BREAKING NEWS

കുഞ്ഞ് കരഞ്ഞത് ഇഷ്ടപ്പെട്ടില്ല, കുട്ടിയെ പിടിച്ചുവലിച്ച് മുഖം തറയില്‍ അടിച്ചു, രണ്ടാമത്തെ അടിയോടെ അനക്കം ഇല്ലാതായി, തടയാന്‍ ശ്രമിച്ച മൂത്തമകളെയും മര്‍ദിച്ചു, ഒന്നരവയസുകാരിയുടെ കൊലപാതകത്തില്‍ കൂടുതല്‍ വിവരങ്ങള്‍ പുറത്ത്

· · 1 min read
Share: Copied!

ആലപ്പുഴ: മാവേലിക്കരയിൽ അസം സ്വദേശികളായ കുടുംബത്തിലെ ഒന്നരവയസുകാരി ദീപികയെ തറയിലടിച്ച് കൊലപ്പെടുത്തിയ സംഭവത്തിൽ കൂടുതൽ വിവരങ്ങൾ പുറത്ത്. കുഞ്ഞ് കരഞ്ഞതിലുള്ള ദേഷ്യമാണ് കൊലപാതകത്തിന് കാരണമായതെന്നാണ് പുറത്തുവരുന്ന വിവരം. അമ്മയുടെ കൈയിൽനിന്ന് കുഞ്ഞിനെ വാങ്ങിയ പ്രതി പരിതോഷ് മണ്ഡൽ മൂന്ന് തവണ കുട്ടിയുടെ മുഖം തറയിൽ അടിക്കുകയായിരുന്നു.

ആദ്യത്തെ അടിയിൽ കുഞ്ഞ് കരഞ്ഞെന്നും രണ്ടാമത്തെ അടിയോടെ അനക്കം നഷ്ടമായെന്നും അമ്മ റോണ്ട് വാലി മൊഴി നൽകിയിട്ടുണ്ട്. അമ്മയെ ആക്രമിക്കുന്നതിനിടെ ഒക്കത്തിരുന്ന് കുഞ്ഞ് കരഞ്ഞതാണ് പ്രതിയെ പ്രകോപിപ്പിച്ചത്. കുഞ്ഞിനെ ആക്രമിക്കുന്നത് തടയാൻ ശ്രമിച്ച റോണ്ട് വാലിയെയും മൂത്തമകൾ ലുധികയെയും പ്രതി മർദിച്ചു. അതിക്രമത്തിന് പിന്നാലെ മദ്യലഹരിയിലായിരുന്ന പ്രതി വാടകവീട്ടിൽ കിടന്നുറങ്ങിയെന്നും വിവരമുണ്ട്.

പിന്നീട് അമ്മയും മൂത്തമകളും ചേർന്ന് കുഞ്ഞിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ മാസം 28നാണ് പരിതോഷ് മണ്ഡൽ റോണ്ട് വാലിക്കും കുട്ടികൾക്കുമൊപ്പം അസമിൽനിന്ന് മാവേലിക്കരയിലെത്തിയത്. റോണ്ട് വാലിയെ ഇയാൾ നിയമപരമായി വിവാഹം കഴിച്ചിരുന്നില്ലെന്നാണ് വിവരം. കൊല്ലപ്പെട്ട ദീപിക തന്റെ കുട്ടിയല്ലെന്നാണ് പരിതോഷിന്റെ മൊഴി. എന്നാൽ ഭാര്യയും മക്കളുമാണെന്ന് പറഞ്ഞാണ് ഇയാൾ ഇവരെ മറ്റുള്ളവർക്ക് പരിചയപ്പെടുത്തിയിരുന്നത്. സംഭവത്തിൽ പൊലീസ് അന്വേഷണം തുടരുകയാണ്. കൊല്ലപ്പെട്ട ദീപികയുടെ പോസ്റ്റ്മോർട്ടം ഇന്ന് നടക്കും. പോസ്റ്റ്മോർട്ടം റിപ്പോർട്ട് ലഭിച്ചശേഷം തുടർനടപടികൾ സ്വീകരിക്കാനാണ് പൊലീസിന്റെ തീരുമാനം.

BREAKING NEWS
താന്‍മാത്രം മന്ത്രിയായി ഇരുന്നാല്‍ മതിയോയെന്ന് സഖാക്കള്‍ ചോദിക്കുന്ന അവസ്ഥയുണ്ടാക്കരുത്, കോര്‍പ്പറേഷന്‍ നിയമനങ്ങള്‍ അടിയന്തരമായി നടത്തണം, യുഡിഎഫിന്റെ ഭാഗത്തുനിന്ന് മാന്യതയുണ്ടാകുമെന്നാണ് കരുതുന്നത്- ഷിബു ബേബി ജോണ്‍
16 Nov 2026
BREAKING NEWS
മൂന്ന് പേരുടെ ജീവനെടുത്ത നെടുമ്പാശേരി മിനികൂപ്പർ അപകടം; ഒന്നാം പ്രതി സുഹൈൽ ഇന്ന് പുറത്തിറങ്ങും, കോടതി ആവശ്യപ്പെട്ട 10 ദിവസത്തെ ജയിൽവാസം പൂർത്തിയായി
16 Nov 2026
BREAKING NEWS
മാർക്കറ്റ് ഗേറ്റ് ചാടിക്കടന്ന് അടക്ക മോഷണം; 3.64 ലക്ഷം രൂപയുടെ 16 ചാക്ക് കവർന്ന പ്രായപൂർത്തിയാകാത്ത രണ്ടുപേരടക്കം അഞ്ചംഗ സംഘം പിടിയിൽ
16 Nov 2026
BREAKING NEWS
'ലഡു കൊണ്ട് എറിഞ്ഞാലും ഏറ് ഏറാണ്; മുറിവുണ്ടാക്കിയവർ തന്നെയത് ഉണക്കണം'; സർക്കാരിനെതിരേ ഓർത്തഡോക്സ് സഭ; പാത്രിയാർക്കീസ് ബാവയുടെ ടെ മണർകാട് സന്ദർശനത്തോടെ വീണ്ടും ഓർത്തഡോക്സ്-യാക്കോബായ സഭാ തർക്കം
16 Nov 2026