള ഒരാൾ തീവ്രപരിചരണ വിഭാഗത്തിലാണ്. കോഴിക്കോട്...

വീട്ടമ്മമാരും കന്യാസ്ത്രീകളും ഉള്ള ഭക്തസംഘത്തിന്റെ വാട്സ്ആപ് ​ഗ്രൂപ്പിലേക്ക് അശ്ലീല വീഡിയോ അയച്ച വൈദികനെതിരേ നടപടി

വീട്ടമ്മമാരും കന്യാസ്ത്രീകളും ഉള്ള വാട്സ്ആപ് ഗ്രൂപ്പിലേക്ക് വൈദികന്‍ അശ്ളീല വീഡിയോ അയച്ചതായി പരാതി. കണ്ണൂർ അടയ്ക്കാത്തോട് പള്ളി വികാരി ഫാദർ സബാസ്റ്റ്യൻ കീഴേത്തിനെതിരെയാണ് പരാതി ഉയര്‍ന്നിരിക്കുന്നത്. മാതൃവേദി സംഘടനയുടെ ഡയറക്ടർ...

വീണ്ടും ആന്ത്രാക്സ്; മൃഗങ്ങൾ കൂട്ടത്തോടെ ചത്തു; സംസ്ഥാനത്ത് പ്രതിരോധത്തിന് അടിയന്തര നടപടികൾ

തിരുവനന്തപുരം: മൃഗങ്ങളില്‍ ആന്ത്രാക്‌സ് രോഗബാധ സ്ഥിരീകരിച്ചതിനാല്‍ പ്രതിരോധത്തിന് ആരോഗ്യ വകുപ്പ് അടിയന്തര നടപടികള്‍ സ്വീകരിച്ചു വരുന്നതായി ആരോഗ്യ വകുപ്പ് മന്ത്രി വീണാ ജോര്‍ജ്. തൃശൂര്‍ ആതിരപ്പള്ളി വനമേഖലയിലെ കാട്ടു പന്നികളിലാണ് ആന്ത്രാക്‌സ് രോഗബാധ...