Astrology

“‘നിങ്ങൾക്ക് ഹിന്ദു സംസ്കാരം അറിയാമോ?, നിങ്ങൾ എന്തിനാണ് ഷോർട്ട്‌സ് ധരിക്കുന്നത്?” ഷോർട്സും സ്ലീവ് ലെസ് ബനിയനും ധരിച്ചതിന്റെ പേരിൽ വിനോദ സഞ്ചാരത്തിനെത്തിയ കുടുംബത്തിനു നേരെ സദാചാര പോലീസിന്റെ മർദ്ദനം

· · 1 min read
Share: Copied!

പൂനെ: സിംഹഗഡ് കോട്ട സന്ദർശിക്കാനെത്തിയ കുടുംബത്തെ ഷോർട്സും സ്ലീവ്‌ലെസ് വസ്ത്രങ്ങളും ധരിച്ചതിന്റെ പേരിൽ മർദിച്ചെന്ന പരാതിയിൽ വലതുപക്ഷ സംഘടനയിലെ എട്ട് പേർക്കെതിരെ പൂനെ റൂറൽ പോലീസ് കേസെടുത്തു. മൂന്ന് സ്ത്രീകളും പ്രതിപ്പട്ടികയിലുണ്ട്. കഴിഞ്ഞ ഞായറാഴ്ച ഉച്ചയ്ക്ക് രണ്ട് മണിക്കും വൈകിട്ട് അഞ്ച് മണിക്കും ഇടയിലാണ് സംഭവം. നാല് വ്യത്യസ്ത സംഘങ്ങളിലായി കോട്ടയിലെത്തിയ വിനോദസഞ്ചാരികൾക്ക് നേരെയാണ് ആക്രമണമുണ്ടായതെന്നാണ് പരാതി. ധയാരിയിലെ 39കാരനും സ്വകാര്യ സ്ഥാപനത്തിലെ മാനേജരുമായ ഒരാളാണ് ഹവേലി പൊലീസിൽ പരാതി നൽകിയത്.

പരാതിക്കാരനും കുടുംബവും കോട്ടയിൽ ഫോട്ടോ എടുക്കുന്നതിനിടെ പ്രതികൾ ഇവരെ സമീപിച്ച് ഷോർട്സ് ധരിച്ചതിനെയും ഫോട്ടോ എടുത്തതിനെയും ചോദ്യം ചെയ്തെന്നാണ് പോലീസ് പറയുന്നത്. നിങ്ങൾക്ക് ഹിന്ദു സംസ്കാരം അറിയാമോ?, നിങ്ങൾ എന്തിനാണ് ഷോർട്ട്‌സ് ധരിക്കുന്നത്?” എന്നു ചോദിച്ചുകൊണ്ട് ഇവർ കുടുംബത്തോട് കോട്ടയിൽനിന്ന് മടങ്ങിപ്പോകാൻ ആവശ്യപ്പെട്ടു. ഇതിനിടെ പ്രതികളിലൊരാൾ തന്നെ തല്ലുകയും ഒരു സ്ത്രീ തന്റെ ഭാര്യയെ വലിച്ചിഴയ്ക്കുകയും ചെയ്തതായി പരാതിക്കാരൻ പോലീസിനോട് പറഞ്ഞു.

ഞായറാഴ്ച കോട്ട സന്ദർശിച്ച മറ്റ് മൂന്ന് സംഘങ്ങളിൽനിന്നും സമാനമായ പരാതികൾ പോലീസിന് ലഭിച്ചിട്ടുണ്ട്. സംഭവത്തിൽ സമസ്ത ഹിന്ദു ബന്ധവ് ആർമിയിലെ അംഗങ്ങളാണ് പ്രതികളെന്ന് പോലീസ് അറിയിച്ചു. ഭാരതീയ ന്യായ സംഹിതയിലെ (BNS) 115, 118 ഉൾപ്പെടെയുള്ള വകുപ്പുകൾ പ്രകാരമാണ് കേസെടുത്തിരിക്കുന്നത്. ഗുരുതര ആക്രമണം ഉൾപ്പെടെയുള്ള കുറ്റങ്ങളാണ് ചുമത്തിയിരിക്കുന്നത്. എട്ട് പ്രതികളെയും, മൂന്ന് സ്ത്രീകളുൾപ്പെടെ, പിടികൂടുന്നതിനായി അന്വേഷണം ആരംഭിച്ചതായി ഹവേലി പോലീസ് സ്റ്റേഷൻ ഇൻസ്പെക്ടർ രാജേഷ് രാംഘാരെ അറിയിച്ചു. അന്വേഷണം പുരോഗമിക്കുകയാണ്.

BREAKING NEWS
യമുനയിൽ വെളുത്ത പത, അതിനിടയിൽ ഛഠ് പൂജ; ഡൽഹിയിൽ ബിജെപി-ആം ആദ്മി പോര്; ൻ ഭരണകാലത്ത് ഛഠ് പൂജയ്ക്ക് വിലക്കേർപ്പെടുത്തിയവർ ഇപ്പോൾ വിഷയത്തിൽ രാഷ്ട്രീയം കളിക്കുകയാണെന്ന് ബിജെപി
16 Nov 2026
BREAKING NEWS
70കാരിക്ക് നേരെ ലൈംഗികാതിക്രമം, മട്ടാഞ്ചേരി സ്വദേശി പിടിയില്‍
16 Nov 2026
BREAKING NEWS
25 ലക്ഷം രൂപയുടെ ക്വട്ടേഷൻ, ആദ്യം നൽകിയത് 4 ലക്ഷം; തലേദിവസം കവർച്ചയുടെ റിഹേഴ്സൽ; ചാലയിലെ സ്വർണക്കവർച്ചയിൽ അയൽ ജ്വല്ലറി ഉടമയ്ക്കും പങ്കെന്ന് പോലീസ്
16 Nov 2026
BREAKING NEWS
ഒരാഴ്ചയായി വാര്‍ഡ് അടച്ചിട്ടിരിക്കുകയാണ്, അതുകൊണ്ടാണ് പൂച്ചകളും എലികളും കയറിയത്, വിശദീകരണവുമായി ആശുപത്രി സൂപ്രണ്ട്, മോശമായ കിടക്കകള്‍ മാറ്റി ഉടന്‍ തുറക്കണമെന്ന് കെ മുരളീധരന്‍
16 Nov 2026