BREAKING NEWS

ആർഎസ്എസിന് പിന്നില്‍ വലിയ കള്ളപ്പണം വെളുപ്പിക്കൽ റാക്കറ്റുണ്ട്, ഉറവിടം ചോദിച്ചാൽ അവർ ഗുരു ദക്ഷിണ എന്ന് പറയും, ആരാണ് ഇത് നൽകുന്നത്? ആർഎസ്എസ് എന്തുകൊണ്ട് നികുതി അടയ്ക്കുന്നില്ല?? അവരുടെ പണത്തിനും ചെലവുകൾക്കും ഉത്തരവാദിത്തമില്ലേ?? ആര്‍എസ്എസും ബിജെപിയും പിശാചും അതിന്റെ നിഴലുമാണ് – പ്രിയങ്ക് ഖാര്‍ഗെ

· · 1 min read
Share: Copied!

ബംഗളൂരു: ആര്‍എസ്എസിന്റെ സാമ്പത്തിക സ്രോതസ്സുകളെയും സുതാര്യതയെയും ചോദ്യം ചെയ്ത് കര്‍ണാടക മന്ത്രി പ്രിയങ്ക് ഖാര്‍ഗെ. ആർഎസ്എസിന് ലഭിക്കുന്ന ഫണ്ടുകൾ എവിടെ നിന്ന് വരുന്നുവെന്നും അത് എങ്ങോട്ട് പോകുന്നുവെന്നും വ്യക്തമല്ലെന്ന് അദ്ദേഹം ചൂണ്ടിക്കാട്ടി. സാധാരണ പൗരന്മാർ വരുമാന നികുതി കൃത്യമായി അടയ്ക്കണമെന്ന് പറയുന്ന ആർഎസ്എസ്, നികുതി പരിശോധനകളിൽ നിന്ന് സ്വയം ഒഴിഞ്ഞുനിൽക്കുന്നത് എങ്ങനെയെന്ന് ഖാര്‍ഗെ ചോദിച്ചു.

ആർഎസ്എസുമായി ഏകദേശം 2,500 സംഘടനകൾ ബന്ധപ്പെട്ടിരിക്കുന്നു. യുഎസ്, യുകെ എന്നിവയുൾപ്പെടെ നിരവധി രാജ്യങ്ങളിൽ നിന്ന് പണം ലഭിക്കുന്നുണ്ട്. ഇത് കണക്കിലെടുക്കുമ്പോൾ, ആർഎസ്എസിന് പിന്നിൽ ഒരു വലിയ കള്ളപ്പണം വെളുപ്പിക്കൽ റാക്കറ്റ് ഉണ്ടെന്ന് പറയാമെന്നും അദ്ദേഹം പറഞ്ഞു.

പക്ഷേ പണത്തിന്‍റെ ഉറവിടം ചോദിച്ചാൽ അവർ നമ്മളോട് ‘ഗുരു ദക്ഷിണ’ എന്ന് പറയും. പക്ഷേ ഇത് എവിടെ നിന്ന് വരുന്നു? ആരാണ് ഇത് നൽകുന്നത്? ആർഎസ്എസ് എന്തുകൊണ്ടാണ് നികുതി അടയ്ക്കാത്തത്? മറ്റുള്ളവരുടെ ഓരോ രൂപയും കണക്കിൽ എടുക്കുമ്പോൾ… അവരുടെ പണത്തിനും ചെലവുകൾക്കും ഉത്തരവാദിത്തമില്ലാത്തത് എന്തുകൊണ്ട്?ആർഎസ്എസ് സംഘടന ഭരണഘടനയുടെയും നിയമത്തിന്റെയും കീഴിൽ രജിസ്റ്റർ ചെയ്യുന്നത് വരെ ഞാൻ ഇത് പറഞ്ഞു കൊണ്ടിരിക്കും” അദ്ദേഹം കൂട്ടിച്ചേര്‍ത്തു. ബംഗളൂരുവിൽ ഒരു സ്വകാര്യ പരിപാടിയിൽ സംസാരിക്കുകായയിരുന്നു ഖാര്‍ഗെ.

ആര്‍എസ്എസ് വ്യക്തികളുടെ സംഘടനയാണെന്നും അതിനാൽ അത് രജിസ്റ്റർ ചെയ്യേണ്ട ആവശ്യമില്ലെന്നുമുള്ള ആര്‍എസ്എസ് മേധാവി മോഹൻ ഭഗവതിന്‍റെ പ്രസ്താവനയോട് പ്രതികരിക്കുകയായിരുന്നു ഖാര്‍ഗെ. “ബാംഗ്ലൂർ ക്ലബ് വ്യക്തികളുടെ ഒരു കൂട്ടായ്മയാണ്. പക്ഷേ അവർ രജിസ്റ്റർ ചെയ്തിട്ടില്ലേ? അവർ നികുതി അടയ്ക്കുന്നില്ലേ?” അദ്ദേഹം ചൂണ്ടിക്കാട്ടി. ആര്‍എസ്എസും ബിജെപിയും പിശാചും അതിന്റെ നിഴലുമാണെന്നും ഖാര്‍ഗെ പറഞ്ഞു.

BREAKING NEWS
അവരെ വിദ്യാര്‍ഥികളായി കാണാന്‍ പറ്റില്ലത്രേ, അവരുടെ അവകാശത്തിന് വേണ്ടി സാംസ്‌കാരിക കരച്ചിലില്ലത്രേ, സമരപ്പന്തല്‍ കെട്ടാനോ സമരനാടകം നടത്താനോ ആരുമില്ല, അവര്‍ എസ്എഫ്‌ഐ അല്ലല്ലോ!! ഇടത് സിന്‍ഡിക്കേറ്റ് നിലപാടിനെ പരിഹസിച്ച് ജിന്റോ ജോണ്‍
16 Nov 2026
BREAKING NEWS
കുഞ്ഞ് കരഞ്ഞത് ഇഷ്ടപ്പെട്ടില്ല, കുട്ടിയെ പിടിച്ചുവലിച്ച് മുഖം തറയില്‍ അടിച്ചു, രണ്ടാമത്തെ അടിയോടെ അനക്കം ഇല്ലാതായി, തടയാന്‍ ശ്രമിച്ച മൂത്തമകളെയും മര്‍ദിച്ചു, ഒന്നരവയസുകാരിയുടെ കൊലപാതകത്തില്‍ കൂടുതല്‍ വിവരങ്ങള്‍ പുറത്ത്
16 Nov 2026
BREAKING NEWS
താന്‍മാത്രം മന്ത്രിയായി ഇരുന്നാല്‍ മതിയോയെന്ന് സഖാക്കള്‍ ചോദിക്കുന്ന അവസ്ഥയുണ്ടാക്കരുത്, കോര്‍പ്പറേഷന്‍ നിയമനങ്ങള്‍ അടിയന്തരമായി നടത്തണം, യുഡിഎഫിന്റെ ഭാഗത്തുനിന്ന് മാന്യതയുണ്ടാകുമെന്നാണ് കരുതുന്നത്- ഷിബു ബേബി ജോണ്‍
16 Nov 2026
BREAKING NEWS
മൂന്ന് പേരുടെ ജീവനെടുത്ത നെടുമ്പാശേരി മിനികൂപ്പർ അപകടം; ഒന്നാം പ്രതി സുഹൈൽ ഇന്ന് പുറത്തിറങ്ങും, കോടതി ആവശ്യപ്പെട്ട 10 ദിവസത്തെ ജയിൽവാസം പൂർത്തിയായി
16 Nov 2026