പാലക്കാട്: ഒറ്റപ്പാലം ലക്കിടിയിൽ ടിപ്പറും സ്കൂട്ടറും കൂട്ടിയിടിച്ച് അമ്മയ്ക്കും കുഞ്ഞിനും ദാരുണാന്ത്യം. ലക്കിടി ഭാഗത്തേക്ക് ഒരേ ദിശയിൽ പോകുകയായിരുന്ന സ്കൂട്ടറിനു പിന്നിൽ ടിപ്പർ ഇടിക്കുകയായിരുന്നു. ഇടിച്ച പിന്നാലെ ഇവരുടെ ദേഹത്തു കൂടെ ടിപ്പർ ലോറി കയറിയിറങ്ങിയതായ് ദൃക്സാക്ഷികൾ പറഞ്ഞു. തിരുവില്വാമല കണിയാർക്കോട് സ്വദേശി ശരണ്യ, ഇവരുടെ മകൾ അഞ്ച് വയസുകാരി ആദിശ്രീ എന്നിവരാണ് മരിച്ചത്. സ്കൂട്ടർ ഓടിച്ചിരുന്ന ബന്ധു മോഹൻദാസിന് ഗുരുതരമായി പരുക്കേറ്റു.
അതേസമയം തിരുവില്വാമലയിലെ വീട്ടിൽ നിന്ന് ഭർത്താവിൻറെ വീടായ ലക്കിടി കൂട്ടുപാതയിലേക്ക് പോകുകയായിരുന്നു ശരണ്യയും കുഞ്ഞും. അപകടത്തിൽ ഗുരുതരമായി പരുക്കേറ്റ മൂവരേയും ഉടൻ തന്നെ ഒറ്റപ്പാലം താലൂക്ക് ആശുപത്രിയിൽ എത്തിച്ചെങ്കിലും അമ്മയുടേയും കുഞ്ഞിന്റേയും ജീവൻ രക്ഷിക്കാനായില്ല.
Related Post
