തൃശൂർ: ഇ–20 പെട്രോളിനെ വൃത്തികെട്ട രാഷ്ട്രീയമായി ഉപയോഗിക്കുന്ന ഈ പൊട്ടൻമാർക്ക് അതിന്റെ സയൻസ് അറിയില്ലെന്നും പെട്രോളിനാെപ്പം മറ്റെന്തെങ്കിലും ചേർത്ത ശേഷമാണോ സാംപിളുകൾ പരിശോധിച്ചതെന്ന് അന്വേഷിക്കേണ്ടിവരുമെന്നും കേന്ദ്രമന്ത്രി സുരേഷ് ഗോപി. എഥനോളിന്റെ അളവു സംബന്ധിച്ച് കേന്ദ്രസർക്കാരിന് റജിസ്റ്റേഡ് പരാതികളൊെന്നും ലഭിച്ചിട്ടില്ല. പരാതി ലഭിച്ചാൽ സിബിഐ അന്വേഷണമുണ്ടാവും. അപ്പോൾ ചിലർ സിബിഐക്കെതിരെ തിരിയുമെന്നും ആരോപണങ്ങൾ രാഷ്ട്രീയപ്രേരിതമാണെന്നും അദ്ദേഹം പറഞ്ഞു. തൃശൂരിൽ ഒരു പൊതുപരിപാടിക്കിടെ സംസാരിക്കുകയായിരുന്നു അദ്ദേഹം
ശാസ്ത്രം അറിയാത്തവരാണ് പ്രതഷേധവുമായി രംഗത്തെത്തുന്നത് . ഇ20യെക്കുറിച്ച് കൃത്യമായ കാര്യമാണ് പറഞ്ഞത്. 20 ക്രോസ് ചെയ്യുന്ന അവസ്ഥ ഇന്ത്യയിലില്ല. ദുഷിച്ച രാഷ്ട്രീയ ശക്തികളാണ് ആരോപണങ്ങൾ ഉന്നയിക്കുന്നത്. ഈ പൊട്ടന്മാർക്ക് ഇതിന്റെ സയൻസ് അറിയില്ല. ഇനി ഈ മഹാന്മാരൊക്കെ വലിയ കന്നാസിൽ കൊണ്ടുപോയി മിക്സ് ചെയ്തിട്ടാണോ സാമ്പിളെടുത്തതെന്ന് അറിയില്ല. അതിലെ ആദ്യം മുതൽ അവസാനം വരെയുള്ള പൊട്ടന്മാർക്ക് ഒന്നുമറിയില്ലെന്നായിരുന്നു സുരേഷ് ഗോപിയുടെ പരിഹാസം.