പാര്‍വതിക്കെതിരായ കലിപ്പ് തീരാതെ ഫാന്‍സുകാര്‍. പൃഥ്വിരാജും പാര്‍വതിയും പ്രധാന വേഷങ്ങളിലെത്തുന്ന മൈ സ്‌റ്റോറി എന്ന ചിത്രത്തിലെ ആദ്യ ഗാനത്തിനും യുട്യൂബില്‍ ഡിസ്ലൈക്ക് പ്രളയം. എന്നു നിന്റെ മൊയ്തീനു ശേഷം പൃഥ്വിരാജും പാര്‍വ്വതിയും ഒന്നിക്കുന്ന പ്രണയ ചിത്രത്തിലെ ഈ പാട്ടിന് 24000ത്തോളം ഡിസ്‌ലൈക്കുകളാണ് ഇതുവരെ ലഭിച്ചത്. ലൈക്ക് ലഭിച്ചത് അയ്യായിരം മാത്രം. പാട്ടിന്റെ മെയ്ക്കിങ് വിഡിയോയ്ക്ക് ലഭിച്ചത് നാലായിരം ലൈക്കും, 44,000 ഡിസ് ലൈക്കുകളും. ബെന്നി ദയാലും മഞ്ജരിയും ചേര്‍ന്നാണ് ഈ ഡ്യുയറ്റ് പാടിയത്. ബി.കെ.ഹരിനാരായണന്റേതാണു വരികള്‍. സംഗീതം ഷാന്‍ റഹ്മാനും.
പാട്ടിന്റെ ദൃശ്യങ്ങളും ഈണവും ഒരുപോലെ വേറിട്ടതാണ്. ബെന്നിയുടെയും മഞ്ജരിയുടെയും ശബ്ദത്തിന് ഇണങ്ങുന്ന ലുക്കിലാണ് പൃഥ്വിയും പാര്‍വ്വതിയും പിന്നെ അവരുടെ ഡാന്‍സും. റോഷ്‌നി ദിനകര്‍ ആണ് ചിത്രം സംവിധാനം ചെയ്തിരിക്കുന്നത്. അടുത്തിടെയുണ്ടായ വിവാദങ്ങളുടെ ബാക്കിപത്രമാണ് ഈ ഡിസ്‌ലൈക്കുകള്‍. മമ്മൂട്ടി ഫാന്‍സുകാര്‍ ഒന്നടങ്കം ഡിസ്ലൈക്ക് അടിച്ചു വിടുകയാണെന്നാണ് സൂചന.
