ഒരാൾ ടോർച്ച് തെളിച്ചുകൊടുത്തു; മറ്റേയാൾ അടിച്ചുമാറ്റി; ശേഷം ഇരുവരും മുങ്ങി; ഭിത്തിയിലെ വിടവിലൂടെ കമ്പിയിട്ട് കള്ളുകുപ്പി മോഷ്ടിച്ചു; പൊൻകുന്നത്തെ ഷാപ്പിലെ ദൃശ്യങ്ങൾ പുറത്ത്

കോട്ടയം: പൊൻകുന്നത്ത് കള്ളുഷാപ്പിൽ നിന്ന് കള്ളുകുപ്പി മോഷ്ടിച്ചു. ഷാപ്പിന്റെ ഭിത്തിയിലെ വിടവിലൂടെ കമ്പി കടത്തിയാണ് കള്ളുകുപ്പി കൈക്കലാക്കിയത്. മോഷണത്തിന്റെ സിസിടിവി ദൃശ്യങ്ങൾ പുറത്തുവന്നു.

രണ്ടുപേർ ചേർന്നാണ് മോഷണം നടത്തിയതെന്നാണ് സംശയം. ഒരാൾ കമ്പി ഉപയോഗിച്ച് കള്ളുകുപ്പി എടുക്കുമ്പോൾ മറ്റൊരാൾ ടോർച്ച് തെളിച്ചുകൊടുക്കുന്നത് ദൃശ്യങ്ങളിൽ കാണാം. ഭിത്തിയിലെ വിടവിലൂടെ കമ്പി കടത്തി കുപ്പി വലിച്ചെടുക്കുന്ന രീതിയിലായിരുന്നു മോഷണം.

സംഭവത്തിൽ പൊലീസ് അന്വേഷണം ആരംഭിച്ചു. സിസിടിവി ദൃശ്യങ്ങൾ കേന്ദ്രീകരിച്ച് പ്രതികളെ കണ്ടെത്താനുള്ള ശ്രമത്തിലാണ് പൊലീസ്.

തെറ്റിദ്ധാരണയെ വീണ്ടും കുത്തിപ്പൊക്കി മമ്മൂട്ടിയെ വേട്ടയാടുന്നു, അദ്ദേഹം ഒരു രാഷ്ട്രീയ പാർട്ടിയുടെയും ചട്ടക്കൂടിൽ ഒതുങ്ങിനിൽക്കുന്ന വ്യക്തിയല്ല, ഇത്തരം വ്യക്തിഹത്യകൾക്ക് നേതൃത്വം കൊടുക്കുന്നത് ആരായാലും അത് ഇടതുപക്ഷ രാഷ്ട്രീയമല്ല- പി ജയരാജന്‍